بحث التخرج لقسم الكيمياء
 

السلام عليكم ،
حبيت افتح هالموضوع لنستفيد من تجارب الخريجات من حيث اعطاء خلفيه عن كيف يكون بحث التخرج وكيف اختباره ومين افضل الدكاتره وكيف اسلوب كل دكتور وياليت تفيدووونا لانو كثير مايعرفون طريقته وهل يكون قروب ولافردي وشكرااا

رد: بحث التخرج لقسم الكيمياء
 

حلو كنت اتمنى احد يسوي هالموضوع مشكوره ي له بنات ورونا تجاربكم. انتو الي اخترتوا اسم البحث والا كيف نبي نستفيد منكم

رد: بحث التخرج لقسم الكيمياء
 

أول شيء مساء الخير..

ثاني شيء لمن تاخذين مادة البحث توكلي على الله ولاتحاتين حتى لو ماأخذتيها عند الدكتور اللي تبينه
سالفة ان فيه دكتور أحسن من دكتور لا ،، الوضع يعتمد على طبيعة وتجربة الدكتور >> أعذريني على الفلسفة نخش بالموضوع

أنا يوم جيت أسجل قلت ي باخذها عند د. رشدي أو د. إيهاب من كلام البنات عنهم خذو عند هالدكتورين لاتاخذون عند احد غيرهم
وتعرفين التسجيل ومشاكله ف تقفلت الشعب وأخذتها عند د. رفيق ..

المحاضرة الاولى كانت تعريفية فيه وبتخصصه ، تقسيم الدرجات ، وتقسيمه لنا ، لأن بهالموضوع يفرق من دكتور لدكتور آخر ، احنا قسمنا على بنتين بنتين ، وفيه دكاترة آخرين يبونه فردي ، وفيه مثل الدكتور كمال خلاه قروب خمس بنات يمكن..
تقسيم الدرجات كان 30 درجة إختبار ، و 70 درجة على البحث ،
القسم الاول اللي اهو 30 درجة كانت بيدين الدكتور . حسين جلال ف قسم الكيمياء كل اللي مسجلن مادة البحث يعطيهم الدكتور حسين تقريباً 4 إلى 5 محاضرات يتكلم فيها عن البحث وأهدافة أنواعه... إلخ وبعده يختبرنا فيه اختبار تحريري ب 30 درجة
القسم الثاني 70 درجة تكون بيد الدكتور اللي انتي سجلتي عنده ،، أنا مع الاسف ناسية بالضبط التقسيم بس اللي أذكره يكون على نشاطك معه ، وهم بعد انو تجيبين الاشياء بوقتها يعني يطلب مقدمة وتجيبينها الاسبوع الجاي ، ويمكن عشرين درجة كانت على بحثك بالاخير وانو مستوفي العناصر ، وكم درجة على مناقشتك للبحث ؟؟
ومناقشة البحث تكون بالأخير على نهاية السمستر قبل الاختبار بأسبوع أو أسبوعين ، يتم تحديد الوقت من قبل الدكتور وتكون بحضور دكتور أخر يحضر المناقشة ويسألك على اللي قدمتيه ،،
اللحين نجي لموضوع البحث :
موضوع البحث يعتمد أولاً على تخصص الدكتور ، فالدكتور رفيق تخصصه كيمياء تحليليه وعطانا ف المحاضرة ثلاثة مواضيع وقال اختارو منها وكله تخص الكيمياء التحليلية ،وإذا تبون موضوع من عندكم مايعترض اهو ،،

الدكتور رفيق جداً جداً ماشاءالله رائع رقي بالخلق وبالمعامله ساعدنا كثيرر بتقديم البحث بأفضل صورة ، بالحيل يسسر لنا المادة كان يساعدنا ويعطينا روابط نبحث فيها يعطينا مقالات وأخبار تخص موضوعنا
كان اجتماعنا فيه اسبوعياً متى ماأحتجناه طلبنا منه يجتمع معنا ،،
بالأخير يوم التسليم صحح الأخطاء وعدل عليها اهو وضاف ونقص اشياء من عنده عشان يكتمل ،،
وطبعاً عليك تجيبين نسختين النسخة الاصلية له ونسخة على شكل ملزمة للدكتور الأخر المناقش

في وقت المناقشة لاتتأزمين بالحيل اشياء بسيطة ويمشون الوضع يعني مايدققون بالحيل
احنا قدمناه على شكل فيديو واحنا ننخلص الاشياء اللي ذكرناها في البحث بشكل سريع بعدين تم سؤالنا سؤالين وقال خلاص فحفظ الله

ف نصيحتي لك كل دكاترة البحث يساعدون وبالحيل مافيه احد افضل من احد ، اللهم ان هذا يفعل كذا وهذا كذا

الدكاترة اللي يمدحونهم وصديقاتي خذو معهم غير د.رفيق
د. رشدي ، د. ايهاب ، د. أيمن زكي ، د.خلود السدحان ، د. أحلام العرفج

وفالكم التوفيق والتيسير لجميع آالامور:29: وأعذريني على الاطالة ..:16:

رد: بحث التخرج لقسم الكيمياء
 

رد: بحث التخرج لقسم الكيمياء
 

وعليكم السلام ورحمة الله وبركاته

جزاك الله خيرا أختي فوز على نقلك لتجربتك الرائعة :1::1::1:

وسيبقى بحث التخرج ذكرى جميلة لاتنسى :11:

ومبارك لك تخرجك وأسأل الله لك أعلى الدرجات في الدنيا والآخرة :16::1:

وعقبال الجميع بإذن الله :16::1:

وكذلك أختي فوفي جزاك الله خيرا على فتحك للموضوع وأرجو أن لايقصرن البنات في نقل تجاربهن :29::1:

رد: بحث التخرج لقسم الكيمياء
 

بنوتات البحث ان شاء الله بيكون تجربه حلوه وتنبسطوا فيها ..
اول شيء اختنا فوز م قصرت ف ماني عارفه ايش ازيد ع كلامها ..
بس بالنسبه لفردي ولا مجموعات ع حسب الدكتور او الدكتوره
وانا اشوف الفردي احسن يعني حريه تختارين موضوعك لحالك وتشتغلين فيه بأريحيه :27:

ثاني شيء المناقشه اللي البنات مكبرين موضوعها تررا مره بسيطه
مجرد برزنتيشنن للبحث تعرضونه وتستقبلين سؤالين وتجاوبين عنهم وبس :34:

أما الدكاتره الأفضل ع حسب انتي ميولك لأي تخصص عضويه غير عضويه أو حيويه

وبصراحه أنا أفضل البحث يكون مع دكتوره مو دكتور لان أسهل ف التواصل ..
وطبعاً استخيروا يعني تججارب البنات تختلف من بنت لبنت الله يوفقككم ي رب :16:

رد: بحث التخرج لقسم الكيمياء
 

+
فوز حبيبتي حضرت جزء من مناقشتكم أنا بالمرئي ..
لان كنت جايه بسأل د أيمن سؤال ف قاطعتكم :5:
كانت مرره رايقه ماشاء الله ..

كلامك :21: حبيبتي ب البحث الدكاتره متعاونين أكثر ..
عني أُفضل د خلود السدحان :1: الله يسعدها هالدكتوره :16:
و اللي تبغى عضويه في د منى الظفير أو فيزيائية د أحلام العرفج جداً رائعه تجاربنا معاهم ..

وأهم أهم ششيء لا تفكرون كثير وتتوترون لان الكلام السلبي اللي ينتقل بين البنات مو صحيح :30:

بالنسبه للمراجع تختلف من دكتور لدكتور ..
يعني ببحثي كانت مراجعي كلها الكترونيه بس تكون مواقع موثوقه ..
ماعدا جزء بسيط كان من كتاب طبعته جديده عشان المواضيع ..

والمراجع في دكاتره يقيدون ب كتب
وفي دكاتره لايخلون الخيار لكم .. زي صديقاتي مع د ايهاب كان بحثهم من كتب ..
بالنسبه للدكتور أنور م أعرف طريقته بس جربته ب مادة الأطياف كان يشترط البحث يكون متكامل وهيك :35:

بنوتات لو عندكم أي سؤال تفضلوا وإسألوا اللي تبغونه :37::37:

رد: بحث التخرج لقسم الكيمياء
 

وعليكم السلام ورحمة الله و بركاته ،،

يكون على حسب شخصية الدكتور و طلباته و قبل كل هذا على تخصصه الدقيق

بالنسبة لنا في قسم الفيزياء ما كان عندنا اختبار ،،
أما بالنسبة لي مع دكتوري ،،

60 درجة على تسليم البحث متكامل ،،
20 درجة بيد الدكتور المشرف على البحث
20 درجة بيد الدكتور المناقش

ما ازيد على كلام نانا بهالخصوص :16:
شوفي انتي وش اللي تميلين له من العلوم اللي تندرج تحت علم الكيمياء و على هالأساس اختاري
اختاري العلم اللي انتي تحبينه و بالتالي بترتاحين مع الدكتور اللي بتكونين معاه و بتبدعين في بحثك :21:

كل دكتور له اسلوب مختلف عن الثاني ،،
وفيه بعض الدكاتره أنفسهم يغيرون بعض الأشياء من سنة إلى سنة :29:

نفس الشيء على حسب الدكتور ،،
عن نفسي كنت أفضل فردي و منها أنا اطوّل و آقصر على نفسي لو انضغطت ،،
و وافق الدكتور : ) لكن استجدت امور و صرت مع بنت ثانية كـ قروب ،،



------

بالنسبة لآختيار الدكتور الأفضل تخططين صح عشان ترتاحين و انتي تسوين البحث :004: :004: :004:

- في البداية انتي ترتاحين أكثر مع دكتور ولا دكتورة ؟
- وشو التخصص اللي تميلين له ؟

تشوفين اختياراتك تتناسب مع اي دكتور/ ة و كوني معاه ..
و حطي لك اسماء 3 دكاترة ، اذا ماكنت مع الأول على طول روحي للثاني قبل تسكر شعبته و هكذا

يعني مثلاً بالنسبة لي أنا ' قسم فيزياء '

كنت أفضل الدكتور على الدكتورة :29:
و تعجبني الطاقات المتجددة و الجوامد و العلوم الجديدة و المكتشفة بالسنوات الآخيرة : ) و لما بحثت اكتشفت ان احدى دكاترة القسم كان رسالة الدكتوراه حقته تتكلم عن الطاقة المتجددة :eek: :eek: :eek: و حضرت معاه كذا محاضرة السمستر الأول عن بعض العلوم الجديدة + الدكتور اللي اخترته له تأثير ايجابي علي الله يسعده وين ما كان :16:
كل هذي الأمور خلتني اختاره بدون تفكير :sm5:

ما ادري انتم في قسم الكيمياء اذا سهل التواصل مع الدكتور مثلنا أو لا !
لإن الدكتور كانت عندي معاه محاضرة البحث مرة بالأسبوع + اقدر التقي معاه في احدى قاعات المرئي في أي وقت يناسبني ،،
إلى درجة جاتني ايام صرنا نلتقي 4 مرات بالأسبوع حسب طلبي عشان نناقش مستجدات البحث ،،

رد: بحث التخرج لقسم الكيمياء
 

الله يعطيكم الف عافيه ويوفقكم بناات ماقصرتو والله :16::1:

رد: بحث التخرج لقسم الكيمياء
 

الله يجازي الجميع لما فيه الخيررر :29:
ويجعل امووركم للتساهيل والتيسير ياررب:16:

ماأزيد على كلام نانا شيء بالحيل وفت وكفت :11:
ونورتينا بالمناقشة يانانا :34:
بس على فكرة ترا ماأدري انتي منو :5:
أعذريني ماعاد بقى فيني عقل من هالجامعه :8::8: