ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   رساله الجامعه !! وأخرتها مع الضمان ؟؟؟ (https://vb.ckfu.org/showthread.php?t=385359)

دلوعه ابوي 2012- 11- 8 09:59 AM
رساله الجامعه !! وأخرتها مع الضمان ؟؟؟
 
صباح الخير للجميع


انا ابي اقول لكم اللي حصل لي وابي منكم تقولون لي وش اسوي

انا مستوى ثاني الان وعديت المستوى الاول والحمد لله بس فتره اختباري في المستوى الاول
كانت العام الماضي في شهر صفر .

وبعدها كنت بقدم للمستوى الثاني بس الضمان مادفع لي الرسوم ولا كان عندي المبلغ الكافي عشان اسدد . وأجلت السمستر بس للحين رسومه تلحقني .

والان سويت طلب عوده لدراسه :33:. للسمستر الثاني من جديد وحسبو علي رسوم جديده وصار المبلغ 5465 ريال :24:

والحين ملكت ومادري بيدفع لي الضمان السمسترات اللي طافت ولا لا ؟؟

اذا مابيدفع بطلع منها ومابكمل .لان لو عندي المبلغ مانتظرت الضمان ولاحتى بدل له طريق :32:. اما اذا بيدفع الضمان لي هالسمسترين اللي سجلتهم واللي المفروض الضمان يدفع لي .

بعدها بكمل بحسابي الخاص :21:


بليز ابي مساعدكم في موضوعي :44:

بدر 2011 2012- 11- 8 10:10 PM
رد: رساله الجامعه !! وأخرتها مع الضمان ؟؟؟
 
هلابك اختي والله يكون بعونك وعون اللي مثلك
للاسف الجامعه ماهي مقدره وضع هالطلبه
والا مثل ماالضمان يدفع للمستفدين باامكان
الجامعه تسقط المبلغ على من يثبت انه يستفيد
من الضمان واعتقد الدوله ماتقصر لو عرض هالشي على ولاة الامر
لان كثير من الطلبه والطالبات يتمنون بان يكملوا تعليمهم الجامعي ولكن القسط يثقل كاهلهم وهم بحاجه لوقفه من الجامعه ومساعدتهم
والطلاب في نظام التعليم عن بعد كثير من يستطيع الدفع وربي مسهل اموره
لكن من في مثل حالة من يستفيد من الضمان باامكان الجامعه تتقاضى عنهم
وهم ليسوا بالكثير احببت ان اذكر هالشي والامر بيد الجامعه واسف اني ماقدرت ارد عليك
لاني مااعرف وش تسوين بهالطريقه بس مااحببت ان ادخل ولا ارد
يسعدك ربي ويرضى عليك وعلى والديك دنيا واخره وعسى ربي يسهلها عليك وعلى من مثلك وييسر الامور فالك التوفيق

Nada sh 2012- 11- 8 11:39 PM
رد: رساله الجامعه !! وأخرتها مع الضمان ؟؟؟
 
اقتباس:
المشاركة الأصلية كتبت بواسطة بدر 2011 (المشاركة 7482663)
هلابك اختي والله يكون بعونك وعون اللي مثلك
للاسف الجامعه ماهي مقدره وضع هالطلبه
والا مثل ماالضمان يدفع للمستفدين باامكان
الجامعه تسقط المبلغ على من يثبت انه يستفيد
من الضمان واعتقد الدوله ماتقصر لو عرض هالشي على ولاة الامر
لان كثير من الطلبه والطالبات يتمنون بان يكملوا تعليمهم الجامعي ولكن القسط يثقل كاهلهم وهم بحاجه لوقفه من الجامعه ومساعدتهم
والطلاب في نظام التعليم عن بعد كثير من يستطيع الدفع وربي مسهل اموره
لكن من في مثل حالة من يستفيد من الضمان باامكان الجامعه تتقاضى عنهم
وهم ليسوا بالكثير احببت ان اذكر هالشي والامر بيد الجامعه واسف اني ماقدرت ارد عليك
لاني مااعرف وش تسوين بهالطريقه بس مااحببت ان ادخل ولا ارد
يسعدك ربي ويرضى عليك وعلى والديك دنيا واخره وعسى ربي يسهلها عليك وعلى من مثلك وييسر الامور فالك التوفيق
والله صدقت اخوي المفروض على الجامعة انها تراعي ظروف اللي بالضمان خلص انا جبت لكم اثبات
يكفي هالشي ليش التعقيد؟

اكليل البنفسج 2012- 11- 9 01:51 AM
رد: رساله الجامعه !! وأخرتها مع الضمان ؟؟؟
 
السؤال الحين

انتي مقدمه طلب اعفاء من ايقونة الضمان اللي في الخدمات الطلابية ؟


اذا كنتي مقدمه كملي وتجاهلي رسائلهم الين تجيك رسالة الاعفاء

لان هالرسائل اللي تجيك جماعية

دلوعه ابوي 2012- 11- 12 02:37 AM
رد: رساله الجامعه !! وأخرتها مع الضمان ؟؟؟
 
اقتباس:
المشاركة الأصلية كتبت بواسطة اكليل البنفسج (المشاركة 7483406)
السؤال الحين

انتي مقدمه طلب اعفاء من ايقونة الضمان اللي في الخدمات الطلابية ؟


اذا كنتي مقدمه كملي وتجاهلي رسائلهم الين تجيك رسالة الاعفاء

لان هالرسائل اللي تجيك جماعية

ايه مسجله باأيقونة الاعفاء من زمان :30:

يعطيكم الف عافيه كلامكم هو المساعده بذاتها

الله يوفقكم يارب

منيره الشهراني 2012- 11- 15 08:57 PM
رد: رساله الجامعه !! وأخرتها مع الضمان ؟؟؟
 
متى تفتح ايقونة الضمان
تكفون ردوا لي

عــرۈقي تحتويڪ 2012- 11- 15 10:37 PM
رد: رساله الجامعه !! وأخرتها مع الضمان ؟؟؟
 
السلام عليكم
انا سجلت امس ولسى ماطلع قبولي
اذا طلع وقبلوني ان شاءالله
انتي مقدمه طلب اعفاء من ايقونة الضمان اللي في الخدمات الطلابية ؟

كيف اقدم ع طلب الاعفاء

سنعوره 2012- 11- 16 12:27 AM
رد: رساله الجامعه !! وأخرتها مع الضمان ؟؟؟
 
الله يوفقكم عطوني رابط لخانة الضمان
ماتطلع معي ماشوفها

فيصل البراك 2012- 11- 16 06:09 PM
رد: رساله الجامعه !! وأخرتها مع الضمان ؟؟؟
 
ي بنيه . اذا . مقدمه . خلاص تجاهلي كل شي . وهم يسددون سسوي اجلتي او ما اجلتي كل شي يتكفل فيه . الضمااان . دام متاكده . من تسجيل بياناتك مو المستوي ذا الي قبله سجلتي تاهلي وكملي :4:

سلطان0979 2012- 11- 16 11:22 PM
رد: رساله الجامعه !! وأخرتها مع الضمان ؟؟؟
 
طيب انا الحين اخذت ورقه الضمان تثبت اني من استفيد ورسلتها على الجامعه من شهر تقريبا الا الحين ماجاني رد منهم .. ياليت اللي يعرف يرد علي

دوَدي 2012- 11- 16 11:24 PM
رد: رساله الجامعه !! وأخرتها مع الضمان ؟؟؟
 
اقتباس:
المشاركة الأصلية كتبت بواسطة سلطان0979 (المشاركة 7528928)
طيب انا الحين اخذت ورقه الضمان تثبت اني من استفيد ورسلتها على الجامعه من شهر تقريبا الا الحين ماجاني رد منهم .. ياليت اللي يعرف يرد علي
لآزم ترفعها من ايقونه الضمآن
مَ ترسل ع الجآمعه

سلطان0979 2012- 11- 16 11:31 PM
رد: رساله الجامعه !! وأخرتها مع الضمان ؟؟؟
 
ايه رفعتها من شهر تقريبا

الثريا الثريا 2012- 11- 19 04:54 PM
رد: رساله الجامعه !! وأخرتها مع الضمان ؟؟؟
 
السلام عليكم جميعا ...........ياخوان وياخوات اذا رفعتوها من ايقونه مستحقين الضمان بيجيكم العفو قبل الاختبارات يعني نهايه الترم لايهمكم استمروا بلمذاكره وطنشوها ..........والترم الثاني يجيكم العفو تلقائي يعني مايحتاج ترسل المساله كلها بالترم الاول او المره الاولى الي ترفع فيها اوراقك مثلاانا رفعتها او ترم ..............والترم ذا فتحت الايقونه برفع من جديد لقيتهم كاتبين انت مشمول من ضمن الضمان الاجتماعي ومدفوعه ...يعني الحمدلله المساله باللترم الاول اذا طريقتكم صحيحه وشملكم خلاص الاترام الباقيه تدخلوون على الايقونه وتلقون انكم مشموليييييييين وخلاص لاتوترووون انفسكم نصييييييييحه مجربه هالوضع قبلكم



ادخلوا رابط خدمات طلابيه تلقونها تحت في الخدمات الماليه

لكنها غير مفعله ماتتفعل الا بدايه كل ترم فقط ...............


http://www.kfu.edu.sa/ar/Deans/elear...ice_btn-ov.jpg

الثريا الثريا 2012- 11- 19 04:59 PM
رد: رساله الجامعه !! وأخرتها مع الضمان ؟؟؟
 
اقتباس:
المشاركة الأصلية كتبت بواسطة سلطان0979 (المشاركة 7528928)
طيب انا الحين اخذت ورقه الضمان تثبت اني من استفيد ورسلتها على الجامعه من شهر تقريبا الا الحين ماجاني رد منهم .. ياليت اللي يعرف يرد علي

اخ سلطان وش تقصد ؟؟؟ رفعتها بطاقه الضمان الصراف والا لا

المطلوبه بطاقه الضمان ترفعها من الكمبيوتر على نظام الجامعه الخطوات بسيطه لكن انت وضح كيف كانت طريقتك علشان اتاكد صح والا لا

دلوعه ابوي 2012- 12- 12 12:51 PM
رد: رساله الجامعه !! وأخرتها مع الضمان ؟؟؟
 
http://im24.gulfup.com/sn0A1.png

هذي أخر رساله جاتني اليوم الصباح

الحل ؟؟؟؟

شموخ,, 2012- 12- 12 01:05 PM
رد: رساله الجامعه !! وأخرتها مع الضمان ؟؟؟
 
اتوقع لازم تتأكدي من الضمان
لاني سمعت انهم اسقطوا بعض المستفيدين
تأكدي من موقعهم

دلوعه ابوي 2012- 12- 12 09:39 PM
رد: رساله الجامعه !! وأخرتها مع الضمان ؟؟؟
 
ماقول الا الله يطولك ياروووووووووح

حق من حقوقنا ويذلونا فيه

فاقده ضحكتي 2012- 12- 13 02:07 AM
رد: رساله الجامعه !! وأخرتها مع الضمان ؟؟؟
 
شوفي يا عسل اذا ملكتي لا تخلي زوجك يضيفك في كرت العايله حقه
وبكذا اسمك ما راح ينزل من الضمان

الثريا الثريا 2012- 12- 13 03:52 PM
رد: رساله الجامعه !! وأخرتها مع الضمان ؟؟؟
 
اقتباس:
المشاركة الأصلية كتبت بواسطة دلوعه ابوي (المشاركة 7695352)
http://im24.gulfup.com/sn0a1.png

هذي أخر رساله جاتني اليوم الصباح

الحل ؟؟؟؟

وش وضعك اختي من متملكه ؟؟؟!!!!

او يمكن مارفعتي البطاقه عن طريق الخدمات الطلابيه بالطريقه الصحيحه ؟؟!!!!

تهـــــــاني 2012- 12- 14 01:51 AM
رد: رساله الجامعه !! وأخرتها مع الضمان ؟؟؟
 
ياجماعه وش سالفة الاوراق الي ارفعها من الايقونه!!!انا سجلت عادي ورحت للضمان واخذت اثبات اني مستفيده وارسلتها مع الوثاىق بسس والاسبوع الجاي راح اسدد الرسوم ، الاوراق الي بالايقونه متى انزلها وارسلها للجامعه !

دلوعه ابوي 2012- 12- 25 09:29 AM
رد: رساله الجامعه !! وأخرتها مع الضمان ؟؟؟
 
خلاص مانبي جامعه ولا هم يحزنون ...الله ع الظالم من الطرفين

عشتار 30 2012- 12- 25 03:15 PM
رد: رساله الجامعه !! وأخرتها مع الضمان ؟؟؟
 


هلا دلوعة أبوها /



أنا اعرف وحده مقدمة على الضمان وسمسترين هي تدفعهم
السمستر الثالث رجعت الجامعهلهاالمبالغ الي دفعتها
يعني توكلي على الله ولاتوقفين دراستك وان شاء الله تفرج



تحياتي /

دافنشي كود 2012- 12- 25 06:34 PM
رد: رساله الجامعه !! وأخرتها مع الضمان ؟؟؟
 
اختي اذا انتي ملكتي وزوجك اضافك شي بديهي ماراح يعفونك من الرسوم لأنك اصبحتي غير مستفييده


انا السمستر الأول ماكنت مستفيده من الظمان ودفعت من حسابي

السمستر الثاني سجلت بالظمان الأجتماعي بس دفعت من حسابي لأني م رفعت بياناتي من الأيقونه واكتفيت بأرسال اثبات للجامعه عن طريق البريد وللأسف ما أعفوني

السمستر الثالث واخيرا رفعت بياناتي بالأيقونه وما دفعت وطنشت المسجات اللي تجي منهم وبأخر اسبوع جاني مسج تم اعفائك من الرسوم

واللي حبيت الذكرك فيه انهم رجعو لي كلللل المبلغ السابق حق السمستر الأول والثاني

مع العلم اني في السمستر الأول ماااكنت مستفيده ...ورجعو لي المبلغ

يعني بما انك غير مستفيده حاليا اتوقع مايرجعون لك المبالغ ولا يدفعون عنك

ماودي احطمك بس هذا الواضح

ونصيحتي قااومي ودبرري حالك وكملي دراستك

الشهاده مهمه :2:

shkhamt 2012- 12- 25 06:38 PM
رد: رساله الجامعه !! وأخرتها مع الضمان ؟؟؟
 
:007::007: الله يعينكم


All times are GMT +3. الوقت الآن حسب توقيت السعودية: 11:00 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه