مساعدة يامستوى رابع لختكم الصغنونه
 

السلام عليكم

يامستوى رابع انا الآن جايتكم من المستوى الثالث وحابه اخذ رايكم اذا ماعليكم امر قبل اسجل موادي بما انكم درستم هاالترم ولامين فيه الدروس والدكاتره والفرق بين المواد العلميه والنظريه الخ....


انا حبيت اسجل موادي كالأتي


1- إدارة الموارد البشريه
2- التحليل الإحصائي
3- إداره ماليه
4-إدارة التسويق
5- الأساليب الكميه


(اساسيات البحث العلمي ) مااخذته لأن فيه ماده اسمها مهارات التعلم والتفكر وهذي الماده درستها قبل كذا واذا ماخاب ظني فهي نفسها عشان كذا استبعدتها


هذا اولاً...


ثانياً ... انا ماودي اخذ 5 مواد فقط ودي اخذ اكثر ع الأقل 6 مواد
فراجعت الجدول كله ولقيت جدولنا مره مضغوط كنت حابه اضيف ماده من اي مستوى والمواد جميعها يااما تقابلها بفتره ثانيه او اولى او انها بعد اوقبل الماده على طول يعني مثلاً الثلاثاء ماده والاربعاء على طول بعدها ماده فحترت
فحبيت اخذ رأيكم ادارة العمليات هي الماده الوحيده المناسبه للجدول بس ان اخذتها يصير عندي اربع مواد علميه
او اخذ مادة قضايا ثقافيه وهاالماده تصير يوم الثلاثاء قبل الموارد البشريه والموارد الأربعاء يعني بعدها عطول
او اخذ ادارة التغير ونفس حالة الثقافيه قبلها ماده وانا الى الآن مادري عن وضع ادارة التغيير ان كان علميه او نظريه او اكتفي بالخمس وابلع العافيه:icon9:


اعذروني طولت عليكم بس اللي عند فكره او خلفيه او نصيحه ياليت يفيدني حتى اعرف وش السواة لأن المستوى هذا يبي له شوي تركيز


وشكرا:106:

رد: مساعدة يامستوى رابع لختكم الصغنونه
 

المستوى الرابع من اصعب المستويات حقيقه

التحليل الاحصائي ~> مادة دسمه كلها قوانين وحسابات تقريبا كل مسأله لها قانون

ادارة ماليه-٢ ~> مادة غثيثه صعبه ودكتورها اصعب واصعب ( عبدالكريم قندوز )

الاساليب الكميه ~> ماده حسابيه لكن من اول مره للمذاكره تفهمينها وسهلة الفهم والي مسهلها دكتورها ( ملفي الرشيدي) من افضل الدكاترته بالجامعه حقيقه

ادارة تسويق ~> حفظ ثم حفظ ثم حفظ ثم حفظ كل سطر فيه سوال

اساسيات البحث العلمي ~> حفظ ثم حفظ ثم حفظ

ادارة الموارد البشريه ~> حفظ ثم حفظ

ملاحظه *" الترم هذا الدكاتره اغلبهم غيروا في طريقة اسئلتهم ومحتواها وبعض الدكاتره اضحكوا على الطلاب يقول ذاكروا هذي ويجيب شي ثاني"

والجامعه بشكل عام اسلوبها متغير مع الطلاب بالترم هذا

وفالنا وفالكم التوفيق ان شاءالله

رد: مساعدة يامستوى رابع لختكم الصغنونه
 

انا اقول ياحبيبتي خلك على موادك ولاتزيدين فيها شئ واذا ودك مره زيدي فقه السيره يمدحون الماده مره سهله وممتعه ...واذا على مواد مستوى رابع تراها دسمه مره ..
شدي حيلك وفالك التوفيق ..��

رد: مساعدة يامستوى رابع لختكم الصغنونه
 

انصحك بالمذاكرة من أول الترم يعني لاتكون مذاكرتك قبل الاختبار بيوم أو يومين

رد: مساعدة يامستوى رابع لختكم الصغنونه
 

رد: مساعدة يامستوى رابع لختكم الصغنونه
 

الله ييسر لنا ولكم

رد: مساعدة يامستوى رابع لختكم الصغنونه
 

الله يجزاكم الجنه ويبلغكم اعلى المراتب ويكتب اجركم جميعا ماقصرتم الله يعطيكم العافيه افدتوني كثير..


فجر راح اعتمد كلامك واخذ نفس مادتك افضل مشكوره :106:

الله يسعدكم جميع:16: