ملتقى طلاب وطالبات جامعة الملك فيصل,جامعة الدمام - شعر رائعة من روائع محمد جارالله السهلي

جمع اللي ودك تقوله وبعثرني عتب
الملامه شي عادي...دامها منك رجاي..
انت تامر وانا ألبي ماتبي بليا سبب
بس كان لجيتي خاطر تلبي لي رجاي..
رجوتي لا تلحق اعيونك مشاريه الهدب
لا تضايقه بدموعك..والتفاتتك..وخطاي..
كل شي الا دموعك واعرف انك من شطب
صفحه الطيش بحياتي وابتدا صفحه شقاي..
سق فديتك..كل ما تملك من جنون وغضب
وابشر بصدريضمك حيل دام انك هواي..
ولا رويت عتاب؟؟..ناظرني وقل(طاح الحطب)
واسأل شرايك؟؟وابنسج لك من الأعماق راي..
باتناثر لك رضا واحساس صادق ما كذب
وانت رتبني على كيفك وشكلني برضاي..
وان تلعثم حضورك..ثم نطقني لك تعب
حاول انك تسمع اشواقي وسط تنهيد ناي..
اسمع دموعه.. وقرب لي وقرب واقترب
واسأل عيوني عن طيوفك؟؟..وقصتها معاي..
كيف كانت في غيااابك فجأة نطري واغترب
اركض لمنفى خيالي وارمي الواقع وراي..
اوجدك مابيني وبيني..واسولف لك واشب
ليله حضورك قصايد تشتكي لك من عناي..
آآآآآه لامنه بزغ فجر الحقيقه وانسحب
طيفك اللي ساكن عيوني وضاقت بي سماي..
وقتها ليتك تحس شعور من حظه ضرب
آخر آماله بعرض الهم والوحده مداي..
اكتشفت وشلون يموت الصوت برماح الطرب؟؟
لحظه جيت اتغنا بك وعاندي غناي..
واكتشفت كيف السهل فجأه يتحول لي صعب
لا نويت ابكيك ثم ازريت القابي بكاي..
(اقسم بربي وربك)فيني احساس غصب
كل كلي في غيابك ينجذب لك يا هناي..
مانسيتك لو ينسى التاريخ امجاد العرب
وما تركتك الا بين ضلوع صدري وبحشاي..
لانك اكبر من غلا الشاعر لاخر ما كتب
ولانك اقرب لي من سكوتي اذا عانق شفاي..
ولانك اول من تمكن بي وعلمني احب
ولانك الشخص الوحيد اللي يجي في مستواي..
صاحبي جمع كلامك ثم بعثرني عتب
والله ان كل شي عادي لا غدى منك وجاي