ترآك تدري وش غلاك وش تكون
[frame="7 98"]اشتقت.... لك يا بلسم (القلب) والروح! واشتقت اسولف لك عن الحب وينك..... الشوق لأجلك داخل العين مفضوح ليتك.... تشوفي شوق عيني لعينك ________________________________________[/frame] ألحين تنشد ويش هو عندك غلاي ترآك تدري وش غلاك وش تكون عصاي في كفك وانا حبي عمآي ومن دون وصلك والله ان مالي عيون تغيب عن عيني وطاريك معاي واخشك بعيني من اللي يحسدون غمضت بك من مبتداي لمنتهاي عيوني تضمك وتحرسك الجفون اسهر على حبك عشان اروي ضماي حتي لو اني بزحمة اللي يسهرون فكري معك قلبي معك لو هم جداي يسولفون ويمزحون ويضحكون احس بك واحس بأنفاسك وراي واسمعك لا ناديت لو مايسمعون مره من المرات في طارف مساي نصتني طيوفك وانا ليلي سكون قالوا لي شـ علاجك وقلت انك دواي قالوا لي تحبه وقلت انتوا وش تبون قالوا ذبحك بغيبته قلت وعساي دام الحنايا فدوه وجرحه يمون لاتخاصموني فيه جايزلي عناي محبتي له صدق مهما تعذلون لو ان حبه سم وسط ابريق شاي شربت شاهيه لو اموت مغبون وألحين ي أغلى الناس ما هذا جزاي اما اكون اغلى البشر او ما أكون أحاكي الذكرى عشانك ي ضناي والناس باللي مبتليني يجهلون ماشفتني لا أحتجتك وخارت قواي ألاحي الغربي على جر اللحون العشق وردن المنايا لو وفاي عشق بدوي لا عشق ماهو يخون سجنك حنايا الشوق ي لذة خفاي بس ارحم السجان جعلك ماتهون اليا سرحت بنظرتك مدري شـ بلاي تقول كني في غياهيب الجنون ما عاد احس بشي وألخبط احكاي ويمكن اجيب العيد والعالم يرون تنفس وعطني من انفاسك هواي مبغي اعيش إلا مع الطرف الحنون انا ما احبك حب عادي ي غلاي انا احبك فوق مالا يعلمون .. المشكلة : ما هي حناياي والجوف ؟ .................. ولا هي بحزني .. وابتسامة جبيني ؟ المشكلة : [من وين ما ألدّ بالشوف] ................. ألقاك في كل [الأماكن تجيني .. |
رد: ترآك تدري وش غلاك وش تكون
صح لسانك يعطيك العافيه قصيده رائعه
|
رد: ترآك تدري وش غلاك وش تكون
واوا جميله معبره تسلم يمنك على النقل
تعجبني طرحك مميز جد ماشاء الله مميز بقوه اااه اعيده مره ثانيه كل القصيده اعجبني هههه ماعرف اعبر بس استحمل تعبير صفر ماعرف اعبر الا اقول جميله بمعنى الكلمه متميز كالعاده |
رد: ترآك تدري وش غلاك وش تكون
،،،
الله عليك يا [ مشعلي ] أحترت أقتبس من المدخل أو القصيدة أو المخرج ،،، جميعها رآآآآآآآآئعة . سلمت يمينكـ ع حضورك الجميل ،،، .... |
رد: ترآك تدري وش غلاك وش تكون
اختياراتك رائعه و تنسيقك جدا لطيف .. دمت اخي بكل خير ♡
|
رد: ترآك تدري وش غلاك وش تكون
العشق وردن المنايا لو وفاي
عشق بدوي لا عشق ماهو يخون كعادتك أخي الكريم مشعلي .... تنتقي أجمل القصائد .... ...وتضيء شعلة بليل ملتقى الفنووون الأدبية بجميل أختيارك .... لك أحترامي وتقديري ... أختك : جوميه . |
رد: ترآك تدري وش غلاك وش تكون
اقتباس:
يآسلآم عليَك , آبيآت مجنونَه بالحييييييل وجآز لي التشبيه فيمآ سبقق ’ مبدع وبك ذوق خآص مشعلي صح لسآنك يآخوي , وطآل مقآمك دمت:icon19: |
رد: ترآك تدري وش غلاك وش تكون
صح لسااانك مشعل
ويعطيك العافيه راقت لي |
رد: ترآك تدري وش غلاك وش تكون
)( اشتقت.... لك يا بلسم (القلب) والروح! واشتقت اسولف لك عن الحب وينك..... الشوق لأجلك داخل العين مفضوح ليتك.... تشوفي شوق عيني لعينك سطور تحكي قصة الشوق والانتظار مدهش حرفك يَ المشعلي وحقيقي به ان يرتقى الى مدى واسع من الفضاء سلمتَ وسلم قلبك..:004::rose::004: |
رد: ترآك تدري وش غلاك وش تكون
اقتباس:
الروعه بتواجدك هوبي لول انرتي المتصفح بطلتك المميزه لك تقديري |
All times are GMT +3. الوقت الآن حسب توقيت السعودية: 10:11 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه