|
تكفون يا بنات ويا شباب ساعدوني بشوركم
السلام عليكم يا شباب ويا بنات ابي شوركم تكفون انا انقبلت في قسم ادارة الاعمال بس للحين ما سددت ولا ارسلت اوراقي متردد صراحه وانا بصراحه ابي اخذ الشهادة لجل تنفعني بالترقيات في عملي وبصراحه لمن حملت مذكرات المستوى الاول اشوف فيها شوي صعوبة واحس هالمواد ما تنفع انتساب احس من صعوبتها يا دوب طالب الانتظام يمشي طبعا انا مو بغبي لان معدلي بالثانوية 92 ولمن تخرجت من الكلية التقنية كنت متخصص محاسبة وكان معدلي 4.25 بس عندي مشورة ابيها منكم انا بصراحه يدور بخاطري اسجل بجامعة الملك عبدالعزيز اول سنه تحضيرية بعدين ادخل مسار الاعلام والعلاقات العامه او مسار الموارد البشرية وهذا الي يميز جامعة الملك عبدالعزيز فيها اكثر من مسار بينما جامعة الملك فيصل مسار واحد ارجوكم ساعدوني قبل فوات الاون خصوصا الاخوان الي لهم تجاربهم معا جامعة فيصل هل الامور سهاله ولا بس لهط فلووووس وما فيه سهولة.. |
رد: تكفون يا بنات ويا شباب ساعدوني بشوركم
وعليكم السلام ورحمة الله وبركاته
حبيب منى !! ليه التأخير هذا كله مو من صالحك سواء سجلت هنا ولا في عبدالعزيز عموما خيي الكريم أول هام صلي الاستخارة عن تجربتي مع فيصل أنا مستوى خامس و من أول دفعة درست هنا مع النظام دا الحمدلله الأمور كويسة و ربنا مسهلها لنا و أصلا مافي حاجة تجي بالسهل الجامعة الله يديهم العافية متعاونين و جامعة عبدالعزيز انا ما عندي عنها خبر أسأل في منتداهم تلاقي أخبار أوفر و سيدنا العظيم ولي التوفيق |
رد: تكفون يا بنات ويا شباب ساعدوني بشوركم
ساعدوني الله يرضى عليكم
|
رد: تكفون يا بنات ويا شباب ساعدوني بشوركم
أنا منتسبه من قطر وبصراحه الدراسه في هذا النظام سهله بفضل الله ، والجامعه متعاونه وأحسهم مهتمين ، خصوصاً لما افتحوا عندنا مركز للاختبار .. جزاهم الله كل خير
وطريقة اسئلة الاختبارات كلها اسئلة موضوعيه (اختيار من متعدد) يعني حتى إللي ما ذاكر عدل ممكن انه ينجح ويعدي استخير والله يكتب لك إللي فيه الخير |
رد: تكفون يا بنات ويا شباب ساعدوني بشوركم
الاداره حلوه اذا عندك مواد نفسه خذته قبل تعادله بالمستوى الثاني اولخذت 30ساعه تعادل سنه
الملك عبد العزيز العام افتحو صيفي للشباب فقط للزوار لكن انتبه اول مايفتح شيك بجامعه الملك عبدالعزيز لان العام نزل متاخر او اذا حاب جامعه الملك عبدالعزيز صيفي اسهل هناك موووووفق |
رد: تكفون يا بنات ويا شباب ساعدوني بشوركم
شف اخوى الله يعطيك العافيه
هى على حسب قدرتك واستيعابك اذا كنت بتحط عوائق قدامك من الان والله ماراح تفلح ابداً ؟؟؟؟ استهد بالله وانا اخوك وانت ابخص بروحك ؟ فأذا كنت تحب المواد العلميه والتى تعتمد على الفهم فتوكل على الله وتخصصك جدا جميل ! اما اذا كنت مثلى وماتحب الامور الحسابيه والعلميه وتحب الامور التاريخيه والاجتماعيه والتى فيها قراءه وحفظ قليلا و هى من حياة الناس والعامه اذا سجل اجتماع او غيره من كلية الاداب وتأكد ياعزيزى ان الشهاده سلاح مهم في هذا الزمان وسوف تفيدك بأذن الله تعالى ولكن انت اصبر واجتهد وتوكل على الله عز وجل فهو المعين والمساعد .... اتوقع انك قادر على تحديد مسارك الصحيح من الان ؟ لانك قمت بدراسة المواد كلها في المراحل السابقه وتعلم ميولك جيدا ياعزيزى ! فلا تدع احد يحدد طريقك وارسمه انت بنفسك ... هذا اللى عندى وانا اخوك واتمنى انى قدرت افيدك . |
رد: تكفون يا بنات ويا شباب ساعدوني بشوركم
طيب يا اخوان هل يعادلون لي الساعات الي درستها بالكلية التقنية خصوصا ان قسمي كان محاسبة واغلب مواد الادارة منه...
الف شكر لكل من رد علي... |
رد: تكفون يا بنات ويا شباب ساعدوني بشوركم
للرفع...
|
رد: تكفون يا بنات ويا شباب ساعدوني بشوركم
اقول تبي نصيحتي خلك على جامعة الملك فيصل
اتركك من جامعة الملك عبدالعزيز الي محتكرين النضام الي ما ادري وش يبي تخيل ان ما عندهم مراكز الا بفلوس يعني اذا تبي تختبر في اي منطقه ثانيه لا زم تدفع الف ريال بالله اشرايك في ها الجامعه عموما الي بيشد حيله في جامعة الملك فيصل انا اشوف نضامها مررره حلو عندك Bb فيه كل شي تبي من محاضرات مباشره وغير مباشره ملخصات واجبات نقاش كل شي ... الخ تقريبا كانك في الجامعه انا مسجل مثلك وانقبلت ولله الحمد (وجهة نضر) |
رد: تكفون يا بنات ويا شباب ساعدوني بشوركم
انا بكمل بفيصل وبتوكل على الله سبحانه بس هل يعادلون لي المواد الي درستها بالكلية التقنية قسم محاسبة لاني سمعت ذلك....
|
| All times are GMT +3. الوقت الآن حسب توقيت السعودية: 04:56 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه