|
طريقة معادلة المواد
السلام عليكم انا الان انتقلت للترم الثاني ولله الحمد وانا شهادتي الاخير الكلية التقنية وعندي مواد قد سبق وان درستها بالكلية واريد معادلتها ولا اعرف الطريقة اتمنى من الزملاء شرح الطريقة ان امكن وموعد تقديم المعادلة قبل الدراسة اثناء الدراسة وايش المطلوب .؟ وشاكرين لكم تعاونكم ... |
رد: طريقة معادلة المواد
يوجد ايقونه في الخدمات اسمها معادله المواد
او شف الشرح الالكتروني بنفس الموقع للجامعه |
رد: طريقة معادلة المواد
اول شي تجيب سجل اكاديمي من كليه التقنيه
وتقدم طلب عبر ايقونه (تقديم طلب معادله المواد) في الخدمات الطلابيه وتكتب المواد اللي درستها والتقدير حس ماهو موضح بالسجل تبع الكليه وترفق صورة من السجل الاكاديمي وراح يردون عليك او يضيفونها لك تلقائي |
رد: طريقة معادلة المواد
لكن اعتقد لهم حد معين من الساعات
يعادلونه مو كل شي |
رد: طريقة معادلة المواد
طيب أنا شهادتي دبلوم إداره ومعظم تطبيقات الحاسب درستها ودرست محاسبه
ماأدري إذا أقدر أطلب معادله علما أن الدبلوم (خاص) مو حكومي ياليت تفيدوني |
رد: طريقة معادلة المواد
بسم الله الرحمن الرحيم السلام عليكم ورحمة الله وبركاتة معادلة المواد بدات لهذا السمستر بتاريخ 1435/3/3هـ وراح تنتهي في تاريخ 1435/4/6هــ يعني ركزو لحد يجي بعدين ويقول والله مادريت :41jg:وفاتتني معادلة المواد للفصل الأول لعام 1435هــ اخ يالقهر :bawling: بلغو حبايبنا المفهين الى دايم يجيك اخر شي ويقول جد فتحو المعادلة :eek: :Looking_anim: والله مادريت :139: -------------------------------------------------------------------------------------------- شروط معادلة المواد . - لابد تخلص مستوى أول عشأن تستحق المعادلة ( يعني الجديد الى توه داخل الجامعة مايعادل ) - الحد الاقصى لمعادلة المواد 15 ساعه فقط - المعادلة تتم لمرة واحده فقط - لابد تكون درجتك في المادة ( تقديرك ) C ومافوق لموادك السابقة الى درستها خارج الجامعة طبعاً - وصف المواد ( المقررات ) لابد يكون نفس بعض - لابد يكون عندك وصف المواد ( ألمقررات ) السابقة الى درستها خارج الجامعة - لابد يكون عندك صورة لبيانات الدرجات ( شهادة رصد الدرجات للمواد ) . -------------------------------------------------------------------------------------------- شنو المطلوب منك لمعادلة المواد 1 اول شي تشوف الكلية , المعهد , المخبز الى درسة فيه سابقاً وخذت منه شهادتك تروح لهذا المخبز وتأخذ منهم وصف للمواد جميعها الى درستها عندهم ادخل على المدير وقوله خبز تميس ,, قولهم ابي وصف للمواد ( المقررات ) الى درستها عندكم راح يعطونك ايه ولاتنسون خلوهم يختمونه ----------------------------- برضو خلوهم يعطونكم صور لرصد الدرجات لكل المواد ومختومة ( اتوقع الكل عنده صورة موضح فيها بيانات الدرجات لكل مادة ) ----------------------------- . يعني لاتطلعون من الفوال الا وانتو عندكم التألي . - صورة لوصف المواد( المقررات ) مختومه - صورة لدرجات المواد ( لو بعد تخمونها يكون أفضل ) ماهي شرط مختومة بس احتياط مدامكم رايحين رايحين -------------------------------------------------------------------------------------------- 2 بعدها تشوفون المواد الى تطابق المسمى ,, او قريبه من اسم المادة ,, او وصفها نفس وصف هذي المادة الى موجوده هنا في جامعة فيصل الى راح تدرسها ركزو 3 نقاط - اسم المادة نفس بعض - قريبه من المسمى نفسه - وصف المادة ينطبق على المادتين او الوصف قريب من بعض ----------------------------- كيف تعرف تطابق المسمى او الاسم القريب او الوصف من هذي المادة تدخل على رابط الخدمات الطلابية http://del.kfu.edu.sa/entisab_app/index.asp وبعدها تدخل على رابط الخطة الدراسية http://del.kfu.edu.sa/entisab_app/images/44ov.jpg هذا رابطها http://www.kfu.edu.sa/ar/Deans/e-lea...ervices-2.aspx وبعدها تدخل على تخصصك وتحمل وصف المواد ( المقررات ) بعدها تجلس مع نفسك كأنك نفسية وتمسك وصف المقرر لموادك من المخبز و وصف المواد من الجامعة وتقارن وتدور الى مثل بعض سواء بالاسم او بوصف المادة نفسها لمن تطلع ( تستخرج ) المواد الى مثل بعض تروح بعدها تشوف كم الدرجة الى خذتها في هذي المادة من دراستك السابقة اذا شفتها C وفوق راح تتم لك المعادلة اذا شفتها تحت ماراح تتم المعادلة -------------------------------------------------------------------------------------------- اذا جهزت المواد الى راح تعادلهم وكتبتهم تدخل على الخدمات الطلابية http://del.kfu.edu.sa/entisab_app/index.asp بعدها تروح لايقونة طلب معادلة مقررات http://del.kfu.edu.sa/entisab_app/images/09ov.jpg وبس ترفع طلب المعادلة مثل ماهو واضح لك من شروط -------------------------------------------------------------------------------------------- ملاحظة قبل ماترفع الطلب تروحون المكتبة وتصورون وصف المقررارت لموادكم السابقة الى مختومة تصورونها بسكنر ,, عشأن يبأن الختم ونفس الشي لبيانات الدرجات ( شهادة رصد الدرجات ) لموادكم السابقة الى درستوها قبل الجامعة بعدها تحطونهم في فلاش وتجون البيت وتجمعون وصف المقررات + شهادة بيانات الدرجات ( شهادة رصد الدرجات ) تجمعونهم في ملف PDF الى مايعرف يجمعهم في PDF يقول للعامل الى في المكتبه يصورهم له سكنر ويجمعهم له في ملف PDF ويحطهم لكم في فلاش وبس تجون البيت وترفعون الطلب مثل ماشرحت سابقاً -------------------------------------------------------------------------------------------- ملاحظات اخرى في بعض الطلاب رفعو طلب معادلة بدون مايجيبون وصف للمقررات من دراستهم السابقة فقط رفعو بيانات الدرجات ( شهادة رصد الدرجات ) وتمت لهم المعادلة وفي نأس عملو نفس الطريقة وماتمت لهم المعادلة يعني الله أعلم أنت وحضك - هل لابد يطلبون منك وصف المقررات او لا مايحتاج بس الى كتبتة لكم هذي شروط المعادلة من الجامعة يعني ماجبت شي من رأسي بالتوفيق ياحلوين ...... |
رد: طريقة معادلة المواد
اقتباس:
الزبده ماتسوى العنا وهالروحه والجيه أدرسها مره ثانيه وأمرنا لله:sm5: |
رد: طريقة معادلة المواد
..
يقبلون المعاهد والجامعات الحكوميه فقط وما قصروا اﻻخوان اهم شيء مختومات |
رد: طريقة معادلة المواد
بالتوفيق
|
| All times are GMT +3. الوقت الآن حسب توقيت السعودية: 04:46 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه