|
كل من يعاني من مشكلة تحميل المحاضرات
السلام عليكم ورحمة الله وبركاته اتوقع الكثير يعاني من مشكلة تحميل المحاضرات افضل فترة مرة على في تحميل المحاضرات هي اجازة الاضحى احمل محاضرتين او ثلاث خلال ساعه واحده الحين محاضره وحده وبجنبها 19 ساعه تحميل :32: وليتها تكتمل بعد انتظار ساعتين او ثلاث وفي الاخير يعطيني خطى في التحميل :22: لمن اجي افتح ملف الضغط مايفتح لعدم اكتمال التحميل لو اظمن الحصول على الدرجات بالكامل ماهمني راح ارجع للملخصات والكتب واريح راسي بس مالهم امان المستوى الي راح حملت كل المحاضرات وجاني نقص في بعض الدرجات كيف كذا:20: معناتها عندهم مشكله في نظام الموقع او سيرفرهم مظروب اكثر فكره تراودني تظلم يشمل اكبر عدد من الطلاب والطالبات ترفع لآدارة الجامعه يشوفون لنا حل انا واحد من الناس موظف قطاع حكومي وبطلعة الروح اتابع محاضره مباشره فرصتي الوحيده هي تحميل المحاضره ومتابعتها على رواقه من الظلم اني اتحمل غلط الجامعه ملاحظه في غاية الاهميه ليش مايكون فيه ايقونة تبين الدرجات الي يحصل عليها الطلاب اول باول في المشاركات والمحاضرات احسن بدال مايجي يدربي الواحد راسه مبسوط ان معاه 30 درجه وفجاه يحصل الدرجات ولا شي :33: ياجامعتنا الموقره يصرف عليكم مليارات غير الي تاخذونه من الطلاب شوفو لنا حل ينهي مشكلتنا يمكن مايكلفكم 2000 ريال :25: اغلب الجامعات اذا مو كلها ماعدها ها السالفة المعنيه بتحميل المحاضرات ومشاكلها اللهم عجل بنهاية بشار ومنهم على شاكلته من حكامنا العرب اللهم عجل بزوال اسرائيل اللهم رحمتك يارب |
رد: كل من يعاني من مشكلة تحميل المحاضرات
ياليت والمشكلة مو بس في التحميل بعد في كتابة المناقشات من يوم نزلت المناقشات الاخيرة وانا كل ماكتبت وخلصت وجيت ارسلها يتقفل النظام وتطير علي المناقشة بعد ماتعبت ايدي من الكتابة شي يجيب الهم ورفعة الضغط :24:
|
رد: كل من يعاني من مشكلة تحميل المحاضرات
:21:
|
رد: كل من يعاني من مشكلة تحميل المحاضرات
معك حق وانا معك 100% ماسجلنا بالتعليم عن بعد الا وكل واحد له ظروفه فعلاً شي يقهر وزياده عالتوتر اللي حنا فيه النظام وفشله واغلاقه واللخبطه اللي صايره تزيد الهم همين With u :16: |
رد: كل من يعاني من مشكلة تحميل المحاضرات
السلام عليكم جميع هذا اللي كنت اقوله من ثاني مستوى لو الجامعه تفتح ايقونة مشاهدة الدرجات واذا فيها نقص نزينها واذا كامله نعطي فرصه لغيرنا من الاخوان والاخوات يزينون درجاتهم ومنها يخف الضغط على الموقع بس للاسف لا حياة لمن تنادي واعتقد من حقي اشوف درجاتي ليه مااشوفها وش السر في انها تكون مخفية هي بالاول والاخير درجتي واذا انا شاركت وشاهدت وحليت الواجب راح تكون درجتي كامله واذا ماسويت هالشي تعطيني فرصه ازين هالاشياء من دخلت الجامعه ولا تزال المشاكل في الموقع يعني بدل مايساعدون الطلاب ويراعون ظروفهم ويحلون هالمشاكل اقلها على شان نتابع امورنا انا من الاشخاص اللي ماالقى وقت كثير بحكم ظروفي العمليه والحياتية واذا لقيت الوقت وحاولت يكون فيه مشاكل بالموقع وخاصه لما تكتب المشاركة وتتعب وبالاخير تحدث مشكله وترجع تعيد المشاركه وش ذنبي انا وغيري بهالمشاكل ماقول غير حسبي الله ونعم الوكيل وافوض امري لله سبحانه وتعالى |
رد: كل من يعاني من مشكلة تحميل المحاضرات
كلنآ نعآني من نفس آلمشكله :139:
وآلسبب الضغط على السيرفر بسبب آلمحآضرآت المبآشرهـ آلثآنيه :(177): الأفضل : تحملونهآ مقطع صوت [ حملوهآ وخلوهآ تشتغل دقيقتين عشآن تضمنون آلدرجه] ,, بعشر دقآئق وأنتم محملين كل آلمحآضرآت :sm5: موفقين [ :icon1: ] |
رد: كل من يعاني من مشكلة تحميل المحاضرات
اقتباس:
يعني لو احمل الصوت يعطيني نفس درجات تحميل المحاضره وهي فيديو:3: |
رد: كل من يعاني من مشكلة تحميل المحاضرات
^
اي يعطيك نفس الدرجة |
رد: كل من يعاني من مشكلة تحميل المحاضرات
انا التحميل فيديو
وصوت ونسخة الجوال كله سريع وفي كل وقت مدري وش مشكلتكم الله يعينكم على انفسكم |
رد: كل من يعاني من مشكلة تحميل المحاضرات
الجامعه وضعها مبهم جداً و طفشتنا حيل مالنا الا نتوكل على الله و نقول ان شاءلله مايضيع حق احد
|
| All times are GMT +3. الوقت الآن حسب توقيت السعودية: 10:18 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه