|
الرجاء المساعدة
اخواني واخواتي الأعزاء الذين سبقوني في العلم
السلام عليكم ورحمة الله وبركاته وكل عام وانتم بخير بمناسبة قرب الاختبارات الفصلية وبحكم اني توني بديت التفت لنفسي وانصدمت يوم شفت كل ماده نزل لها عشر محاضرات فأتمني تفيدوني في شيئين مهمين هل متابعة المحاضرة وتنزيل المحتوى كااافي للمذاكرة ؟؟؟ لاني الاحظ المواضيع في المنتدى ملخصات وتصويرملازم في المكاتب ؟؟فأفيدوني الله يجزاكم خير وينجحكم الشي الثاني والمهم بالنسبة لأحتساب درجه المحاضرات كيف تحسب اذا نزلت المحاضرة وحفظتها او اشغل كل محاضرة خمس دقايق او اكثر وبعدين اقفل وتسحب لي الدرجه؟؟؟؟ معليش طلع عندي شي ثالث بعد ومهم هالحين الواجبات امرها سهل الاخوان والاخوات في المنتدى ماقصرو حاطين الواجبات بس بالنسبة للمشاركة في النقاش وتنزيل المحاضرات كيف اعرف انها انحسبت لي الدرجه ابغى ادخل الاختبارات وانا متطمن انا حاصل ع الثلاثين درجه ارجوكم لحد ينسى اخوكم الصغير لأن عملي ماخلى لي فرصه اذاكر واحل واجباتي بحكم الدوام لفترتين حتى يوم الخميس وعقبال مااتوظف في الحكومه وانام يوم الخميس مع تمنيااتي للجميع بالتوفيق والسداد |
رد: الرجاء المساعدة
اسمح لي فالأجابه دون ترتيب
بالنسبه فقط الأطلاع على المحاضره ولو لثواني تحسب لك الدرجه ولفائدتك إطلع عليها كاملة من الأولى الى الرابعه عشر بالنسبه للمناقشات أجب كما أجاب غيرك من حيث النسخ اللصق والدرجه ترصد لك أتوماتيك ولاهناك طريقه لمعرفة الدرجة ولكن الكل يأخذ درجة المناقشه كامله بالنسبه للمذاكره براحتك فيه ملخصات وفيه شرح مدرس الماده وكلاها بتفيدك ان شاء الله تقبل مروري دعااني الشوووقـ |
رد: الرجاء المساعدة
هلابك عثمان
ماودي ازيد على الاخت دعاني الشوق وفت وكفت باختصار لكن اول شي ريح نفسك واخذ نفس عميق واعرف ان باقي شهر تقريبا على الاختبار ولو قسمت الايام على عدد المواد اللي عندك بيصير لكل ماده خمس ايام تقريبا فا ابدء من اليوم لو ساعتين وحط كل يومين مادة وحاول تخلص منها قدر ماتقدر لو وصلت للمحاضرة العاشره زين بس ذاكر بهدوء وتركيز بالنسبه للمحاضرات انا افضل لك تنزلها على الجهاز تنزلها كلها لسببين عشان تظمن درجة المشاهدة والسبب الثاني عشان ترجع لها اذا مافهمت شي وانت تذاكر المحتوى لان وقت الاختبارات بيكون صعب تدخل تحمل من الضغط على الموقع واذا انت تبي بس درجة النجاح كل اللي عليك تذاكر المحاضرة 14 مع الواجبات وتمر مرور بسيط على المحتوى بس المواد النظريه حاول تحفظها الله يوفقك |
رد: الرجاء المساعدة
ما قصروا الأخوان بس بالنسبة لحل المناقشات حط لك جدول ولا دفتر المهم كل ماحليت مناقشة حط صح وبكذا تعرف اللي حليته واللي باقي بالتوفيق |
رد: الرجاء المساعدة
مشكورين الله يعطيكم العافيه على توضيحكم وردكم ويارب يسهل عليكم كل صعب
واذا كان رزقكم بعيد يقربه واذا قليل يكثره واذا كثير يبارك فيه بس سؤال اخير معليش درجه المحاضرة تسحب بالمشاهده ولا التحميل ؟؟؟ |
| All times are GMT +3. الوقت الآن حسب توقيت السعودية: 07:55 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه