من لديه أى معلومه فلايبخل علينا
أنا يوم أنى رحت كليه سعد وسألتهم عن أختبار ielts
قالولى أهم شئ Reading writing task1 وtask2 كيف هذا لانى مو فاهمته ؟؟؟ :Cry111: listening speaking ياربي :praying:أنا أبجد خايفه من الإختبار لانهم يقولون لو جبت أقل من 3 ماأدخل الكليه ,وكتاب Ielts كل شئ فيه إنجليزى أنتظر ردودكم على أحر من الجمر |
رد: من لديه أى معلومه فلايبخل علينا
اقتباس:
Reading عباره عن 3 مقالات وتابع لكل مقال اسئله تتعلق فيه على الطالبه انها تجاوب على الاسئله خلال ساعه وبما ان الكتاب عندك راح تلقين نماذج كثيره ونصيحه تتدربي على القراءه وسرعة الحل writing task 1 عباره عن رسم بياني والمطلوب تكتبي عنه 150 كلمه خلال 20 دقيقه بحيث تشرحي الرسم البياني اش يوضح وراح تلقي في الكتاب نماذج كثيره وتدربي على الكتابه على الامثله اللي عندك task 2 هذا اهم من الرسم البياني العلامات عليه اكثر من الاول في هذا يعطوك موضوع تتكلمي عنه واغلب الاحيان يطلبو رايك في موضوع ولازم تكتبي 250 كلمه في 40 دقيقه انصحك تتدربي عليه كثيييييير واذا عندك احد يساعدك اساليهم listening في هذا راح يعطوك ورقة الاسئله وعليك تحلي الاسئله طول ما الشريط يشتغل ولازم تركزي على كل كلمه تنقال في الشريط في بعض كتب ielts تجي معاها سي دي يساعد وااجد speaking هذا عباره عن محادثه طبعا بالانجليزي يسالونك اسئله وتجاوبي اغلب الاسئله تكون عنك وعن حياتك ومن ضمن الاختبار يعطوك موضوع بسيط تفكري فيه شوي وبعدين تتكلمي عنه مع اللي يختبرك اذا حصلتي السي دي بتلقي فيه نماذج لمحادثات ان شاء الله اكون افدتك والله يوفقك وعلى فكره احنا معانا طالبات اخذوا اقل من العلامه المطلوبه والحين يدرسو سنه انجليزي بس انتوا طالبات السنه الجديده ماادري عنكم ولاتقولي صعب اذا تدربتي زين بتنجحي ان شاء الله وبالتوفيق تحيــــــــــــــــاتي |
All times are GMT +3. الوقت الآن حسب توقيت السعودية: 10:46 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه