|
حامد زيد .. √
الجمهره ,,,,
ايه بالله أخطوا والخطا اللي جابهم عين الصواب مبطي وأنا أشوف الطمع يكشف رداهم وأستره مايملي عيون الحسود بهالزمن غير التراب ومن لايتوب من الخطا تحرم عليه المعذره اللي من أولها خراب أكيد تاليها خراب والبندق اللي ماتثور في هدفها تذعره ودك اليا من جاتك الغلطه من الناس القراب الصاحب اللي ماكسبت محبته ماتخسره مشكلتي إني ماعرفت أحسب لصدتهم حساب قلطتهم صدري على ذكري قصيد وحنجره صوت ٍ يصول بمنبره واخطاب مامثله خطاب والطيبه اللي زعزعت صوت الخطيب ومنبره مافيه دمع ٍ صوبوه أحبابي بوجهي وخاب ولازرق حزني على غالي ولافج انحره كل الزهاب اللي معي ذكرى من أصحاب الزهاب واللي بقالي من عذاب اشرس طريقي وأخطره لأني تجنبت الغرق.. عديت من فوق السحاب لأن أكثر أصحابي ورق..ماشفت للطيب إثمره والله ماحطيت بين الحقد والخوه حجاب حتى غدوا ربعي يحدوني على الضيق أشكره البارحه ثارت علي رقاب وأوتني رقاب البارحه ياثقل دم البارح ويامحقره أهب ياوجه الحسد وشلون جمعهم وغاب كيف السنين اللي عطتني بعثرتهم بعثره أثر المصايب ماتجيك إلا من الناس القراب وبهالزمن حتى الرفيق اللي تثق فيه أحذره لابارك الله في رفيق ٍ تزعله كلمة عتاب ولاجمع الله الرجال اللي تفرقهم مره عوّدت نفسي كل ماشددت لليمّه ركاب مأصد وجهي عن طريق إلا لياجبت خبره الصاحب اللي مايجي من صحبته غير العذاب نذر ٍ علي إن ماهجرني وإلا أنا اللي ب أهجره من يفتح لفرقاي باب أفك له عشرين باب وأذا خويي مايقدر خوتي ما أقدره أن روّحوا فأنا بري منهم ليوم الحساب وإن جرحوا قولوا لهم ماحركوا فيّ إشعره شفهم لهم حول السنه ولا خذوا مني جواب أحسن دوا للي يحاول يستفزك تحقره انا جمعت أوراقهم بكتاب وأغلقت الكتاب ياوقت لم اللي تلمه وأنثر اللي تنثره ماكنت أحاتيهم صغيّير ..عاد أحاتيهم شباب ان ماذخرني صاحبي لليوم الأسود ما أذخره عقب أكتئاب البارحه ماعاد انا حمل إكتئاب الطيب جرجرني وانا ماني بناقص جرجره اللي يخاف من الظما يترك لنا طرد السراب واللي ماهو بقد الظلام ووحشته لايسهره انا تجرعت العطش لين أحترق وجهي وذاب انا كسرت بخاطري قبل الصداقه تكسره انا خسرت اللي غيابه غير عن كل الغياب انا غفرت لعالم ٍ ماتستحق المغفره انا أكثر أنسان تعلم من كثر ماأخطأ وصاب انا أخر لسان يتكلم في زمان الثرثره انا القصيد اللي فزع من دفتره مليون ناب وانا الوحيد اللي جمع مليون ناب بدفتره جفني وجرّحه السهر ، حيلي وهدّته الصعاب دمعي هدر،ضحكي ندر،عمري وضيعت أكثره شيب في عقول العرب..هيبت روس ٍ ماتهاب جمهرت ناس ٍ عمرهم مايعرفون الجمهره ماصرت ذيب إلا لأن اللي حوليني ذياب ما كنت أغيب إلا لأن العفو عند المقدره ترى حلاتك لاحملت لصاحبك كلمة عتاب أن مانطقت بها بوجهه ماتذمه بظهره في هالزمن مايملي عيون الحسود إلا التراب والا الحظيظ.. الطلقه اللي ماتصيبه تذعره ودك اليا من جاتك الغلطه من الناس القراب الصاحب اللي ماكسبت محبته ماتخسره من اجمل واقرب القصايد لقلبي .. :verycute::004: |
رد: حامد زيد ..
.
أنا أعشق هذه القصيده جدا .. وكمان بحب التمثال لحامد زيد . وقصيدته هو وناصر القحطاني في مدح الرسول صلى الله عليه وسلم .. انتقاء رائع عزيزتي .. . |
رد: حامد زيد ..
الله الله ع الاختيار .. راق لي كثيراً ..
نقل رائع غاليتي الحبيبة .. موفقة عمري .. |
رد: حامد زيد ..
اقتباس:
تسلمين خيتي ع مرورك |
رد: حامد زيد ..
اقتباس:
ليتنا نتعلم من اخطاءنا اكثر واكثر |
رد: حامد زيد ..
اقتباس:
اقتباس:
هلا بك خيي عبدالله من كل خطا نتعلم درس بالحياة :004: سلمت ع مرورك |
| All times are GMT +3. الوقت الآن حسب توقيت السعودية: 09:30 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه