|
ابي احدد مستقبلي
السلام عليكم ورحمة الله وبركاته
اتمنى لكم التوفيق والحياة السعيده والله يسهل عليكم ويفتحها عليكم من كل الجهات انا عندي موضوع يحدد مستقبلي انا ولله الحمد مقبول ابتعاث على حساب الملك الله يحفظه تخصص يقولون انه نادر اسمه فارما دي دكتور صيدلي وانا مبتعث الى امريكا وخلصت جميع الاجراءت من فيزا وقبول علما اني بروح ادرس جامعة على طول مومعهد غير انه عرضت علي تخصصات ثاني مثل علوم طبيه مختبرات طب طوارى اسنان بشري غيره .. بس انا اخترت التخصص هذا عقب اساله المهم انا حايا موظف في ارامكو فني تشغيل تنصحوني اكمل في ارامكو ولا اتغرب واكمل دراستي واذا نصحتوني اكمل دراستي وش السبب وكم رواتبهم وشهي مميزاتهم هل الوظيفه مضمونه علما والله احلم انيي اكون في مستشفى مثل المستشفيات الكبيره التخصصي العسكري ....الخ او تنصحوني اكمل في ارامكو لاني تعبت صارلي والله فتره على هالحال واستخرت وكلل شي وكل اموري مسهله من الناحييتين ناحية الابتعاث وناحية الوظيفه فمادري تعبت وشكرا انا الحين عرضت موضوعي هنا اتمنى يكون مكانه المناسب |
رد: ابي احدد مستقبلي
السلام عليكم ورحمة الله وبركاته
صرت بالموضوع هذا بدون ما ادري ما عمري جيت القسم هذا :71: يمكن الله ساقني هنا :tongue: على العموم تحتاج تمسك ورقة و تكتب الايجابيات والسلبيات مرات نحتاج نفكر بعقلانية بدون عواطف ومرات نختار الواقع على احلامنا انا مو عارفه التخصص ولا عندي معرفة فيه بس عصفور باليد خير من عصفورين على الشجرة وكذلك ما ادري لو سافرت يعني باح وظيفتك الحالية ؟! خلاص تتفنش ؟ طيب يمكن ترجع وتصير في مستشفى ارامكو :cheese: المهم تحتاج ورقة وتكتب فيها الايجابيات والسلبيات بكل عقلانية خل العواطف على جنب واعتمد على مسئلة التوقع حاليا ومستقبلا الوضع كيف بيكون ؟ واسأل كثييير في نفس مجالك حتى إذا اقدمت على الخطوة ما تندم وشوف اقاربك امك اي احد تعرف يحبك ما يحسدك شوف مرتاح للموضوع او لا ؟ وبعد كذا كمل الموضوع لانك استخرت وكل شيء تيسر لك وثق ان لو فيها شر ربي بيوقف الموضوع بأي طريقة المهم ان الموضوع مارح يستمر وكل هذا بسبب الاستخارة وإذا خيره بتسافر وتدرس وبترجع وتحقق الحلم توكل على الله والله يوفقك :wink: |
رد: ابي احدد مستقبلي
السلام عليكم ورحمة الله وبركاته
من وجهة نظري انصحك تروح ابتعاث وتدرس التخصص الذي تريده واتوقع عند عودتك من الابتعاث باذن الله ستجد الوظيفة التي تريدها لان التخصص حسب علمي مرغوب في القطاع الصحي صحيح الخيار صعب وكونك موظف في شركة ارامكو ولها مزايا خاصة ومفيدة ولكني مندهشة لماذا لم تبعث على حساب الشركة وهل رفضت الشركة التقديم على التخصص الذي تريده في الخارج حسب علمي بان الشركة تدعم موظفيها وخصيصا من اراد منهم ان يكمل تعليمه عموما انصحك بالاتبعاث وأن تحسم أمرك وفقك الله ويسر امورك |
رد: ابي احدد مستقبلي
تخصص pharmd.D doctor
تخصص قوي والمستقبل له بإذن الله تعالى ومستشفى أرامكوا لديهم صيادله في مختلف التخصصات ممكن تتواصل معاهم ولهم وحده مستقله في الصيدله الداخليه |
رد: ابي احدد مستقبلي
كطالبة بكلية الصيدله الاكلينيكيه : اشجعك على هذا التخصص كونه نادر وله مستقبل وممتع جداً
انصحك اذا فيه مجال انك تبتعث من ارامكو نفسها عشان تصير وظيفتك مضمونه عندهم وكذا تضرب عصفورين بحجر.. استخير والله يكتب لك مافيه الخير :106: |
| All times are GMT +3. الوقت الآن حسب توقيت السعودية: 08:09 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه