ملتقى طلاب وطالبات جامعة الملك فيصل,جامعة الدمام - خلك حريص ولاتهاون صغيرات$والريح ماهزت رواسي الجبالي(بقلمي)

[align=center]

السلام عليكم ورحمةالله وبركاته

آخوتي المحترمين
اول مشاركه لي وحبيت ان تكون حصري لهذا المنتدى الراقي

وانالست بشاعرولكن هي مجردتعبيرعن مشاعري

عندماجلس ابني بالقرب مني وقال ياوالدي في راسك شيب

فابصراحه اثرت فيني الكلمة وكتبت شي من خاطري

اتمنى ان يلقى رضاكم

ولكم جزيل الشكر

خذياولدي مني نصايح عديدات
اسمع كلامـي به طــــريق المعالي

ان طعتني مايــوم تلقــى متاهات
في قـــدرت الله تــوصـل ولاتبالي

على صلاتك حافظ بكل الاوقات
وصل السـنن لاينـقـصـن بالكمالي

استغفرالله فـي صباح ومسيات
اطلب عســى كل الخطاياتشالي

ولاتطلب احدغيررب السموات
ولاتاكل الامـــن ارزاق الحلالي

لودنيتك ماجتك يابني بسهالات
اصبرعسى تلقــــى بهاكـل دلالي

والعلم رح له لــوادياره بعيدات
مافيه شيـن مــــع رجـاالله محالي

والظلم دربه مايجي به سلامات
كم ظالمـن عـقـله وصــــل للهبالي

هاذاعقابه دنيـــوي مابعدمات
والصعبه يلقاهابيـــوم السؤالي

يدخله نيران بجهنــــم سعيرات
هاذي جزاته مـن عزيزالجلالي

والجارحقه منك قدروشهامات
ادمح له الميله بـــــدون انفعالي

تراه يرحل بعدعدت سنوات
يبي يتذكرمنك طيب الافعالي

تبقى المعزه لـوبعيده المسافات
ويبقى مقامك دايمــن فالعلالي

خلك فطين وفاهمن بالاشارات
عشان ماتنقص بـــوجه الرجالي

لاقلت هرجن دورمن الثمينات
لاتنطق الا باالمعانـــــي الجزالي

لاتحقرالضيفـان علـيهــم وصيات
اقوى وصيه مــن رسولن وغالي

الضيف له حقآ لايجـاك بالذات
قدم من المقســوم وزين الدلالي

ووصيك عن كل العلوم الرديات
ترى الكـــرامه جـــرح ماله زوالي

بعض البشروده يجي منك زلات
ماراح يسكت لـويشوف الخمالي

مابه شهامه ولاتجـي به امروات
ينقلهاوالله مــن جنوب الشمالي

يابوك لوكانت امورن بسيطات
تكبروكنك ماشي درب الظلالي

خلك حريص ولاتهاون صغيرات
والريح ماهـــزت رواسـي الجبالي

بعض الرفاقه مرافقتهم خسارات
صوب المهالك توصل بكل حالي

لاتمشي دروب الردى والتفهات
الدرب الاعـوج مايوصلك عالي

ووصيك عن كذبن وغيبه ونمات
ترى الـــثــلاثه محبطات الاعمالي

ومن ينتخي بك لاتوريه كشرات
افزع وقــــــل ياالله عليك اتكالي

يعطيك ربي من عظيم الحسنات
من يعمل المــــعـــروف يلقاه تالي

وامك عشانك ياماهلت العبرات
ياماسهرت من شان عينك ليالي

لاصرت مرضانن علـى يدهاتبات
تدعي لك الله ودمعهاكـــــــاالهمالي

من قبلهاعاشت شهورن صعيبات
تسعت شهورن عن سنينن طوالي

وابوك لجلك كـــم مشى بالعسيرات
اصبرولوهـــــــي من الحمول الثقالي

اتعب عشانك فـي جميع اتجاهات
عمري لجل عـــمـــرك ليوم ارتحالي

الشيب يابني واضح وله علامات
وماعقب طــــول العمرالاالزوالي

خلك رحوم وخذاجورن عظيمات
واعظامنا عــقــب التعب بنحلالي

ارحم رحمك اللي يدخلك جنات
وياقاك مـن نارن تزيد اشتعالي

يجعلك باالـدنيابأمانن وسعادات
لامن كبـــرت وصارعندك عيالي

حناتراناامــوات وعيال لاموات
الدرب واحــدمايجـــي له اميالي

لاتغرك الدنياتـرى العمرلحظات
الكل يدفن يابني تحت الرمالي

في خبتن بيضه تـــراهاالنهايات
عقب القصــورومرتهين الريالي

امابروضن به سعاده ومسرات
اوفي ظلامــن مايجيه انسدالي

واختامهاصـــلاة ربـي الكثيرات
على النبــي االمصطفى للزوالي

كلمات
سعدعبدالله المهنا
ابوعبدالله

[/align]