|
شنبك اللي تفاخر به..ترى اللي جابته حرمـه
تصيح تقول يا(حرمه)،تحسب إنك تعايرنـي!! شنبك اللي تفاخر به..ترى اللي جابته حرمـه تصدق كذبتك دايم ،، مبـادئ حيـل تقهرنـي (نقص عقلك مع دينك)،،ترى مليت هالكلمـه ياجاهل فتح عيونك..ياويلك لـو تصاغرنـي غضب،،تهديد،،وإستلمه..وسمّه اللي تبي سمّه أنا مليت من ظلمك يا(آدم) وش تصورنـي!! إذا إني ناقصه بعينك،،وداعي منتهي الحكمـه تراني ساكته بكيفـي ،، نصيحـه لاتفجرنـي غضب شيطان ماميز،،مابين الخال والعمـه عيوبي طيبتي وقلبي..حنان وشوق يجبرنـي على عكـس تجي قاسي وكلن راضي بسلمـه حسافه وقتي الفايت،،تذكّـر يـوم تِسهِرنـي على قولة انا عاشق وحبك صابنـي سهمّـه تذكّر يوم لي تركض ،،تقول يازيـن آمرنـي على سنة رسول الله أشيـل الحمـل وآزمّـه فرحت وقلت هذا اللي أبي في ظلّـه يسترنـي اذا ضاقت بي الدنيا،، مسـح دمعاتـي بكمـه ابي انسى به الدنيا وابـي بالحـب يشعرنـي ابيه يكون لي فرحـه اذا زاد الزمـن همـه لكن للأسف غلطـه وهـم كـذاب ساورنـي جزاتي والثمن عمري..وقتلت بخافقي حلمه |
رد: شنبك اللي تفاخر به..ترى اللي جابته حرمـه
|
رد: شنبك اللي تفاخر به..ترى اللي جابته حرمـه
غربه نفس استغرب منك مثل هذي المواضيع
الانسان خلق من ماذا ؟؟؟؟ والدك رجل واخوك رجل وانتي من صلب رجل لاكن يغرونك بالتصفيق انتي ارفع من ذلك تحياتي لك :106: |
رد: شنبك اللي تفاخر به..ترى اللي جابته حرمـه
اقتباس:
ربي يعافيك يالغلا يفداك اللاش :106: مرورك أسعدني :love080: |
رد: شنبك اللي تفاخر به..ترى اللي جابته حرمـه
الرجل هو أبي وأخي وزوجي ولكن هل للرجوله معنى بنظرك ؟؟! ليس من طق الشماغ رجل وليس من تمادى بالطغيان والخيانه رجل الرجوله ليست صوتا مرتفع وأوامر لا تنتهي فهي ليست غطرسه ولسان طويل ويدا اطول من ذلك لا.... لا... ليست هي الرجوله .. الرجل أسمى وأرفع من ذلك الرجوله بنظري شهامة, البعد عن تصيد الزلات ....الخ كان الرجولة بالمظاهر والاشكال عزالله اني ماعرفت الرجوله وكان الرجوله بالمواقف والافعال عز الله اني مرتوي يالخجوله ياجارحة احساس شاعر ورحال غريب تايه من زمان الطفوله ماكل من يكشخ من الناس رجال الشخص جوهر وأفهمي ما اقوله سطحية النظره ومعبودة المال مايعجبك شكل الغريب ونحوله شكلي غلط لكن على الكود حمال ودرب الفخر نفسي عليه معلوله والشاطر اللي يفتهم رمز الامثال كم داس وقتك من سلايل جموله لاني بمغرورٍ ولاني بحيال لي روح عن باقي الخبول معزوله باني لي اهدافٍ عظيمات وآمال والغيم من شافه ترجى هطوله ولايندمج درب الدناسه والافعال والاصل يعرف من يتم بأصوله |
رد: شنبك اللي تفاخر به..ترى اللي جابته حرمـه
يعافيك خيتوو على هيك طرح:106:
|
رد: شنبك اللي تفاخر به..ترى اللي جابته حرمـه
اقتباس:
اقتباس:
إذا المراجل لبسة شماغ وعقال *********************** قل للعذارى يلبسنّ العمايم ما عاد يفرق زول حرمه ورجال **********************دام الفعايل تشبه البعض دايم المرجله ما هيب كلمه وتنقال ********************* وتروح ما راحت هبوب النسايم وإلا خشونة صوتٍ أو رفع الأثقال ****************** أو رزة صدور ٍ وفعل الزلايم ولا هي بعد مفتاح موتر وجوال ************************ وإلا ردا السان ٍ حديثه شتايم المرجله شيمه عن القيل والقال ****************** رفيع نفس ٍ حر بالجو حايم المرجله عقلٍ وِزن وزنه جبال ****************** ودون العقل وش فرقنا والبهايم يا مسندي لو مايل الوقت بي مال ********************* يا وِلد ابويه يا عظيم العزايم يا معرّب الجدين امن العم والخال ******************** يا نخوة المفزوع وقت الهزايم المرجله يا خويه هي طولة البال ****************** هيّ العزم هيّ الصبر فالظلايم فيها الكرم عزه و دله وفنجال ********************* فيها الكرامه عن ردا الطبع شايم ومن لا يعرف الرب في طيـّـب الحال ********************* لابد وقت الضيق بالهمّ هايم حتى صلاتك مع جماعات ورجال **********************في خيرها يا خوي نعم الغنايم و اليا انتصفت الليل يا طيب الفال ********************* يا عظمه اجرك وانت ساجد وقايم ولامنـّـها للرب رِفعنّ الاعمال *********************** حسن الذكر لا قالو فلان صايم واحذر تبيع النفس في درب الانـذال ********************** وتتبع خوي إبليس راع النمايم النفس خيلِ لك إذا كنت خيّال ************************ ومن لا قوى نفسه قوته الهزايم ولا صرت ما تدري, على ويش رجال؟ ********************* والله خسارة فيك ذبح التمايم |
رد: شنبك اللي تفاخر به..ترى اللي جابته حرمـه
اقتباس:
شاكرة لك مرورك :love080: |
رد: شنبك اللي تفاخر به..ترى اللي جابته حرمـه
اقتباس:
أشكرك أخوي على الرد نعم الرجل أخوي وأبوي من يغرني ويجاملني فاالله أعلم مافي الصدور تحياتي مرورك أسعدني :106: |
رد: شنبك اللي تفاخر به..ترى اللي جابته حرمـه
يعطيك العافيه قصيده روووووووووووووعة:d5: |
| All times are GMT +3. الوقت الآن حسب توقيت السعودية: 08:30 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه