ملتقى طلاب وطالبات جامعة الملك فيصل,جامعة الدمام

وعليكم الســـلام

انا في السكن الخــاص لجامعة الامام عبدالرحمن بن فيصل يكون موجود السكن بكلية المجتمع للبنات بالدمام حي عبدالله فؤاد .
الترم يكون ب 3000 ريال و500 ريال للتأمين تدفعينها اول ماتسكنين وتقدرين تاخذينها بعد ماتطلعين من السكن .

الممنوع هي الاشياء الكهربائيه مثل التوصيله ومحمصة الخبز والمدفأه الكهربائية <عادي اذا كانت تطلع بس حرارة
وايضأ البخور والفحم ممنوع وبكل غرفه فيها اكثر من جرس انذار .
الطلعة أيضاً ممنوعه الا بولي الامر او تقدرين توكلين تقريباً 3 اشخاص علشان اذا حبيتي تطلعين برا السكن لان الطلعة تصير فقط يوم السبت الصباح للمول نادر ماتكون فيه طلعات وسط الاسبوع واذا كانت فيه تكون لبندة او جرير حسب احتياج البنات .
الانترنت يكون متوفر على طول التلفزيون يكون فيه بكل طابق ف الصاله الخاصة بالدور لان النظام بكل شقة بنتين وصالة صغيره ودورة مياة وبلكونه وثلاجة صغيره
. والمطبخ يكون مشترك لكل بنات العمارة ويكون بالدور الاول .
الزيارات مسموحه ولها وقتها المحدد
التشديد أكثر شي يكون على اللبس اذا كان ممررره قصير وبالعكس عادي الاغلب ماخذ راحته بس اهم شي مايكون ملفت وشبه عاري .

ونظام الشقق نفس ماقلت لك بنتين بكل شقة << اشووفها بالنقطة جدأً مرييحة خصوصاً وقت الاختبارات علشان مايكون ازعاج بكثرة البنات
واذا كنتي بالمستويات الاخيره ولك بالسكن اكثر من سنتين تكون لك شقة خاصة لوحدك .

وطبعـا السكن الخاص يختلف عن السكن الي ببلاش الي بحي الراكة هناك اشوف عندهم فعاليات كثيره ويسوون لهم حفل تخرج ولهم طلعات بالاسبوع اكثر من مره بس انه دائما يكون مافيه شواغر .
فشوفي الانسب لك وقدمي عليه وبالتوفيق ان شاء الله .