|
ضايق صدري وأبي أتونس !!
أطلع وانزل بأزارير الريموت ضايق صدري وابي أتونس عالإم بي سي وقفت اكشنها ياعيال عارضين البايض وشلتها مملين قالوا شوية شباب وفاهمين وانا قلبت ابي فيلم او مسلسل يشدني وأضيع فيه وقتي الثمين طلعت فوق شفت العربية والجزيرة والإخبارية تعرض أخبار عن السوريين والحرب قايمة أوزارها صغير تيتم وأرملة تبي بيت حصين والنار مثل الهشيم تاكل البني آدميين !! وش صار في الدنيا ياناس الموت صار سهل بين المسلمين ماحد يبي يعيد معركة حطين ولا احد يبي يصير صلاح الدين الناس تتابع اخبارهم مستانسين قالوا روسيا وبشار وغيرهم ملايين ظلموا الناس وحسابهم يوم الدين وقالوا هذي الأخبار نصها أباطيل شي يزورونه وشئ يتلاعبون فيه وشئ ينقل لنا الحقيقة مقسومة نصين نص كذبة ونصهم الثاني حرّوفه المذيعين .. كانت من زمان حرب فلسطين وزادوا عليها حرب الداعشين وصار الان الوضع خطير النظاميين والسوريين !! يالله يارب يامعين .. مادري هو يوم القيامة قريب او الناس للحين ماشبعت نحيب نسمع ونقرأ ونشوف الحوانيت ولا تأثرنا ولا هزت مشاعرنا نقطة من حرب الصليب ضاق صدري اكثر مابي اقرأ أخبارهم مابي اشوف أمواتهم مابي اسمع صرخاتهم أوجع قلبي حيل حالهم وين سوبرمان عنهم وعن أمواتهم وين أفلامهم وين الحق اللي ينتصر في اخر الحلقة على أشرارهم ؟؟ وين كُتابهم ممثلينهم وسيناريوهاتهم وين القوي اللي ينقذ الضعيف ويرجع الحق لأصحابه وينهم ؟؟! رن جوالي رنتين !! هذي رنا تبيني اتصل عليها تركت الجهاز دقيقتين واتصلت ياهلا ب رنا أمريني وش تبين تعالي نحضر زواج مريم عيالي ناموا و زوجي في استراحته وشكله مع أخوياه ومصيفين وش رأيك توافقين ؟! مادري يا رنا في لبسي محتارة ؟! البسي الأزرق اللي حضرتي فيه زواج يارا !! وتسريحتي كيف ؟! شوية فير وارفعيه ويصير شكلك رزين .. وقولي لزوجك بتأخر الليلة لاينتظر وأحسبي حسابك معي انتي بتسهرين !! طيب يا قمر الثلاثين اعطيني ساعتين واسنع أموري بعد آمري وش تبين !! تسلمين يا ياسمين قفلت الجوال وأخذت الجهاز يوه نسيت !!! طيب وحال المسلمين مين يحله ؟! !! بعدين بعدين ! نكمل حل القضية وبعدين نشوف وضع الأمة الاسلامية المهم .. انتهت الحين حلقتنا الأولية .. !! . . . هذي شوية خربشات فراغية ومعذرة على الركاكة في بعض المواضع ماأسعفني الوقت لأجل أعيد مراجعته الكتابية .. :106: |
رد: ضايق صدري وأبي أتونس !!
الله يغير حال المسلمين إلى أحسن حال ويبعد عنهم الفتن والمصائب
(إن الله لا يغير الله ما بقوم حتى يغيروا ما بأنفسهم) يعطيك العافية ياسمين |
رد: ضايق صدري وأبي أتونس !!
-
الله يحفظ دينا وامننا ويعم الامن ولامان على اخونا المسلمين جميع الله يسعدك ياقلبي صح قلمك وقلبك ..❤ |
رد: ضايق صدري وأبي أتونس !!
خربشات تضرب بالعميق وتتحدث عن واقع مؤلم
اُسلوب جميل راقني بتوصيل الفكره بهذا الشكل دام نبضك |
رد: ضايق صدري وأبي أتونس !!
اقتباس:
اللهم آمين .. وهيهات هيهات أن يتغير حالهم !! ممتنة لاطلالتك أخي الكريم رضوان .. :106: |
رد: ضايق صدري وأبي أتونس !!
اقتباس:
اللهم آمين .. صح بدنك ومرحبًا بالعطر الفواح شاكرة مرورك عزيزتي الغالية .. :106: |
رد: ضايق صدري وأبي أتونس !!
اقتباس:
هذا حآلنا ياسيدي لا نعلم متى س نستيقظ من سباتنا !! .. ودام حضورك سيد مشعلي دوما في صفحاتي .. :106: |
رد: ضايق صدري وأبي أتونس !!
أطلع وانزل بأزارير الريموت ضايق صدري وابي أتونس عالإم بي سي وقفت اكشنها ياعيال عارضين البايض وشلتها مملين قالوا شوية شباب وفاهمين وانا قلبت ابي فيلم او مسلسل يشدني وأضيع فيه وقتي الثمين طلعت فوق شفت العربية والجزيرة والإخبارية _ اختصرتي حالي هالفترَه بهالاسطر :"( .. الله يعز الاسلام والمسلمين بكل مكان ويبلغنَا بنصره اخواننا السورين وغيرهم من المظلومين عاجلا غير اجَل , مشآركه رآئعَه غلاتَي .. يعطيك ربي الف عافيه لاعدمناك ,, |
| All times are GMT +3. الوقت الآن حسب توقيت السعودية: 12:25 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه