محتاجة مساعدتكم ..
 

السلام عليكم..
كل عام وأنتم بخير و اسعد الله ايامكم بخير الدنيا والاخرة
وبارك لكم اوقاتكم ونوياكم وحسن اخلاقكم..

اخواني انا محتاجة مساعدتكم وعارفة ماراح تقصرون معي،
عندي إنذار أخير (فصل) ، ومعدل الحالي 2.83 اما التراكمي 1.9
ابي اتفادى الفصل بس ماني عارفه
ابي تنصحوني الساعات كم أسجل.. واسجل المواد اللي ساعاتها كثيرة اول لا


واي شي يساعدني برفع المعدل.. طريقة المذاكرة (كتب ملخصات،او اسئلة اختبارات)


...

انتظر ردودكم..

رد: محتاجة مساعدتكم ..
 

اختاري ١٢ ساعة وخليها من المواد العامة وذاكري اول باول واستشعري بخطورة الوضع وسوف تنتصرين

رد: محتاجة مساعدتكم ..
 

اختاري اكثر ساعات خذي 18 ساعه الحد الاقصى واخذي اسهل المواد علشان ترفعين المعدل لان المعدل بالنقاط والنقاط بالدرجات حاولي تجيبي درجات عاليه بالتوفيق

رد: محتاجة مساعدتكم ..
 

الله كريم.. شاكرة لك أختي

..

انا قسمي ادارة مخلصة مستويين..
ابي مواد المستوى الثالث السهله حسب خبرتكم..
عشان اسجلها وتساعد

رد: محتاجة مساعدتكم ..
 

نشكرك على دعواتك الطيبه ولك بالمثل


انت الآن في مشكله حقاً

والحل مؤقت ويعتمد بالمقام الاول عليك

اتبعي الخطوات التالية :-

1- سجلي المواد العامة مثل ( فقه السيرة - الاخلاق الاسلامية - قضايا معاصره ) هنا 6 ساعات سهلة جدا

2- سجلي ان امكن ( نقود وبنوك - القانون التجاري) 6 ساعات سهلة جدا

أصبح المجموع 12 ساعه

3- ضروري جدا حل جميع الواجبات للمقرارات الموضحه اعلاه وعددها (5) بواقع (3) واجبات لكل مقرر مع حل المناقشات ومتابعة المحاضرات وتحصلي على درجة 30 لكل ماده

4- اعتمدي اكرر اعتمدي بشكل كبير على اسئلة اختبارات السنوات الماضية فهي تتكرر بنسبة 95% في حالة عدم تغيير الدكتور وقد اقترحت لك المواد السابقة لإن الدكتور لن يتغير ان شاء الله


مع امنياتي لك بالتوفيق والنجاح

دعواتك / ابو عدي

رد: محتاجة مساعدتكم ..
 

مشكور أخوي ابو عدي ماقصرت والله
جعله في ميزان حسناتك ان شاء الله
بتبع خطواتك وببدأ أسجل المواد اللي ذكرتهم
والله يوفقنا وياك لما يحبه ويرضاه.

رد: محتاجة مساعدتكم ..
 

ايضاًً شكرا أخوي ابو فيصل .. ببذل كل مجهودي والله كريم