|
بلييز بنات قسم الانجليزي ابي مساعدتكم والله
مرحبااااا صباايااا
كيفكم ؟؟ انا توني متخرجه من الثانويه حبيت اسألكم عن الانجليزي انا عارفه انه ادب بس يقولون انه صعب وانا الحمدلله لغتي بالانجليزيه كوويسه بس كنت ابي ترجمه وللاسف مافيه عشان كذاا بليز ابي نصيحتكم يعني تنصحوني من القسم هذا ؟؟ تحسون انكم استفدتو منه يعني زاد من حصيلتكم اللغويه ؟؟ طيب كيف قرأة الروايات احسه مررره صعب ؟؟ انتو ايش تقولون ؟؟ ياليت اي شي يساعدني تقولونه لي وانا اشكركم من قلبي مقدما |
رد: بلييز بنات قسم الانجليزي ابي مساعدتكم والله
انا توني متخرجه من الثانويه حبيت اسألكم عن الانجليزي انا عارفه انه ادب بس يقولون انه صعب
مباارك تخرجك أولا...أكبر نصيحة أوجهها لك..لا عمرك تسمعين لوكالة يقولون..كل انسان له تجربته الخاصة وانطباعه الخاص..انا لما دخلت سنة أولى..كانوا البنات الي أكبر مننا يحذرونا من دكتور فلانة وفلانة..وانها شديدة والثانية ترسب..الخ..لكن طنشت الوضع..ولله الحمد كان الأمر بسيط..هم كانوا مهملين وحصيلتهم اللغوية ماساعدتهم لذلك أخذوا موقف انها شديدة وانها ترسب...من جد وجد..بس من جد لا تسمعين لتجارب الآخرين..اصنعي خبرتك بنفسك..وكوني مجتهده وانا الحمدلله لغتي بالانجليزيه كوويسه بس كنت ابي ترجمه وللاسف مافيه أنا دخلت القسم وأنا أتحدث الإنجليزية بطلاقة..لكن للأسف مافادني هالشئ كثير..وأقولك اياها..الحين ماأعرف أتكلم لعدم الممارسة..لان مافي مجال انك تستخدمي لغتك..إلا احيانا لما تجاوبين..لكن يعتمد اعتماد كبير على فهمك وحفظك انا وحدة ماأحفظ وما أدرس الأشياء الي ناخذها..وفي المحاضرة الدكتورة ممكن تسأل أسأله تعتمد على أشياء سابقة أو معلومات خارجية..فيجب أن تتحد اللغة السابقة الي عندك مع المعلومات التي تعلمتيها أو ثقافتك الخارجية يعني تنصحوني من القسم هذا ؟؟ لو كنتي من الناس الي يحبوا الادب..ويستمتعوا بالقصص والأشعار..وخيالك واسع..حلو تتدخلي..+++++اهم شئ عندك قدرة على الحفظ..لأان بالبداية وحتى النهاية لااازم تحفظي..أو راح تكون درجاتك ناقصه..لأنك لازم تحفظي معلومات كثيرة..بس عموما ممتع تحسون انكم استفدتو منه يعني زاد من حصيلتكم اللغويه ؟؟ في الحقيقة مااستفتدت كثير..لأنه زادني حصيلة أدبية ماراح تفيديني في الحياة العامة..انا أخذت الدراسة كمتعة و ان أكتشف عالم آخر..بس الحين نسيت كل شئ..وبالأصح مع انتهاء كل ترم انسى الي فات طيب كيف قرأة الروايات احسه مررره صعب ؟؟ انتو ايش تقولون ؟؟ صحيح..قراءتها مزعجه..وبعض الدكتورات يطلبوا تقرأيها ويسألوا بالدرجات..لكن غالبا توجد ترجمة عربية لتلك الروايات..صحيح مأحد ينصح انك تقرأيها بالعربي..بس انا لازم أقرأ العربية ثم لو احتجت اقرأ مقاطع من الإنجليزي..بس لاتشيلي هم..هناك ملخصات للقصص في مواقع كثيرة بالنت..بالإنجليزي طبعا ياليت اي شي يساعدني تقولونه لي وانا اشكركم من قلبي مقدما اذا انتي حابة الإنجليزي ادخلي ولاتسمعي لكلام احد...وصدقيني في ناس ماتعرف ولا حرف..بس تعتمد على الحفظ ومشت..وفي ناس بلابل باللغة ومو مرة متفوقين..هذا يدل على انو ماضي الإنسان مايحدد مستقبله..بإمكانك البدء من الصفر...لازم تجتهدي وتذاكري أول بأول..وصدقيني..سنة أولى الترم الثاني تتيسر أمورك...وتتعودي على ألوضع...بس أول اسبوعين مرة متعبين من ناحية ترجمة القطع وفهم المواد..بعدها كلللل شئ حلووووو دعواااااااتي لك بالتوفيق...وقبل كل شئ استخيري...ليكتب الله لك الخير |
رد: بلييز بنات قسم الانجليزي ابي مساعدتكم والله
الف مبروووك قبل كل شي والله يوفقك:d5:
انا توني متخرجه من القسم ومريت في التجربه اللي انتي فيها من قلل وخوف وووو لكن ماعليك من الناس اهم شي استخيري واذا رسيت توكلي على الله يوم انا في سنه اولى اكبر غلطه ارتكبتها:no2: اني اسمع لكلام البنات الباقيات :064: عن الصعوبه .. والخرابيط اللي يقولونها ... بس بعدين تعلمت ولا صرت اسمع من اي بنت والدكاتره حلويين ويهبلون واهم شي اللغه والقرامر ... والمذاكره اول باول...:066: واي حاجه انا في الخدمه اذا تبين شي عن سنه اولى اناحاضره حتى لو ع الخاص:g2: |
رد: بلييز بنات قسم الانجليزي ابي مساعدتكم والله
عن جد (آخرسنة ) و (BrEeZe ) يعطيكم الف عافيه ومشكووورين :love080::love080:
|
رد: بلييز بنات قسم الانجليزي ابي مساعدتكم والله
ياليت اي بنت عندها معلومات او تبي تحط رايهااا ياليت تقوله :mh19:
|
رد: بلييز بنات قسم الانجليزي ابي مساعدتكم والله
بصراحة انا مااقدر ازيد شي على كلام اختي اخرسنه وbreeze بصراحة كفو وفو
على العموم من الجد القسم حلو وممتع لو انتي تحبين ادب الانجليزي لان اغلب البنات يدخلون القسم على بالهم انه ترجمه وهذا اكبر غلط اذا انتي كنتي ادبي راح تمشين في القسم لانه كله حفظ لكن لو كنتي علمي زي راح تتعبين شوي بس بمجهود بسيط منك ان شاء الله كل الامور راح تتغير واذا انتي راح تقدمين في كليه الاداب في الدمام مافيها بصراحة اقسام حلوه مره يعني احسن قسمين من وجهة نظري الانجليزي والحاسب وباقي الاقسام عاديه ولا يزعلون باقي الاقسام وبعدين ترى المناهج تختلف من كليه لكليه يعني انا سمعت من بنات زميلاتي ان قسم الادب الانجليزي في باقي الكليات اسهل شوي بس انا احنا الله يهديهم شوي متشددين خلاص مااطول عليكي بس بصراحة احسن شي تسوي في ظروف زي كذا هي الاستخاره واذا كنتتي تبغين اي مساعدة ممكن تنضمين الى قروبنا قروب بنات الانجليزي وفي بنات في القروي مشتركين من سنه اولي يعني ممكن يفيدونك في الموضوع اكثر وبالتوفيق http://www.ckfu.org/vb/showthread.php?t=14626 |
رد: بلييز بنات قسم الانجليزي ابي مساعدتكم والله
يعطيك العافيه أختي moon light ماقصرتي
|
رد: بلييز بنات قسم الانجليزي ابي مساعدتكم والله
صبـــــــايـــــــا ارائــــــكــــــــم بلـــــــــــــــيز !! :000:
|
رد: بلييز بنات قسم الانجليزي ابي مساعدتكم والله
مرحبا غاليتي
انا متخرجة من القسم وهو رائع رائع رائع بل واكثر من راااااائع يعني بتستفيدي من جميع النواحي من ناحيتي مرررررررررة استفدت من هذا القسم المميز دوما اختلف تفكيري ونظرتي لمن حولي للافضل الدكتورات والاستاذات من اروع هيئات التدريس اللي قابلتهم وربي ماابالغ لان هذه هي الصراحة والاهم لاتصدقي اي كلام يقولونه البنات عن القسم يعني سمعت عن قصص وحكايا يشيب لها شعر الراس بس دخلت وشفت كيف الوضع عكس اللي يُشاع عنه يقولوا ظلم وما يصححوا وووو كله كلام فاضي وربي 4 سنوات درستها بالكلية ماعمري شفت هذا الظلم (واقصد هنا قسم الانجليزي ماادري عن الاقسام الثانية) صحيح باول سنة حسيت انهم حملوني مادة ظلم وانا المفروض انجح فيها بس لما طلبت اعادة التصحيح اكتشفت اخطائي وعرفت ان اللي يقولوا ظلم بالتصحيح ماعندهم سالفة توكلي على الله وسجلي بالقسم وان شاء الله مارح تندمي واي استفسار ياقلبي لايردك الا لسانك |
رد: بلييز بنات قسم الانجليزي ابي مساعدتكم والله
وووين رايك يالحلا:g20:
انا رايي من رايكم.......... الله يوفقك الجميـــــــــــــع |
| All times are GMT +3. الوقت الآن حسب توقيت السعودية: 10:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه