|
اللي خلص جدوله يجي يكمل لي جدولي الله يوفقكم
السلام عليكم ورحمة الله وبركاته الله يبارك لنا لكم خواتي واخواني بالعشر الاواخر ويجعلنا من عتقائه يارب والله يغفر لي ويغفر لكم ولكل مسلم ومسلمة وعيدكم مبارك مقدما باقي على العيد 6 ايام >> اتحدى احد سبقني :tongue: تخبرون هالرسالة ايام الرسائل النصية غبار:sm18: يوه ودي لو اسطرني واجلدني واطلق على جوالي 30 رصاصة عيار 7 ملم وبعدها انتحر يوم اتذكر اني كنت ارسلها للاوادم قبل العيد ههه :lllolll: ههه المهم ماعلينا عندنا جامعة فيصل ماشاء الله مجمع بايولوجي متكامل للقضاء على الصحة تخصص اتلاف مخ بشري بالايونات القرارية المتشقلبة :biggrin: لاتواخذوني عندي والله موعد بكرة بمركز القلب وبديت اهلوس من شبح القسطرة في الطريق نجي للجدول يالغالين خذيت ثلاث مواد كنت تاركتها في مستوى ثالث لظروفي الصحية وباقي لي ثلاث مواد باخذها من مستوى رابع او اذا ماضبطت باخذها من خامس الشكوى لله خذيت اليوم الاول الخميس 6-2 فترة اولى اساسيات المحاسبة والتكاليف 3ساعات اليوم الرابع الاثنين 10-2 فترة ثانية الاحصاء في الادارة 3ساعات اليوم السادس الاربعاء 12-2 فترة اولى الأساليب الكمية في الإدارة 3 ساعات االيوم الثامن السبت فترة ثانية 4)))ادارة مالية 1 3 ساعات كملوا لي ابي 18 ساعة باقي لي مادتين باخذهم من رابع وبسأل اذا الاساليب الكمية تعارض مع اساسيات المحاسبة لاني شفت اختي رافايللو ماخذتهم مع بعض :Looking_anim: وقبل الختام ... اطمع بدعوة من القلب في هذه الايام المباركة :004: تكفون الله يخليكم كل اللي يقرون موضوعي يدعون لي بالشفاء العاجل بقلوبهم حتى الزوار بقلوبكم يالغالين لعل منكم من لو اقسم على الله لأبره "تعذبت ورب البيت " حنا بالعشر الاواخر وان شاء الله تصادف باب استجابة مفتوح ويقبل ربي دعاي ودعاكم (( اللهم اشفها من القلب وترسب الكوليسترول والتليف والغدة الدرقية ياشافي يامعافي )) وربي يوفق كل من رد علي ولايحرمه عافيته ويخلي له هله وعياله ويرزقه من خيري الدنيا والآخرة :106: |
رد: اللي خلص جدوله يجي يكمل لي جدولي الله يوفقكم
طيب ضيفي الاساليب الكمية وذا عندك قدره كمان ضيفي ادارة الموارد البشرية وبكذا يصير عندك 18 ساعة حلوووين
الله يشفيكـ حبيبتي وما تشوفين شر:106: |
رد: اللي خلص جدوله يجي يكمل لي جدولي الله يوفقكم
اساسيات محاسبة أول يوم الخميس
أساليب كمية سادس يوم الأربعاء ما فيها تعارض عندك مهارات بحث وتفكير أو ادارة اعمال الكترونية >>اختبارهم عاشر يوم الاثنين الله يشفيكي ويعافيكي |
رد: اللي خلص جدوله يجي يكمل لي جدولي الله يوفقكم
اسأل الله العظيم ان يشفيك ويعافيك
وبالنسبه للمواد انا ماعرف وش خلصتي ووش بقى لك عشان اقدر احاول افيدك بشي او اساعدك وكل عام وانتي بخير |
رد: اللي خلص جدوله يجي يكمل لي جدولي الله يوفقكم
أختي سارة اسأل الله العظيم رب العرش العظيم أن يشفيك .. اللهم رب الناس مذهب البأس اشفها انت الشافي لا شفاء الا شفائك شفاء لا يغادرة سقما يارب يا كريم أنا مع رافايللو اساسيات محاسبة و بحث و تفكير و بكذا يكتمل النصاب وتوكلي على الله وبالتوفيق |
رد: اللي خلص جدوله يجي يكمل لي جدولي الله يوفقكم
اقتباس:
هلا ابيات ياعمري ادارة الموارد البشرية متعارضة مع ادارة مالية 1 كلهم السبت الفترة الثانية والاساليب الكمية اخذتها ابي غيرها الله يجزاك خير يالغالية |
رد: اللي خلص جدوله يجي يكمل لي جدولي الله يوفقكم
اقتباس:
هلا ياقلبي مااقصد تعارض ايام بالاختبارات اقصد تعارض متطلبات على بالي مادة تفتح مادة مهارات بحث وتفكير اخذتها بمستوى ثاني وافكر من البارحة بادارة اعمال الكترونية بس متخوفة ماعرف عنها شي ابدددد مع ان توقيتها جدا مريح اخر يوم ولاقبلها عندنا شي ربي يجزاك خير يالغلا |
رد: اللي خلص جدوله يجي يكمل لي جدولي الله يوفقكم
اقتباس:
هلا ابوفيصل الله يعافيك ويجزاك خير مواد ثالث بقى لي منها ثلاث مواد اللي هي اساسيات محاسبة واحصاء وادارة مالية1 هذولي باخذهن هالترم وضفت معكم الاساليب الكمية وودي اخذ ادارة تسويق لكنها جاية بالنص يوم الثلاثاء قبلها الاثنين عندي احصاء وبعدها الاربعاء عندي اساليب كمية معاكم وخايفة اجيب العيد بالثلاث كلهم ومن جهة اخاف اتركها وهي بالثلاثاء واذا الله عطاني طولة عمر الترم الجاي الخامس راح تتعارض مع ادارة العمليات وانا ودي اصير معكم ومهارات البحث والتفكير اخذتها بمستوى ثاني الله يوفقك اخوي الغالي وكل عام وانت بخير |
رد: اللي خلص جدوله يجي يكمل لي جدولي الله يوفقكم
اقتباس:
هلا بك يامجتهد والله يجزاك خير على دعواتك والله يستجيب ان شاء الله انا ماخذة اساسيات محاسبة وكاتبتها لكم اول مادة الا اذا قصدكم مادة ثانية مدري والله ترى مخي مشتت لاتواخذوني وبحث وتفكير خذيتها شرايك اخذ ادارة اعمال الكترونية والا صعبة ؟ الله يوفقك اخوي الغالي ماقصرت |
رد: اللي خلص جدوله يجي يكمل لي جدولي الله يوفقكم
طيب الله يعافيكم المواد الاربع اللي فوق استقريت عليها والخامسة بحطها ادارة اعمال الكترونية لانها اخر شي لحالها ولاحولها ولاحواليها مع اني والله مدري وش قصة اومها :Cry111: لكن اللي عنده منها خبر الله لايحرمه عافيته ويجزاه خير يبلغني عنها لو لمحة والسادسة اللي بتكمل لي عاد ابي شوركم فيها : عندي مادتين يانقود وبنوك من خامس او ادارة تسويق معكم من ناحية ودي بادارة تسويق معكم مابي اتاخر عنكم كثير انتم عارفين ظروفي ولا انكر وقفتكم معاي الله يجزاكم خير من اولكم لاخركم :icon9: ومن ناحية ثانية تبي تنشب لي هالتسويق بين اساسيات المحاسبة والاحصاء يوم الثلاثاء يعني بيصير عندي الاثنين احصاء والثلاثاء ادارة تسويق والاربعاء الاساليب الكمية جلد ورى بعض وانا يالله لك الحمد جايبة العيد خلقة كل اختبارات استغفر الله ياربي لك الحمد على ماقضيت :139: وخايفة من جهة ان الجدول مايتغير مدري هو يتغير كل سنة والا نفسه واذا ماتغير الترم الخامس الجاي وعطاني الله طولة عمر معكم راح تتعارض ادارة التسويق مع ادارة العمليات كلهم يوم الثلاثاء وبالعربي انا ابي معكم عشرة عمر :060: الحب بلوى ههه :tongue: والخيار الثاني اني اخذ نقود وبنوك تطلع لي السبت يعني الخميس على اساسيات محاسبة وتكاليف والسبت نقود وبنوك والاثنين احصاء بس خايفة اتأخر عنكم بزيادة واتشتت عنكم وانا مابي افارقكم ابي معاكم لين افطس :Cry111: فهمتوا الحين مشكلتي مع ادارة التسويق والنقود والبنوك حلوووووها :007: :000: |
| All times are GMT +3. الوقت الآن حسب توقيت السعودية: 05:22 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه