ملتقى طلاب وطالبات جامعة الملك فيصل,جامعة الدمام - لمن ينوي المقاطعه لبعض المواد الغذائية ( هــآك البدائل ) .. صور

لمن ينوي المقاطعه لبعض المواد الغذائية ( هــآك البدائل ) .. صور

الموضوع هذا مجرد مشاركه مني .. لوضع البدائل التي استبدلتها انا لمحاربة الشركات التي رفعت الأسعار سابقاً .. وحالياً ...

والبدائل هذه شركات لازالت متمسكه بسعرها الاصلي دون نقص أو زياده في الاحجام ..

أولا راح ابداء في المراعي اللي قاطعتهم .. اساسا من قبل ارتفاع سعرها :biggrin:
لأن البانها جدا ثقيلة على البطن وتجيب خموووول ... وأغلب تركيبها من البودره المصنعه ..

والدليل بعد ماتشرب الكاس خله في هواء رطب وشوف كيف راح ينشف اللبن وتطلع البودره :biggrin:

وهذا الشي بنظري هو سبب ثقله على المعده .. فأتجهت الى لبن جدا جدا جونااان على المعده وكطعم ايضاً ..

اللي هو لبن ( المخيض ) من شركة البآن الطائف وأعتقد مافي منه غير بالغربيه :biggrin:
لأن دورت ببعض المحلات بالرياض مالقيت
وهذه صورته ..

http://up.arab-x.com/July11/ZhP95104.jpg

وأسعاره :

الصغير : بريال
الوسط : بريالين
الكبير : بأربع ريال
العائلي : بسـبع ريال

وايضاً ماتهون شركة نادك

http://sub3.rofof.com/img5/011mwhle10.jpg

وهذه الشركة للي مايتقبل المخيض .. لأن طعمه كأنه من القربه .. لبطنك :hahahahahah:

ونادك حقيقة عندهم زبادي اممممممممم :(204):

ــــــــــــــــــــــــــــــــــــــ

نجي لحليب السعوديه الخائن الأول :33_asmilies-com:

بما اني مدمن حلابيب :biggrin: << جمع حليب :(284):

فأن حليب السعوديه رفع في بعض منتجاته ..

والصغير صاير بريال ونص ..

والحين يحاولون يرفعون في سعر الكبير من 4 ريال الى 5 ريال وذلك بأنتاجهم ( علبة ) جديده لونها ذهبي .. وحاولت اقارن بينها وبين العلبة الحاليه مالقيت اي فروقات ولا حتى في التركيب
غير لون العلبه .. وقال لي سعرها بـ 5 ريال .. فسحبت عليهم

ولقيت بديل بنفسسسس الطعم

اللي هو حليب ( ابو قوس ) فليتفضل مشكوراً .. :(269):

طبعاً انا اخصص انواع معينه ولا اقصد الشركه ككل .. لأني ماأعرف اسعار المجفف منها

http://www.rainbowmilk.com/client_me...lainmilk__.jpg

ــــــــــــــــــــــــــــــــــــــــــــــــــ ـــــــــــــــ

الحين نجي للمشروب الخارجي :biggrin: ( لأحد يفهم غلط )

انا اقصد الببسي ...

احب اقلكم انا ماني مدمن ببسي بتاتاً ولا احب اشتريه من اساسه
بحكم انه مليااان غااازاااااااااااااات وععععععععع واحس انه يترك اثر باللسان زي الدم المتكبد :000:

ولكني مدمن الديو + الحمضيات على الكبسسسه :mh12:

وبعد رفعهم الاسعار قررت بما هو آت :71:

تبديل الديو والحمضيات بمشورب غازي محلي ونفسسس الطعم .. وعلى ضمانتي :53:

اللي هو مشروب ( ستريم ) من شركة فيفا

http://photos-g.ak.fbcdn.net/hphotos...5_403013_n.jpg

وسعر الـ200 مل بريال

والعائلي بـ 4ريال ..

واعتقد لمدمني الببسي فيه مشروب اسمه ( بي كولا ) انا ماجربته بس اللي يعرفون الببسي يقولون نفس طعمممه ... وبريال :biggrin:

ــــــــــــــــــــــــــــــــــــ
وبالنسبة للعصير .. للي يقول ماقدر اقطاع عصير المراعي ..

أنا عن نفسي جرربت برتقال وتفاح وكوكتيل ( راني )
فكان أفضل من المراعي .. رغم اني جربت عصائر المراعي

ولكن للامانه والله عصير برتقال راني
شي ممميز .. لأن ماتطعم فيه طعم الحموضه المعروفه في عصائر البرتقال عامة

وأنا اخص بالذكر عصير راني الحجم العائلي

ــــــــــــــــــــــــــــــــــ

وبالنسبة للرز ..
كان فيه رز في اسواق العثيم اسمه رز ( ابو فهد )
استغربت وقلت شكله مشي حالك ومو نظيف ...
بس صرااااااااحه جربته ةكااان جداً لذيييذ
ونظيييييف .. وسعرره جدا مناااسب

لأن والله العظيم مره اشتريت رز ( ابو بنت)
فكااان داخل الكيس زي قطع الاسمنت المتيبسه

وحررررررررررمت انه يدخل بيتي

وجرب بدائلي وأنت الحكم :53:
وبعدها كل واحد يعطينا رااايه

:hahahahahah:
8
8
8

واثق الأخ

( ملاحظه )
يمكن البعض بيقول انا مايعجبني هالشي او ذاك الشي من اللي ذكرتهم

وهذا شي طبيعي لأن ( لولا أختلاف الأذواق لبارت السلع )

وفي الاول والاخير يرجع لذوق كل شخص ..
ولفكر كل شخص في عملية الأقتصاد والبحث عن البديل في سبيل توفير الكثير وردع الجشع ..

:mh12:

وهذا مايحضرني وللحديث بقية..
ومن عنده اي إضافة فلا يبخل علينا
وطبعا انا عن نفسي اللي بيعرض اي بدائل فماعندي مشكله اجرب

وش عندنا في الحياه هذه غير نجرب :biggrin: