|
قروب مبادئ الاقتصاد الجزئي
السلام عليكم ورحمة الله وبركاته لاحظت انو في كثير بداو يسألون عن مادة الاقتصاد الجزئي وفي حاجات مو فاهمينها واولهم انا وعلى اساس نتجنب كثرة المواضيع بالقسم والاسئلة المتكررة عند الطلاب حبيت اطرح موضوع القروب للي ضايعين وتايهين بهالمادة أي سؤال وأي استفسار حنا حاضرين واللي نقدر عليه بنسويه لكم والاجابات ماراح تكون مني فقط لانو مالي خبره بهالمادة بس احس اني فهمتها واللي اعرفه بشرحه لكم وبحاول اوصل المعلومة لكم بأي طريقة ومتأكدة بقيه الطلاب ماراح يقصرون بيساعدوني ويساعدونكم واي خطأ في الاجابات او الشرح نبهوني عليه ومنكم نستفيد والله يوفقكم ويوفقني .... أشواق استفسار بسيط ..؟ ليه الملتقى مافيه تصنيفات ثانيه في مواضيع مو متوفره لها التصنيفات احتار وش اختار ...!! |
رد: قروب مبادئ الاقتصاد الجزئي
سؤالي : في المحاضرة الثالثه ذكر لنا المنفعه الكلية هي مجموع المنافع التي يستمدها الفرد من وحدات سلعه معينة وأن المنفعه الكلية تزداد بزيادة الكمية المستهلكة من السلعة طيب الى هنا فهمت نجي على المثال جدول ( 3- 2) المنافع الكلية كمية الطعام 1 والمنفعة الكلية للطعام هي 75 (75) من وين جاات ..؟ هل هي مجرد رقم او على اساس اسعار معينه كتب لنا هذا الرقم ..؟ واذا كان على الاسعار كم سعر السلعة ..؟ وكيف زادت المنفعة الكلية الى 117 لمن صارت كمية السلعه 2 ..؟ في عملية معينة هنا تمت وش هي ..؟ ادري الاسئلة كثيرة ولي عودة برضو بأسئلة ثانية بس لمن احصل اجابات اللي هنا .... |
رد: قروب مبادئ الاقتصاد الجزئي
مرحباإا ياطلاب المستوى الاول حبيت إجيب لكم راإبط لقروبناآا الترم اللي فات لمادة الاقتصاد الجزئي
لان فيه نقاإاط مهمه وشرح لآهمممم النقاإاط اللي ركز عليهآ الدكتور حسن وإن شاء الله تستفيدون منه http://www.ckfu.org/vb/t295480.html لآتنسوني من دعواآاآتكممم:004: |
رد: قروب مبادئ الاقتصاد الجزئي
يعطيك ربي الف الف عافيه ماقصرتي ... |
رد: قروب مبادئ الاقتصاد الجزئي
:106:الله يوقفك ويعطيك العافيه يارب
|
رد: قروب مبادئ الاقتصاد الجزئي
الله يعافيك ويوفق الجميع يارب ... |
رد: قروب مبادئ الاقتصاد الجزئي
اذكر مره من المرات واحدة من الاخوات هنا طلبت شرح التدفق الدائري في قروب طلاب السنه الماضيه طالب من الطلاب جاب مثال ممتاز واللي مافهم التدفق الدائري اتوقع بيفهمه ميه ميه لمن يقرأ المثال تفضلو المثال شوفي ياوخيه وركززززززي زين الحين انتي ابوتس عنده ارض وانتي موظفه بشركه جيت انا ممثل شركة بسطويسي للتجاره المحدوده :oao: وابي طال عمرتس اسوي مشروع اسوي زنوبات خضر وزرق وحمر ووردي وابيع واكسب انا الحين بما اني شركه اعتبر منتج(قطاع المنتجين) يعني انا بانتج منتج معين اللي هو الزنوبه ههههههه يبي لي مصنع ويبي لي موظفين ويبي لي ارض يعني (مواااااارد) وين اروح ؟؟؟ اروح سوق الموارد ليش اروح سوق الموارد عشان ادور الموارد اللي تساعدني على الانتاج اللي هو الاراضي و الموظفين والماده الخام اي شئ يسمى مورد اروح البنك اتسلف فلوس وعشان ابني مصنع يبي لي فلوس رحت اتسلف من الراجحي وباشتري ارض لقيت ارض ابوك ويبي لي موظفين لقيتس انتي ماهنا مثلتس بسواة الزنوبه ههههه انتي والارض وبنك الراجحي تسمون عوامل انتاج بالنسبه لكم كقطاع مستهلكين يعني ابوتس يشوف الارض انتاج له لانها تجيب له فلوس وانتي شغلتس انتاج لانتس تجيبين فلوس منه لكن هالاشياء بالنسبه لي كمنتج تعتبر موارد لي فابوتس عطيته 50 الف لارضه وانتي راتب 990 ريال بالشهر والبنك اللي تسلفت منه اخذ مني فائده ب10 الاف بالشهر طيب سويت كل شئ وانتجت انا ياشركة بسطويسي (قطاع المنتجين) صارت عندي السلعه اللي هي الزنوبه (سلع الخدمات) رحت وديتها سوق المنتجات عشان الناس تشتريها من اللي جاء يشتريها ؟؟؟؟؟ جيتي انتي وابوتس وبنك الراجحي يبي يطقم لموظفينه طقم زنوبات من عندنا يبون زنوبات بسطويسي اللي ماهناش مثلها (قطاع المستهلكين) طيب انتو من وين لكم فلوس ؟؟؟ انتي اخذتي فلوسك مني (من الراتب اللي اعطيتس) وابوك اخذ فلوسه مني ( يوم اشري منه الارض والبنك ربح فلوسه بعد مني ؟؟( يوم اخذ قرض منه ) ويرجعون يشترون مني تشوفين ذهانة بسطويسي ههههه وهذي هي نظرية التدفق الدائري الفلوس تدور بينا وماشيه شغاله زي الفل ! لو انا ماجيت سويت مصنع كان ابوك ماباع ارضه كان انتي ماشتغلتي كان ماحد اشترى زنوبات بسطويسي كان ماصار شئ اي خلل يصير بالتدفق الدائري |
رد: قروب مبادئ الاقتصاد الجزئي
اما المثال :(204)::71:
يدخل المخ على طول,,,:d5: يعطيك العافية وموفقين باذن المولى عز وجل .. |
رد: قروب مبادئ الاقتصاد الجزئي
المثال من أبو ريم الله يعطيه العافيه من جد بسرعه يدخل المخ ... |
رد: قروب مبادئ الاقتصاد الجزئي
في قروب السنه الماضيه ذكرو نقاط مهمة ركز عليها الدكتور حسن وفعلاً لمن تابعت المحاضرات لقيت انو مركز على نفس النقاط يعني نقاط مهمة جداً انتبهو لها بكتبها لكم واي شئ مفيد بالقروب بذكره هنا بالتوفيق للجميع ..... .... |
| All times are GMT +3. الوقت الآن حسب توقيت السعودية: 05:53 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه