|
مشكلتي العويصة مع الاقتصاد الكلي :(
السلام عليكم ورحمة الله وبركاته
من بداية السنة وأنا شايلتن هم الاقتصاد و زاد الهم يوم شفت محاضرات الاقتصاد حاولت منا مناك افههههم بس و رب البيت متنحه بحثت باليوتيوب , و بعد التعب حصلت قناة للاقتصاد و كانت لأستاذ من أحدى الجامعات المهم الأخ ما شرح كل المادة يقول بس بعطيكم الصعب أنا اللحين ما فهمت السهل عشان افهم الصعب ! و اليوم ترسل لي صديقتي شرح لـ عبداللطيف بلغرسة والله تمنيت جايني من قبل ’ لعل به نفع لكن للأسف جاء بالوقت الضائع :( اللحين ودي أشوفه بس يبي لي بحدود 11 ساعة لحتى اختمه ! و عندي 6 مواد غيره امممممم خلاصة كلامي يا أخواني و أخواتي لو جاكم طفل و قال انا ما فهمت الرياضيات ! بتقولون له سهل يا بابا عندك طرح و ضرب و قسمة و جمع هذا هو رياضيات الابتدائي و تفصلون له كل وحدة على حدة انا نفس هالطفل , ابي تخبروني المحاضرة الاولى هل فيها معادلة أو منحنى خاص ؟ المحاضرة الثانية كذلك , و الثالثة و الرابعة و الخامسة .... ألخ و تخبروني كيف طريقة حل كل معادلة و كل منحنى والله كذا بتسهلون علي و على غيري الكثييير و أجزم مو بس أنا الضايعة بهذه المادة اكييد فيه غيري كثييير فضلاً وليس أمراً تقولون لي كم معادلة تحتوي مادة الاقتصاد الكلي و تشرحونه لي بمثال حتى أعرفه و نفس الشي المنحنى كم عددهم و كيف احلهم بالأختبار و أكوون لكم من الشاكررييين آسفه طوولت عليكم بـ الحكي , بس والله لعبت بحسبتي هالمادة :18::12: |
رد: مشكلتي العويصة مع الاقتصاد الكلي :(
وعليكم السلام والرحمه اختي شوفي موضوع مثبت للاخت هنادي خالد فيه كل شي مهم والشرح بشكل مبسط وينفهم :16: |
رد: مشكلتي العويصة مع الاقتصاد الكلي :(
|
رد: مشكلتي العويصة مع الاقتصاد الكلي :(
حبيبتي هدي بالك وحبة حبة على نفسك
بالفعل هذا بلغرسة شرحه مممتاز وسبق أن أخ طموح أرفق محاضراته في قروب تقنية المعلومات لساتك ع البر فضي نفسك يومين بتركيز وهدوء حاولي تبعدي التوتر عنك واعطي نفسك بريكات الإقتصاد فيه حفظ بالإضافة الى الفهم المحاضرة السابعة مراجعة الى الستة الأولى المحاضرات الأخيرة في معظمها نظرية وحفظ وتقل فيها القوانين اذا لم يكفيكي يومان زيدي يوم أو اثنين الأخلاق حفظ وتقدرين تذاكريها بنفس اليوم اذا الوقت سعفني راح أدخل معاكم برمراجعة مع البنات ونلخص فيها المحاضرات ونذكر أهم النقاط لكل محاضرة أون لاين قبل الإختبار ، الآن صعبة لأني أقدمت على مادة من سنة خامسة وشايلة همها أعذريني على التقصير أختي وفقك الباري |
رد: مشكلتي العويصة مع الاقتصاد الكلي :(
اقتباس:
طيب اووك بحاول اشوف المحاضرات بس خبريني وش اتابع بالضبط ؟ أذكري لي المحاضرات اللي تحتاج اشوفه و ان شاء الله بكره هالوقت اكوون خلصت نص المادة و اجي اراجع معكم |
رد: مشكلتي العويصة مع الاقتصاد الكلي :(
طيب ترووفه مثل ماقالت لك الوردة تابعي القرووب وان شاء الله تفهمين كل شئ ولاتحبطين نفسك حتى لو الوقت ضيق راح تفهمينه ان شاء الله لان هي اشياء معينه اذا فهمتيها وعرفتي العلاقات بينها راح تفهمين المادة كلها بإذن الله بعطيك اساس المادة كلها الدخل الاجمالي ( المحلي , القومي ) وكل شئ ممكن يزيد او ينقص الدخل الاستثمار , الانفاق , الاستهلاك , ( وعلاقتها ) بالدخل وتفرعاتهم القطاعات : القطاع العائلي القطاع الحكومي القطاع الاعمال الصادرات والوارادات وتأثير كل قطاع على الاقتصاد وتوازن الاقتصاد وبعدها السياسات ( النقدية , المالية ) اهم شئ تعرفين ( المفهوم , الاهداف , الادوات ) والبنووك جداً سلسله وسهلة بإذن الله وبعدها ندخل بالحاجات الدولية من ( صناعات , تجارة , أسواق .... الخ ) والبطالة بالنص سهله وحلووه وقوانينها تحفظ بسرعه بمجرد الفهم وان شاء الله لو اطلعتي على القرووب ونقاش الطلاب بتفهمين كل شئ اذكري الله ورووقي وجيبي لك كوب كووفي وابدأ تركيز بالماادة وكل شئ سهالات بإذن الله واذا فهمتيها اضمن لك ماراح تحتاجين تعب وطاقه وجهد بالحفظ ..... |
رد: مشكلتي العويصة مع الاقتصاد الكلي :(
الست محاضرات الأولى مرتبطين ببعض لأن القوانين اللي فيها راح يكررها بالمحاضرات
حاولي تكتبين القوانين وانتي تتابعين معاه في ورقة جانبية وغيري الألوان راح تلاحظين أنو راح يذكرك فيها شرحه ممتع جدا هالدكتور ربي يوفقك راح تستمتعين اذا هدأتين :43: |
رد: مشكلتي العويصة مع الاقتصاد الكلي :(
F-fatimah & أمنية أحمد
ربي يسسهل عليكم و ييسر لكم أمركم قسسم بالله شرحتوا صدري بردودكم ربي يشرح صدوركم أوك هذآي بروح اشوف القروب و اتابع كل شي و ان شاء الله أفهم :14: لكن حبيبآتي :16::16: |
رد: مشكلتي العويصة مع الاقتصاد الكلي :(
والله سهل جدا لا تشيلي هم
واما بالنسبه للوقت الله يعيننا جميعا مرره مافيه وقت وخصوصا رباات البيوت عيال وبيت ومذاكره الله ييسر لنا ولك ..:16: |
رد: مشكلتي العويصة مع الاقتصاد الكلي :(
ترووفه ياقلبي هدي بالك وروقي .. الاقتصاد مو مره صعب هو يعتمد ع الفهم ثم الحفظ .. واليوم انا بديت فيه والحمد الله ماحسيت بصعوبه بالعكس تابعت المحاضرات وبعد كل محاضره اراجعها .. وما أزيد ع كلام فطوومه بشيء ماشاء الله كفت وفت .. وموفقين يارب |
| All times are GMT +3. الوقت الآن حسب توقيت السعودية: 12:20 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه