|
نداء للطلاب الي خلصو مستوى ثالث علم إجتماع
اخواني واخواتي الي خلصوا مستوى ثالث تخصص علم اجتماع
انا ودي تعطوني رايكم في المواد الي بسجلها للفصل الثالث اذا بيمديني اذاكرها علما وقتي ضيق شوي باعتبار ارتباطاتي ومشاغلي بس عطوني رايكم اخلاق اسلامية وآداب المهنة هذي مافيها كلام بسجلها بعد عندي تقنية معلومات هذي بسجلها مافيها كلام مواد التخصص باخذ تاريخ الفكر الاجتماعي علم الاجتماع الطبي علم الاسرة والطفولة خدمة الفرد والجماعة الحين محتارة في علم اجتماع السكان واسس الخخدمة الاجتماعية عطوني رايكم بين هذي المادتين |
رد: نداء للطلاب الي خلصو مستوى ثالث علم إجتماع
والله شوفي انا اطلعت كثير على هالمادتين
اسس الخدمة وعلم اجتماع السكان اغلب الطلاب اذا مو كلهم يحذرون منه فما انصحك تاخذينهم هالمستوى خلينا نعدل المعدل على الاقل دخلي لك مادتين بدالهم سهله انا بادخل الصحة واللياقه ومادة برامج الحاسب المكتبية ولكن انتي شوفي وش عندك ماخذيتيه بالمستوى الاول والثاني ويكون سهل حطيهم بدال هالمادتين والمعذره ماني مستوى رابع بس تقدرين تقولين مجرد رأي |
رد: نداء للطلاب الي خلصو مستوى ثالث علم إجتماع
مادة برامج الحاسب المكتبية في جدول مستوي رابع
|
رد: نداء للطلاب الي خلصو مستوى ثالث علم إجتماع
طيب ليه همه حاطينها عندي بالمستوى الثاني !!
والله مستغربها ماشفتها يوم جيت اسجل المواد |
رد: نداء للطلاب الي خلصو مستوى ثالث علم إجتماع
المشكلة أن أسس الخدمة وعلم إجتماع السكان نفس الدكتور محمود هلال وأسئلته صعبة يجيبها من بين السطور والمادتين فيها التعداد كثير بس إذا تبين الافضل أنا أشوف علم إجتماع السكان لأن أسس الخدمة أصعب ودسمة وبالتوووفيق |
رد: نداء للطلاب الي خلصو مستوى ثالث علم إجتماع
توكلي على الله وسجليهم والمذاكره اول باول او مع كل وقت فراغ لك بس لاتتركيهم بالمره
|
رد: نداء للطلاب الي خلصو مستوى ثالث علم إجتماع
اقتباس:
اما الصحة واللياقه فاتتنا اخوي فيصل الترررم اللى رااااح يمدحون الدكتور عبدالحكيم مطر عساه يجنا فيهاااااااااا اما مادة الحاسب المكتبيه اشوفهاااا مستوى رابع اذا هي تبعنا مستوى ثالث ردي على اخوي يمكن اسجلهااااااااا |
رد: نداء للطلاب الي خلصو مستوى ثالث علم إجتماع
انا اقول هي مواد تخصص
يعني ورانا ورانا عشان كذا لازم احاول اتخلص منهم الصحة واللياقه متعارضه مع احدى مواد التخصص عشان كذا ما اقدر اخذها وحبيت اعرف ايهم اخف لاني سمعت الكثيير ما يمدحون اسئلة الدكتور عموما شكرا لكل الي جاوبوا واتمنى تجاوب اكبر من الباقيين |
رد: نداء للطلاب الي خلصو مستوى ثالث علم إجتماع
انا أخذت مواد التخصص كلها اللي نازله بالجدول كما هي سهله جدا والدكاتره شرحهم رائع ولا أسهل من كذا والحمدلله رب العالمين حتى إني كنت خايفه من خدمة الفرد والجماعه لكن الدكتور مصطفى ماقصر سهلها حتى انه قال لنا، الماده تعتمد على الفهم فقط اكتفوا بالقراءه اللي تعتمد على الفهم
لكن على كل صارت الدراسه تاخذ وقت بسبب الأنظمه الجديده من واجبات ومشاركات في منتديات الحوار والإنتظام في سماع المحاضرات المباشره والمسجله كل هذا يتطلب من الطالبه مجهود ووقت وتفرغ . عشان كذا لازم الواحد منا يرتب اموره بحسب مايسمح وقته وظروفه الشخصيه. |
| All times are GMT +3. الوقت الآن حسب توقيت السعودية: 10:52 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه