|
قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
السلام عليكم ورحمة الله وبركاته
بنات السنه التحظيريه في الصيدله نبغى نسوي قروب اللي تبي تسجل بالقروب تنظم لنا وتسجل انها مع القروووب وتذكر لنا هي من وين بالظبط وفي هذا الموضوع بيكون إجتماعنا وتساؤلاتنا وكل شي أوكي؟؟:g8: وإن شاء الله اذا شاء ربي نتقابل في الجامعه ونعرف بعض اكثر :cheese: وأنا اول وحده تنظم للقروب 1/أخصائية قلب... من الدمام :119: يللا بناااااااااااااات تعالو وكل وحده تقترح إسم للقروب تح ـــــــــــياتي |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
كولولولوللولولووووووووووووووويش :mh001::mh001::mh001::mh001::mh001:
وأخيرا صار لنا قروب نتشارك فيه استفساراتنا ومعلوماتنا ونفيد ونستفيد منه .. اول شي يعطيك العافيه حبيبتي ع الفكره :love080: وانا ثاني من ينضم للقروب : طالبة علم >> الأحســــآإآء .. كل استفساراتكم يابنات جمعوها هنا عشان نتشارك مع بعض بدال ماكل سؤال يكون بموضوع .. الحين خلصنا من مشكلة الجدول .. حذفت المواد اللي سويتها واعتمدت على كلام الاغلب .. باقي مشكلة المبني وين نجتمع يابنات ..!! لاتقولون 22 لان ماعرف عنه شي وحتى اللي شرحوه لنا مافهمنا منهم الوصف :000: |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
هلا والله هلاااااا وغلا
الله يبارك فيييييك والعفو حبوبتي الحين نروح المبنى اللي على يسار البوابه أوكي ؟؟اللي هو يصير قدام مبنى الصيدله الأكلينيكيه وأول ما ندخل المبنى بيكون فيه خزانات عرفتوها ؟؟ خلونا نتجمع هناك بس كسف نعرف بعض ؟؟؟؟؟؟؟؟؟:mh19: طبعاً نجي من الساعه ثمانيه وكلنا نكون موجودين لأن الدكتوره اللي كلمت العميد قالت له خلها تكون متواجده من الساعه ثمانيه الحين عرفنا المبنى اللي نتقابل عنده والمكان اوكي؟؟ طيب كيف نعرف بعض؟؟ يعني اروح لكل وحده واقول لها انتي صيدله وانتي معاي في القروب !!!!!!:o3: ما يصلح انا عادي عندي اعطيكم رقم جوالي ونتواصل حلو؟؟ |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
اهليين
أنا بعد معااكم خربشاات من الظهران بس أنا ما عرفت وين المكان اللي بتتجمعون فيهـ أفكر أقول حق السواق يوديني مبنى 22 و هو يتصرف واذا ما عرف تصير مشكلتهـ مو مشكلتي :hahahahahah: |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
أخصائيه ..
الخزانات اتوقع بتكون زحمه عندها مره طيب شرايكم نروح للإداره اللي هو خدمة المجتمع سابقا .. مكانه شفتي لما تدخلين البوابه وتشوفين الخزانات اطلعي من الباب اللي على اليسار وامشي كله يساااااار بعدين سيدا وبتشوفين مبنى صغير هذا هي الاداره وهذا اللي كنت اتفاهم معهم دايم .. ها شرايكم نروح لهم والا وين نروح :000: بالنسبه لوسيلة التعارف والله مدري علمي علمك هههههه .. فكرة الجوال حلووة لكن كيف...!! خربشات حياك الله حبيبتي طيب انا عندي سؤال من اللي قال لازم نروح مبنى 22 ؟؟؟ أنا ماسمعت من أحد معين بس بنات المنتدى يقولون كذا انتي سمعتي من مين ..!!!!!! |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
طالبهـ علم
أنا لما رحت الجامعهـ يوم الاثنين لقيت ورقهـ معلقهـ عند الاعلانات مكتوب عليها انو طالبات السنهـ التحضيريهـ وبين قوسين " الحاسب و الصيدلهـ " يروحون يوم السبت 21-10-1430هـ يروحون مبنى 22 عشان ياخذون الجداول و موعد اختبار الانقلش كأنو كذا مكتوب بالمعنى حق الكلام ولين الحين ما عرفت المكاان اللي تقولون عنهـ :hahahahahah: حسيتني غبيهـ :hahahahahah: خلاص خلينا كلنا نلبس نفس اللون او علامهـ شئ عشان نعرف بعض :cheese: مدري ليش ابي يوم السبت يجي :000: احس ابغا ارتاح واعرف ايش موقعي من الاعراب أحد يحس زيي ؟؟ |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
خلاص دام بالورقه مكتوب 22 نروح لـ 22
بس شلوووووون ندله ..!!! شكله من وصف البنات بعيد خربشات وربي نفس حااااااالتي تعبت من كثر الهواجيس ابي يجي السبت وارتااح عشان نعرف وش لنا وايش علينا طيب بنات بسألكم الحين انتو اللي بالدمام واللي بالظهران وش بتسوون وين بتسكنون والا بتروحون وتجون بنفس اليوم << اعذروها ع اللقافه بس خلاص صرنا بنفس القروب يعني حلال نتلقف الحين :hahahahahah::hahahahahah::hahahahahah: لا والله بس يعني جالسه احاتيكم انا اللي بنفس الديره احاتي نفسي من 7 ونص الى ثلاث هلاااك شلون انتو لو بتروحون وترجعون بنفس اليوم يعني .. الله يكون بالعون .. ومازلنا في حاله من التيهان أين سنلقتي << نروح ونرجع على نفس الموال :hahahahahah: |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
عندي اهل في الحسا فـ ساكنهـ عندهم بنشب لهم 6 سنين مدري 7 بيقتلوني في النهايهـ :hahahahahah::hahahahahah::hahahahahah:
الا دراستنا 6 سنين ولا 7 ؟؟ وبابا حجز لي باص يوديني و يجيبني و في الويكـ اند اروح عندهم بالقطار و الاسبوع هذا حماس من يوم الاثنين انا عندهم :cheese: اخاف تقتليني بس انا ما اشوف من 7 لين 3 هلاكـ :hahahahahah: وخلاص نلبس شئ كذا يعني نعرف بعض من اللبس |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
الله يعينك والله اصعب شي غربة الدراسه بالنسبه لي .. بس يمكن عندك أونس .. :cheese:
والله مدري انا من قبل سألت بنات الملتقى بخصوص عدد السنوات قالوا لي كانت ست سنوات بس لما اجتمع فيهم العميد قال لهم من السنه الجايه بتصير سبع << يعني على سنتنا مو غريبه طبعا طول عمر دفعتنا مقرووده :hahahahahah: بعد متحمسه وجايه لهم من الاثنين هههههههههههههههههههههههههههههههههه والله ضحكتيني الله يعينك ويوفقك يارب .. اوما ماتشوفين من سبع الى ثلاث هلاك :o3: اختي تطبق بالمستشفى ودوامها من ثمان الى اربع يعني نفس عدد ساعات دوامها ..!! مستوعبه انتي وهي تطبيـــــــــــق وحنا درااااااااسه ومع ذلك نفس عدد الساعات والله هلاكين مو بس هلاك .. انا اول مستانسه اني بروح الجامعه وأقهر اختي اللي اصغر مني واقول لها ساعاتنا فليله وعندنا اوف ووناسه مو مثلكم وبالنهايه طلع انا اروح قبلها الجامعه وارجع بعدها :hahahahahah::hahahahahah: يعني بالنهايه هي اللي قامت تقهرني وتضحك علي .. شلون نعرف بعض سؤال محير .. بس حتى لو لبسنا لبس موحد مو شرط نعرف بعض يمكن أحد يقلدنا ونتوه :hahahahahah: انا كلمت صديقه لي بالطب وقالت ان حتى هم يروحون مبنى 22 اللي اسمه الكفاح وتقول راح يكون هالمبنى مبنى السنه التحضيريه .. وقالت لي لما تدخلين الجامعه ماتروحين لا يمين ولا يسار كللللللله سييييييدا الى ماتوصلين آخر مبنى ع اليسار هذا هو .. ولو ضيعناه نسأل السكيوورتي الواقف عند البوابه .. شرايكم ..!! :mh19: |
رد: قروووب بنات الصيدله الأكلينيكيه <<سنه تحظيريه <<كلكم حظروو هنا ^_^
السلام عليكم بنااااااااااااااااااااااااااااات........
وآآآآآآآع تهئ تهئ........TTATT... ما أدري شسوي أنا بدووونكم.......... أنا بنضم لقرروبكم بس تكفون لا تطنشوني زي ماسووا الجامعة فيينيي....:g2:... <<جاتها عقدة البنت...= =" خربشآآآآآت...ترا أنا مثلك وأخس بعد....... دبيشة ما أعرف شي...... ارتعت لما سمعت عن الجداول.... وأحين سالفة المبنى 22 وين هذا......؟؟..... أنا مابعرفش حآآآآآآآآقة........ احم احم...... مشكوووووووورة والله......أخصائية قلب.... والله طرت من الفرح يوم شفت الموضوع.......قلبي قام يقول درقم درقم....:mh001: كنت خايفة...مافي طاري للصيدلة كللللللش.... بس أحين الحمدلله أحسن......^.^ أنا خاااايفة موووووت من يوم السبت..... وبطني راايح فيها من كثر المحاتى.....وراسي سينفقع....:000: بفكر بطريقة للقاء...بعد ما أعرف موقع ذا المبنى...اللي صجوا روسنا به...>.<".... |
| All times are GMT +3. الوقت الآن حسب توقيت السعودية: 08:43 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه