|
مشكلة التسديد التي يعاني منها الكثير ؟؟ ورد الاستاذ يوسف جوهر
مساء الخيرااات الكثير من الطلاب يعاني من قفل الانظمه بسبب عدم السداد والاختبارات على الابواب في 19 / 6 يعني الوقت ضيق والتسديد موقف من قبل الجامعه اليوووم العصر كلمة الاستاذ يوسف الجوهـر وشرحت له المشكله التي يعاني منها الطلاب والطالبات وكان متجاوب معي بشكل رائع رغم كلامي المكرر عليه حتى اطلع بنتيجه منه في البدايه قال لي المشكله منكم انتم ليه ماتسددون بدري وحنا عطناكم فرصه أكثر من مره قلت له ان بعضهم عنده ظروف ماديه وياالله جمع مبلغ رسوم الجامعه والاختبارات مابقى عليها شي وتبداء قال انت وين ساكن ؟؟ قلت في حفرالباطن قال مضبوط روح لبنك البلاد وودع مبلغ الرسوم في حساب الجامعه وبعدها يعطيك وصل خذ الوصل ورح لــ البريد الممتاز وارسله على الجامعه قلت له طيب حساب الجامعه نفس الحساب القديم يوم نسجل في الجامعه قال لا تحصل رقم الحساب (( الاي بان )) في موقع الجامعه التعليم عن بعد >> السدد لطلبة دول الخليج >> بعدها تجد رقم الحساب (( بنك البلاد )) رح سدد ويعطونك وصل السداد بعدها سالته عن عنوان البريد حق الجامعه >> عشان ماأضيع قال لما تروح للبريد الممتاز عطهم وصل السداد وقل لهم جامعة الملك فيصل التعليم عن بعد وهم يعرفون الباقي قلت طيب يفتح النظام لما ارسل لكم وصل السداد في البريد قال انشاء الله يومين او ثلاثه لما يوصل الوصل بريد الجامعه راح نفتح الانظمه قلت طيب الوقت ضيق وفيه طلاب مايعرفون الطريقه هاذي ونبي الطريقة المعروفه نسدد عن طريق الصرافه ويفتح النظام على طول وللعلم يادكتور يوسف فيه طلاب اتصلو على الجامعه وقالو لهم يومين او أكثر ويفتح لكم التسديد قال حنا متساعدين معكم كثير ومافيه جامعه تتساهل مع طلابه مثل جامعة الملك فيصل قلت هاذى الي شجعنا واخترنا جامعتكم قال شوف اذ انت مستعجل روح لبنك البلاد ونفس ماقلت لك واذ منت مستعجل اصبر كم يوم وانشاء الله الجامعه تفتح لكم التسديد قلت اكيد يااستاذ اخاف اصبر ومايصير شي قال انشاء الله راح نحاول نفتح لكم التسديد الي متاخرين عن السداد قلت يعني اصبر ؟؟ قال اذ منت مستعجل أصبر وانشاء الله مانقصر معكم ونساعدكم قلت ياأستاذ يوسف الكثير من الطلاب يعاني وأكيد اتصالات ورسائل من الطلاب كثيره عليك واعلم ان وقتك ضيق قال لا حنا في خدمة الطلاب وانشاء الله مانقصر معكم ونعلم ان الاختبارات على الابواب وراح يصير فيه خبر بخصوص التسديد عن قريب بس تبي تصبر اصبر كم يوم وانشاء الله نفتح لكم نظام التسديد قلت مشكور يادكتور هاذى كلام الدكتور يوسف الجووووهر |
رد: مشكلة التسديد التي يعاني منها الكثير ؟؟ ورد الاستاذ يوسف جوهر
يعني اللحين ننتظر لين يفتحون نظام التسديد في الصرافه ولا نروح لبنك البلاد
والله يعطيك العافيه |
رد: مشكلة التسديد التي يعاني منها الكثير ؟؟ ورد الاستاذ يوسف جوهر
انا رحت لبنك البلاد وسددت على حساب جامعة الملك فيصل التعليم عن بعد
ورحت بعدها للبريد الممتاز وارسلتها بـ 30 ريال ... وقال لي الموظف الصباح تكون عندهم بإذن الله ورحت للمكتبه وارسلت الوصل لهم بالفاكس وكتبت عليه بياناتي وبعدها سويت للوصل ( سكان ) وارسلته لهم ع البريد ... واذا ماشفت نتيجه خلال اليومين هذي راح اروح لهم للجامعه بنسخة السداد واشوف ايش السالفه انا قلت بروح للجامعه بس دوامي قفل علي المجال لكن ماعاد فيه وقت .. جيتهم بكل الطرق وراح اشوف كيف الوضع صاير :017: الله يجيب العواقب سليمه ولاتطير الدراهم:icon120: |
رد: مشكلة التسديد التي يعاني منها الكثير ؟؟ ورد الاستاذ يوسف جوهر
يقول اذ انت مستعجل روح لبنك البلاد
واذ خلاف ذلك أصبر كم يوم وانشاء الله نفتح لكم نظام التسديد |
رد: مشكلة التسديد التي يعاني منها الكثير ؟؟ ورد الاستاذ يوسف جوهر
الى الدكتوراه
كل هاذى سويته :biggrin: عن طريق الفاكس والبريد وسويت للوصل سكان باالبريد :hahahahahah: مالهم حجه لازم يفتحون لك النظام موفق انشاء الله |
رد: مشكلة التسديد التي يعاني منها الكثير ؟؟ ورد الاستاذ يوسف جوهر
بنصبر ونشوف:019:
|
رد: مشكلة التسديد التي يعاني منها الكثير ؟؟ ورد الاستاذ يوسف جوهر
الله يسسهل على الجميع
|
رد: مشكلة التسديد التي يعاني منها الكثير ؟؟ ورد الاستاذ يوسف جوهر
الله يبشرك بالجنه قل امين
بصبر و الله يفرجها عن عبادة |
| All times are GMT +3. الوقت الآن حسب توقيت السعودية: 05:18 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه