|
المنتقلين من مستوى سابع انقليزي إلى ثامن بمشيئة الله هنا تجمعنا
.
السلام عليكم ورحمة الله وبركاته مبروك وألف مبروك للناجحين والفال للبقية اللي ماحالفهم الحظ وإن شاء الله تكون هالعثرة بداية لخطوات النجاح لهم .. طبعا عارفين قفلوا القسم وفتحت هالموضوع ليكون مكان نلتقي فيه نتدارس مايستجد على ساحتنا الدراسية ولاحظت ما شاء الله العالم حاطين مسميات لدفعتهم الماسية ودفعة ابن خلدون ودفعة التحدي ودفعة الحزم والقائمة تطول إلا احنا :biggrin: وش رأيكم نحط لـ دفعتنا اسم نتجمع تحت مسماه :g2: أتمنى يطمنونا بقية الإخوة والأخوات ع نتائجهم ونتشاور فيما يخصنا ولو ودكم تشجعونا نبدأ نخطط للمشروع مع بعض وندرس موضوعه وطريقته حلو جدا وراح نستفيد :106::106::106: . |
رد: المنتقلين من مستوى سابع انقليزي إلى ثامن بمشيئة الله هنا تجمعنا
كلام جميل سجل واحد نفر
|
رد: المنتقلين من مستوى سابع انقليزي إلى ثامن بمشيئة الله هنا تجمعنا
وعليكم السلام ورحمة الله وبركاته
يعطيكي العافيه زورق .. كنت أفكر أنه يا ليت نفتح لنا موضوع نتناقش فيه خاصة المنتقلين الى المستوى الثامن الف مبروك للناجحين :rose: |
رد: المنتقلين من مستوى سابع انقليزي إلى ثامن بمشيئة الله هنا تجمعنا
هلا فيكم اخوي خالد واختي new dawn
وش رايكم تقترحون اسم لدفعتنا وانا بفكر باسم واطرحه في رد لاحق الشي الثاني عندنا المشروع راح نجمع كل مايفيد من تجارب سابقة وبحاول افضى بشكل أكبر بس انتظر دوامي يخلص ونتعاون ماودي ننضغط بعدين .. بانتظار البقية |
رد: المنتقلين من مستوى سابع انقليزي إلى ثامن بمشيئة الله هنا تجمعنا
1 مرفق
بالنسبه لاسم الدفعه الامر يرجع لكم أما بالنسبه لمشروع التخرج فأنا الحمدلله أخذته هذا السمستر
وكانت درجتي من فضل الله 96 راح اكتب كل اللي أعرفه عن مشرع التخرجفي المرفقات التعليمات للمشروع لكن راح تختلف المواعيد بالنسبه للترم الجاي |
رد: المنتقلين من مستوى سابع انقليزي إلى ثامن بمشيئة الله هنا تجمعنا
يعطيك العافيه زورق دايم سباقه ماشاء الله بالنسبه لي انا بنتقل لمستوى ثامن ان شاء الله بس ماضنتي اخذ المشروع الترم ذا لان باقي لي مواد من المستويات السابقه ومن ضمن المواد الي ما اخذتها باقي طرق البحث اتوقع لازم اخذها قبل البحث
اختي تقول ان ماده النقد اذا فهمناها نقدر نسوي المشروع وتكون درجاتنا حلوه عاد النقد ذا مادري اي مستوى هل هو سابع ولا ثامن والاسم لاحضت كل دفعه على الي بارز في مادتهم واحنا ابرز شي عندنا شكسبير |
رد: المنتقلين من مستوى سابع انقليزي إلى ثامن بمشيئة الله هنا تجمعنا
|
رد: المنتقلين من مستوى سابع انقليزي إلى ثامن بمشيئة الله هنا تجمعنا
وعليكم السلام ورحمة الله وبركاته
الله يبارك فيك والحمد لله نجحت كنت خايفه من الترجمة الابداعيه لكن عديتها وكويس حصلنا مكان نتجمع فيه وبالنسبه لاسم دفعتنا وش رأيكم في All of above ذبحونا فيها بالأسئلة :) نيو داون الله يجزاك خير وما شاء الله درجتك حلوه وان شاء الله تفيدينا بالمشروع ام فهد قصدك مادة تصاميم الأبحاث ؟ النقد أخذناها بسابع يتكلم عن مدارس الأدب ماله علاقه بالبحث لكن يمكن قصدتي تصميم الأبحاث هي اللي عن كتابة البحوث |
رد: المنتقلين من مستوى سابع انقليزي إلى ثامن بمشيئة الله هنا تجمعنا
تابعت بعض الأعضاء عشان أسوي تنبيه يعرفون مكان تجمعنا
ياليت تسوون لهم تنبيه لان الأقسام راح تطول مقفوله |
رد: المنتقلين من مستوى سابع انقليزي إلى ثامن بمشيئة الله هنا تجمعنا
انا ودي استفسر هل كل الجمل و العبارات من صياغتي أو اقدر استعين بقوقل و مواقع اخرى
|
| All times are GMT +3. الوقت الآن حسب توقيت السعودية: 03:07 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه