|
شبابنا vمهند
سلام كل عام وانتو بخير
كيف حالكم وشلون الاجازة رغم اني ماحب خرابيط المسلسلات التركية بس جاني هدا الايميل وحبيت اشاركم فية الفرق بين مهند وشبابنا في الحقيقه والواقع المقارنه ثقيله على جبد الشباب لكن هذا شي ( لابد ) ان يكون .. عشان شبابنا المحترمين دايما كانو يقارنون بنات الخليج بـ هيفا ونانسي و رولا .. لكن جا الوقت اللي لازم يشوفون الحقيقه بعيونهم الاربع مهنــد يرجع من الدوام في الشركة .. يروح لـ نور يبوس راسها وبحنان يحضنها _الله يا حلاتهم عصافير الجنة يقولها وحشتيني ما بـقدر اتحمل بُعدك عني بكفــي 8 ساعات بالشركة ما بشوووفـك شباب الخليج يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ ثيابه ويحذفهم على السرير او على الشماعة .. ويزيد على برودة المكيف ويقول لزوجته : بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانـــــــــــــــــــــــــــــــــــــــــــــــ ــــــــــــــــــــــــــــــ ـــــــــــــــــام مهند نور حامل .. يا الله على الدلع ! خايف عليها من نسمة الهوا .. ويقولهـــــــــــــــــــــــــــــا كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــوب شباب الخليج مرت الخليجي حامل ! ومسكينه الحرمه متنسيه بـ تفاح اخضر .. عاد يقولها : اووووووووف شوفي لا اتنسين فوق راسي بلعي تفاح احمر وانتي ساكته مو لازم اخضر ! اهو كله تفاح لا اتفلسفين علي مهند مهند طالع مع نور السوق .. يشترون لهم هدوم .. ودار الحوار التالي : نور : حبيبي .. شو رايك بالفستان الاحمر .. حلو مو ؟! مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان نور مستحيه: بحبـــــــــــك .. دخيلك منين جايب كل هالغزل هااد مهند : دخيلك انتي ! تؤبرنـــي ابتسامتييك شو حلوه شباب الخليج الخليجي طالع مع زوجته السوق ما دار بينهم حوار ليش ؟! لان اهو يمشي قدام وهي وراه تركض وكل اللي قاله بسرعه خلصي .. ابي ألحق على ميلس الربع مهند قام من النوم نص الليل .. ما شاف زوجته احذاه .. وخاف عليها .. راح يدورها.. ويوم لقاها رايحه تشرب ماي بالمطبخ .. قال لها لِـــك ! شغلتي بالي عليكــي ... وين كنتي ؟! بتشربي ميّ ؟! بالهنا حبيبتي مطرح ما يسري يمري شباب الخليج قام من النوم نص الليل .. ما شاف زوجته يمه .. فتح الليتات قام يصارخ : فطووووووووووووم ويهـــــــد .. فطووووم وعلللله .. وينج انتي ؟؟!! خليتي باب الدار مفتوح وهوا المكيف كله طلع برا وصار حر ما تحسين .. دمج بارد ..الله ياخذ اليوم اللي فكرت اخذج من اهلج فيه مهند قاعد يقرا كتاب .. وفجاه ياته نور .. لابسه فستان يديد .. وصار هالحوار .. نور : حبيبي شو رايك بالفستان الجديد مهند : بيجنن عليكي اخذ من جمالك قطعـــه شباب الخليج قاعد يطالع مباراه ريال مدريد وبرشلونه ..! و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار : الخليجي : قوووووووووووومي قامت ركبّج وما اقعدت ما تشوفيني اطالع المباراه الزوجه : حبيبي شفيك .. كنت ابيك تشوف فستاني اليديد .. شرايك؟! الخليجي : وجذي تخربين علي المباراه ... ما شفت حركة رونالدينهو الحين طافتني كله منج! الزوجه : انزين عاااد .. شرايك بالفستان ؟! الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة بصل وايد احلى .. |
رد: شبابنا vمهند
ثااااااااااااااااااااانكس عطر البحر عالموضوع :119:
من جد ودي يتعلمون رجال الخليج شلوووون يعاملون حريمهم بصرااااااااااااااااااحه وبدون زعل احسهم انانيين:017: يبون المراءه تهتم بكل شي وتخدمهم كأنو ماخذها خداااامه مو شريكة حياته:no2: واتمنى انو يتعلمواااااااااااااااااااااااااااااااااااااااااااا اااا اسلوووووووووب التعااااااااااامل مع حريمهم:s12: وشكرررررررررررررااا <<تحياااااتي <<العشق:g20: |
رد: شبابنا vمهند
هههههههههههههههههههههه
مووو كلهمـ كذا والله أعرف ناااااااااااااااس يقربون لـــــــــي أحسن من مهند وطواااااااايفهـ فديتهم أنا :) تشكري ع الموضوع :) |
رد: شبابنا vمهند
ههههههههههههههههههههههههههه
صراحة مقارنه ما لها داعي لعدة اسباب 1- شخصيه و هميه يعني تقدر تخليه يتحكم في مشاعره و كلامه الموزون الي يجي على طول 2- الموقف ليس واحد ابد يعني كل موقف الي موجودين يختلف عن الموجود بالمسلسل مثلا موقف السوق سئلته عن فستان و قالها كلام حلو بس حريمنا الله لا يوريك تسئلك عن خمسين الى مئه وخمسين قطعه بالسوق انا شخصيا طلعت مع الاهل و الله سئلوني عن اشياء ما اعرف شنو تستخدم له بالله عليكم كيف اعطي في الشغله راي و انا ما اعرف شنو هذا مثال ثاني جات لابسه ثوب جديد و سئلت عن رايه بينما الخليجي المسكين حاطين موقف مختلف تماما الرجال مندمج وسط الحماس تسأل عن الثوب هذا غلط الحرمه قبل لا يكون غلط الرجل لانها ما اختارت الوقت المناسب كلها 45 دقيقه هذا اذا كان الشوط توه بادىء الان و يخلص ليش العجله و الرد ما راح يكون مثل الي كاتبينه لانه مبالغ جدااااااا ممكن ما يعطي اهتمام او يقول حلو ويرجع يطالع المباراة و الحريم ينقهرون حيل من هالحركه لازم تمدح ذوقها ربع ساعه :cheese: و كل القصص الي مذكورة نفس الاخطاء يعني الموقف مختلف نهائيا المقارنه ساقطه لان لايمكن ان نقارن مسلسل بواقع و شيء ثاني ليش مركزين على الامور الجيده انا شفت بعض الحلقات من المسلسل و ماشفت مهند يعامل زوجته زين كل الحلقات الي شفتها منحاش مع وحده او مهمل بيته او سكران و يصارخ عليها بعدها يجي يقول اسف و يعطيها وره و كم كلمه حلوه هذا مثل الي يعطي بيد كف و بيد ثانيه ورده ما اعتقد ان هكذا تريد المرأه الخليجيه ان تعامل ؟؟؟؟؟ :s12: اذا كان كذا علمونا يابنات علشان الحق اتعلم اصول النذاله و الكلام المعسول كأني طولت :cheese: بس خلصت تحياتي حسن |
رد: شبابنا vمهند
سلام
الموضوع طرح كنكتة وليست مقارنة جادة شكرا على المرور |
رد: شبابنا vمهند
هههههههههههههههههههههههههههههههههههه عجبتني وعجبتيني انش حطيتي الموضوع:lllolll: لانه في كلام يمس الواقع محد يقدر ينكر:cheese: مشكورة غناتو لاعدمناكِ |
رد: شبابنا vمهند
هههههههههههههههههههههههه
و الله صدق وآآآآآقع الله يخلف علينا يسلموو |
رد: شبابنا vمهند
ههههههههههههههههههههههه
حلوة |
رد: شبابنا vمهند
شكرا على المرور:lllolll:
|
| All times are GMT +3. الوقت الآن حسب توقيت السعودية: 08:15 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه