|
واذا يعني تضايقنا..؟
واذا يعني تضايقنا..؟ بنغير شي.؟ وإذا مات الزهر في اجمل حدايقنا بنغير شي.؟؟ واذا بهدومنا ضقنا.! بنغير شي..؟ كثير نمر في بعض الأحيان بضيقة بال.. زعل صاحب وحاجة مال شتيمة شخص مايعرفك..؟ وعتب قارئ..! ونزعل حيييل ونتضايق..؟ (واذا يعني تضايقنا..!) واذا يعني تضايقنا..؟ هي الضيقة بتكون الحل..! اذا كانت شموس الوقت تحرقنا هي الضيقة بتكون الظل..!! إذا غابو جميع الناس وتفارقنا هي الضيقة بتكون الخِل.!! (وإذا يعني تضايقنا..!؟) واذا يعني تضايقنا..! وكثير من التعب ذقنا وسهرنا الليل بيجي صبح ويفرقنا ونبكي سيل لين الدمع يغرقنا ولابه شخص في الدنيا بليا..هـم أحد ضايق..! سبب فاتورة النقال احد ضايق..! عشر سنين متزوج وربك مارزقه عيال احد ضايق..! لأنه البيت به صج وزحام اطفال احد ضايق..! من السكر..! واحد ضايق.! لأنه مامعاه ريال هموم أكثر من اللازم تخنقنا سؤال الحال..!!!!!!!! (وإذا يعني تضايقنا.؟) وإذا يعني تضايقنا..! من اللاشي إلى اللاشي على اللاشي تخانقنا وندخل في نوايا الناس أظن فلان يقصدني..! أظن السيدة فلانة تسب الآنسة فلانة عشان العانسة فلانة (أظن ألناس هني بالحيل تكرهني..!) ترانا ناس فينا كذب. وغبي منهو يصدقنا.. 0وإذا يعني تفارقنا..!) . وإذا يعني تضايقنا..! إذا راحوا وخلونا نسوا كل الكلام العذب بكونا وعرفنا بـ.يوم بأن كل الحكايه كذب ملونا وإذا خيم علينا الليل ما أشرقنا وإذا ضقنا وصار الحرف حبال في مشانقنا بعد هذا.؟ (وإذا يعني تضايقنا..!) . وإذا يعني تضايقنا..! إذا هذا الزمن لبسك ثياب في يوم مو قدك بتحط أيدك على خدك وتبكي حيل إذا هذا البحر ضيق ولا يقدر يمدك بتحط إيدك على خدك وتبكي حيل إذا خدك طبع حزنه على يدك وعرفنا كل شي (وإذا يعني تضايقنا...!) إذا يعني تضايقنا..! وظفينا دروب النور وعتمنا المدن والدور ويتمنا شجر وزهور وكتمنا رقيق شعور وشتمنا علو السور عشان اشياء في الأتفه من الأتفه من الأشياء..! رجل خاين "ماهي دوم الرجال تخون..!" خيانة بنت "ماهي كل البنات تخون..!" (وإذا يعني تضايقنا..؟) وإذا يعني تضايقنا..! ومشوا عنا كثير اصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمره وحنا الشيح بعض فرقا كثير أكرم من التجريح بعض فرقا تجي جية دعا تسبيح وكثير أصحاب فارقنا ونسيناهم كأن كانت علاقتنا علاقت وقت..! مصالح وأنتهت .. يمكن قرابو دم أو جيران يمكن تشابه هم يمكن واللي يهم ماضقنا . (وإذا يعني تضايقنا..!) وإذا يعني تضايقنا..! وطيرنا فراش النوم ومسحنا كل الوانه وإذا سيطر على جوك حزن ووجوم وبديت تفسر الأشياء على كيفك كثير اشياء غلط حولك وجوع الناس تعبانه قلق مدري طفش مدري تعب مدري قرف مدري ترف مدري من الناس زهقانه كثير أشياء تزهقنا (وإذا يعني تضايقنا..!) مدري من القائل لكن رآآآقت لي.... |
رد: واذا يعني تضايقنا..؟
وإذا يعني تضايقنا..! راح يتغير شيء من كل شيء .. وإذا تضايقنا بيرسم حرفي أزهار... وإذا تضايقنا الدمعه في وسط الهدب ترجع تضايقنا وتضايقنا وبعدها نفتح للفرح باب ونجدد للبسمه ثغر .. اعتذر عزيزتي ع المداخله واعذري قلمي فقد راق له اختيارك شهد الحروف من اسمك نصيب .. اصبتي الكلمه والحرف لله درك .. لروحك السعاده الابديه... |
رد: واذا يعني تضايقنا..؟
هلااا منو الدوسري منووووره بطلتك :43:
|
رد: واذا يعني تضايقنا..؟
تحت اديم شعاعكم سكنت......وعلوت بريح معانيكم ...ونظرت الى بدر حروفكم البيضاء..وما حوت من نجوم تهدي كل مار |
رد: واذا يعني تضايقنا..؟
،،،
كلمات ذات شجون ... سلمتي ع الانتقاء الجميل ،،، .... :16: |
رد: واذا يعني تضايقنا..؟
شهد الحروف
قمه من قمم الموضيع شكرا لك و تسلم يمينك |
رد: واذا يعني تضايقنا..؟
وكأنك تربتين على كتفي سطور تنقلنـا إلى حقيقه التي نهرب منها أو نتغاضى عنها رائعه إنتي ياشهد الحروف متميزه دائمـــا ودمتي على ذلك حفظك الله |
رد: واذا يعني تضايقنا..؟
وإذا يعني تضايقنا..!
إذا راحوا وخلونا نسوا كل الكلام العذب بكونا وعرفنا بـ.يوم بأن كل الحكايه كذب ملونا وإذا خيم علينا الليل ما أشرقنا وإذا ضقنا وصار الحرف حبال في مشانقنا بعد هذا.؟ (وإذا يعني تضايقنا..!) مبدعه يا شهودة ::::::::::: كلمات راقت لي يسلمووووووو :1:حبيبت قلبي انتظر جديدج ............... دمتي بخير:16: |
رد: واذا يعني تضايقنا..؟
كلمات تلامس شغاف القلوب تسلم أناملكِ شهد الحروف وشكرآ على التنبيه :2: |
رد: واذا يعني تضايقنا..؟
الله يعافيكم ....
اسعدني تواجدكم الراقي في متصفحي منــــــورين ..لا عدمنا طلتكم الحلوهـ .. |
| All times are GMT +3. الوقت الآن حسب توقيت السعودية: 02:48 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه