|
إختبار الآيلتس
السلام عليكم
بعد تفكير طويل قررت إني لازم أدخل المعهد إلي يدربنا على طريقة إختبارات الآيلتس ، لأني لازم أكمل ماستر ، ولا في ماجستير بالعربي ، وإذا في بالعربي بيكون مكلف مثل جامعة دار العلوم بالرياض .. حبيت أعرف مين فيكم نجح بإختبار الآيلتس ؟؟ هل هي صعبه ولا معقد ؟؟ والماستر .. هل راح تكون الدراسه كلها كلها إنجليزي x إنجليزي .. يعني البحوث و البرزينتيشنات ؟؟ أنا من كثر ما آنا متعقد مفكر أخش تخصص شريعه بالماستر لأن بيكون عربي ، مع العٍلم إني متخرج بتخصص إدارة الأعمال بالبكالوريوس و الظاهر مايصير أكمل ماستر إلا بتخصص إداري شنو أسوي ؟؟ وفوق كل هذا أكثر من نص الجامعات ترفض إلي متخرجيين إنتساب !! وفوق فوق كل هذا تقديري ( جيد ) وأكثر الجامعات تبغا جيدجداً عاالأقل !! |
رد: إختبار الآيلتس
"من ركز على شيء، حصل عليه"
|
رد: إختبار الآيلتس
ليشمتحطم في ناس كثير انتساب والحين يكملون ماستر بعثه توكل على ربك ولاتتحطم وان شالله بتنقبل حاول اكثر من مره
|
رد: إختبار الآيلتس
الله كريم و يفتح على الجميع إن شاء الله |
رد: إختبار الآيلتس
المتردد اولا غير اسمك علشان تحقق وتنطلق لاتثبط نفسك بنفسك وثانيا تخصصات الماستر مو اداريه وبس ! كل جامعه لها تخصصاتها , انا افتر مخي من كثر ما قريت الخيارات والجامعات انته افتح مواقع الجامعات الي تبيها وحدد شنو التخصص والخيار الي يناسبك بالضبط وانطلق خلص الاختبارات المطلوبه ووسع فرصك . طالما عندك طموح هذا يكفي انك تبلغ اي شي تبيه بصرف النظر متى لا تتراجع بعد سنه سنتين ثلاث ! اسعى ورى طموحك والله يوفقك وغيّر اسمك ارجوك ! :) |
رد: إختبار الآيلتس
بالمناسبه ممكن تدخل اختبار كفايات اللغة الانجليزية "Step" اكتروني على موقع قياس اقرا عنه اكثر .. |
رد: إختبار الآيلتس
اقتباس:
هههههههههههههههه ياريت لو يفتر راسي ، صارلي 6 شهور تقريباً أفتح المنتدى وأسكره .. أفتح المنتدى وأسكره ولا أحصل خبر حلو لصالحي !!! أنا من مدينة الخبر ، وأبغا جامعه بالشرقيه .. جامعة الدمام أعتقد مايقبلون خريجيين باكالوريوس إنتساب و جامعة الإمام مايقبلون خريجيين إنتساب والجامعه الإلكترونيه توني من إسبوع قاري بالمنتدى إن مايقبلون خريجيين الإنتساب وجامعة الملك عبدالعزيز بجده لقيت تخصص عجبني إلي هو تخصص إجتماعي ، لكن يمكن مايعطوني سكن مافي خيارات الصراحه ، الخيارات بسيطه أفيديني لو عندك معلومات مفيده :d5::d5: |
رد: إختبار الآيلتس
بالنسبة لإختبار الايلتس فهو ليس صعب
الاختبار يعتمد على تكنيك وفهم لطريقة الأسئلة أكثر من مهاره لغويه مثلا إختبار Listining لهم كلمات معينة 90% منها مكرر لو حفظتها تعدي الاختبار بدرجة 6 اما بالنسبة Reading ايضاً اجابة الأسئلة لها تكتيك معين وقراءة القطع الثلاث تستوجب طريقة معينه لان مدرة الإختبار 45 دقيقه لكل قسم وطبيعي ماتقدر تقرأ الثلاث قطع وتستوعبها بشكل كامل وبعدين تجاوب على الأسئله لذلك هي تحتاج تدريب أكثر من دراسة للغة اما بالنسبة Writing فهو مكون من قسمين القسم الاول يتكلم عن احصائات وجداول ولها طريقة معينة بالكتابة وجمل معينه يفضل إنك تحفظها وتعرف وين تسخدمها ومتى آخر قسم وهو Speaking أيضاً له 3 أقسام وكل قسم يحتاج طريقة معينه للإجابة عليه والأسئلة أيضا شبة معروفه ومتداوله تجربتي الشخصيه: انا إختبرت الأيلتس 13 مره وهذي بعض النقاط المهمه اللي أنصحك تنتبة لها من خلال تجربتي الشخصية لك ان تأخذ فيها إن ناسبتك: 1- لازم تعرف الجامعه كم بالضبط في جامعات تطلب إن تكون درجة الايلتس العامه 6 وفي كل قسم مايقل عن 5 مثلا وفيه جامعات تركز فقط على الدرجة النهائية 2- التدريب ثم التدريب ثم التدريب على إختبارات الآيلتس ويتم ذلك عن طريقة تحميل كتب الإيلتس ولها 9 إصدارات عن طريق الانترنت والاستماع لمقاطع Listining من اليوتيوب والتقيد بوقت الاختبار وعدم اعادة المقطع أكثر من مره 3- تحفظ الفورما الخاصة بالكتابه ويتم ذلك عن طريق انك تاخذ الجمل العامه اللي ممكن تركب على اي موضوع بحيث انه لما تجي في الاختبار فقط تقرأ عنوان الموضوع وتفهم المطلوب وتستخدم اللي إنت حافظه على حسب الموضوع 4- في مقاطع كثير باليوتيوب خاصه بـ Speaking ويقول لك كل شخص كم أخذ في الاختبار ويسوي مقارنات بينه وبين اشخاص ثانيني عشان تعرف ايش تقول وعن ايش تبتعد أتمنى لك التوفيق .. |
رد: إختبار الآيلتس
اقتباس:
ماقصرت الاخت نور :004: برضو حابه اقولك واضح ان عندك طموح ومافي شي يجي بسهوله اشتغل على نفسك حبه حبه حتى لو تطلب الموضوع انك تنطلق وتدرس لغه برا وترجع وحاول اكثر من مره انا مادخلت هالاختبار بس اكثر شي سمعته ان من اكثر من محاوله وتجربه راح ينجح الواحد بسهوله وبتوفيق من الله قبل كل شي بالتوفيق |
| All times are GMT +3. الوقت الآن حسب توقيت السعودية: 06:01 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه