|
هل بالامكان حذف السمستر الحالي في هذا الوقت
السلام عليكم ... صباح/ مساء الخير ع الجميع
استفساري باين من عنوانه ... انا طالب مستجد واول سمستر اللي هذا بس ماقد فعلت حسابي الجامعي لان رقمي الجامعي ضايع ومانا حافظنه وصارتلي شووية ظروف وخلتني انشغل عن الجامعة والدراسة لهذا السمستر استفساري هل بالامكان ان اي احذف السمستر حالياً وكيف اقدر استخرج رقمي الجامعي وجزاكم الله عني الف خير |
رد: هل بالامكان حذف السمستر الحالي في هذا الوقت
وعليكم السلام ورحمة الله وبركاته
بالنسبه للإعتذار يا عزيزي انتهى الوقت ولا فيه مجال أنك تعتذر .. أما الرقم السري بإمكانك استخراجه من هنا عبر الرابط http://www.kfu.edu.sa/ar/pages/newupdate.aspx بالتوفيق |
رد: هل بالامكان حذف السمستر الحالي في هذا الوقت
يعطيك العافيه اختي المحتـرمة ويعطيك العافيه ماقصرتي ... الاعتـذار انتهــى !!!
طيب وش تنصحيني فيه بما انك في مستوى خامس ولك خبرهـ ؟؟؟ انسحب نهائياً من الجامعه واعود اسجل مع التقديم الجاي؟؟؟ والا اني ابدي من الفترهـ هذي احاول ارقع شووي ... واللي اعرفه ان الاختبارات من سبعين راحت علي الحين الواجبات والمشاركات وحضور المحاضرات المباشرهـ يعني المعدل راح ينحط في الارض هذا السمستر والله مانا عارف لوضعي كيف ... اتمنى منك النصيحة اختي مع العلم اني مختار تخصص انجليزي وع اللي عرفته ان كلية الادآب اول سمسترين تحضيري وبعدين التخصص وهذا الرابط اللي معطيتني وياه اختي يطلب الرقم الجامعي وانا كاتب من الاول ان الرقم الجامعي ضايع وعشان كدا مانا عارف وش اسوي ودقيت عليهم لين ماعجزت بس ماعندهم تجاوب انتظر منك الرد والنصيحة اختي المحترمة وجزاكـ الله عني الف خير |
رد: هل بالامكان حذف السمستر الحالي في هذا الوقت
اخوي تاخرت كثير انت لاحد الان مااخت رقمك الجامعي مابقى ع الاختبارات الا اسبوعين
وراح تتقفل جميع الانظمه خلال 10 ايام بالضبط يعني مايمديك تحمل وتحل مناقشات وواجبات ومذاكره المواد انصحك انك تحاول خلال هل يومين تحمل وتحل جميع المحاضرات والمناقشات وتذاكر ماتيسر لك لازم تظغط ع نفسك وتذاكر اقل شي اخذ 4 مواد والباقي اجلها بس لازم تكون مسدد الرسوم هذي نصيحت اخت وان شاء الله ربي يوفقك ويسر دربك ~ |
رد: هل بالامكان حذف السمستر الحالي في هذا الوقت
يعطيك العافيه وماقصرتي اخت أم الحلوات وبميزان اعمالك ان شاءالله
طيب عندي سؤالين إذا ماعليك كلافة :- كيف اطلع رقمي الجامعي حاولت اتصل عليهم لين ماعجزت ومايردون علي !!؟ وبالنسبة اني اخذ 4 مواد انا بالصراحه مدري كم مادة نزلتلي لحد الآن بس خلينا نفترض انها 6 مواد هل افهم من كلامك اني اقدر احذف بعض المواد ؟؟ وجزيتي عني الف خير ان شاءالله اختي الفاضلة |
رد: هل بالامكان حذف السمستر الحالي في هذا الوقت
اقتباس:
عزيزي ... حاليا عندك أسبوع و3 أيام بالتمام وتبدأ الإختبارا من رأيي أنك الآن تبدأ تقرأ المحاضرات عالأقل قراءه على وبرضه تطبع نماذج الأسئله السابقه للمقررات بعد القراءه حاول تحل أسئلة كويزات القسم عندك بالإضافه لحل نماذج الأسئله السابقه للمقررات ... عزيزي لو تضغط على نفسك بهالأسبوع راح تنجزها بأقل وقت فقط تحتاج منك جهد وتركيز بخصوص رقمك الجامعي عليك التواصل مع الشعيبي في تويتر أو الفريدان من خلال إرسال رساله عبر البريد الشخصي الخاص فيه وذلك بإرسال رقم سجلك المدني وراح يعطيك رقمك الجامعي بإذن الله وتتمكن من الدخول للأنظمه ... وإن كان بإستطاعتك توفير عذر طبي يمكنك الغياب ومن ثم رفع العذر وإنتظار القبول والأسلم أنك تضغط على نفسك هذا الأسبوع ... أما الإنسحاب من الجامعه لاأرى أنه حل جذري للموضوع والسبب أنك لا تضمن القبول وظروف التسجيل .. سهّل الله دربك .. وبالتوفيق |
رد: هل بالامكان حذف السمستر الحالي في هذا الوقت
كلية الاداب عندك علم اجتماع ودرسات اسلاميه وتاريخ وجغرافيا وانجليزي 8 مواد
واما ادارة اعمال 6 مواد حاول انك تضغط ع نفسك ومثل ماقالت لك اختنا المحترمه الله يجزاها خير عندك وقت كافيلتحميل المحاضرات الانسحاب مو حل ابد تواصل معهم ويرسلولك رقمك الجامعي ان شاء الله موفق يارب |
رد: هل بالامكان حذف السمستر الحالي في هذا الوقت
الله يعطيكم العافيه ويوفقكم لكل خير وماتقصرو اخواتي
اليـوم ازعجت جوال الشعيبي ازعاج دقيت عليه وماخليت اله يهدأ اله بال وكمان ارسلتله رساله sms ورساله ع الوتس أب ... ولكن بدون أي جدوى مارد علي عبر اي وسيلة اتصال :139: الحين بحثت عن ايميل الفريدان وهدانا راح ارسله رسالة والله يفرج ان شاءالله وبالنسبة للمحاضرات احملها والواجبات يمديني احلها واكتسب الدرجات عليها إذا ارسلي الرقم وفعلت حسابي والا خلاص فات الاوان ؟ ومشكــوورين مؤخراً ومسبقاً ماقصرتو معــاي وادري اني تعبتكم معاي |
رد: هل بالامكان حذف السمستر الحالي في هذا الوقت
اخوي رصد الاعمال الفصلية يوقف في يوم 16 صفر .. يعني عندك اسبوع و نص من الان ...
بما انك مضطر حاليا (مع اني ما اشجع هالشئ) ... ليش ما تشوفلك احد من هالناس اللي تعطيهم رقمك الجامعي (اذا ارسلة لك الجامعة) و يسوون لك الاعمال الفصلية بفلوس .. (يعني تعطيهم فلوس و يحملون لك المحاضرات و يحلون المناقشات و يحلون الواجبات) و انت تتفرغ للمذاكرة فقط ... لان التحميل و الحل بياخذ وقت كبير .. و اذا ضاقت معك مرة ماتقدر تذاكر الملخصات ... ذاكر الاسئلة تبع الكويزات و الاعوام السابقة و اسئلة المراجعة ( ايام الامتحانات تقريبا كلها بينها فترة من يوم الى 3 ايام .. الا العقيدة و مهارات التعلم .. يعني عندك وقت تقريبا).. بالتوفيق |
رد: هل بالامكان حذف السمستر الحالي في هذا الوقت
اقتباس:
عزيزي راح يمديك بإذن الله تؤدي مهامك آخر موعد هو 16 - 2 - 1435هـ بإذن الله .. المهم أنك تبدأ مذاكره ولا تنتظر ردود الأساتذه .. الشعيبي حاول أنك تتواصل معاه الصباح عبر تويتر وانتظر رده عليك سهل الله أمرك وبالتوفيق |
| All times are GMT +3. الوقت الآن حسب توقيت السعودية: 08:31 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه