|
دعوه للهيااط وقلـــــــــــة السنع ..!!
--------------------------------------------------------------------------------
السلام عليكم ورحمة الله وبركاته بعض الناس يمشي على الأرض وكنه يمشي على كبدك , هياط وتعامل بفوقية وأنا ولد الشيخ زعطان وأن من القبيله اللي سوت وعلمت وأنا من العائلة الفلانية اللي حاربت ومادري ايش !! وأنا من جدة اهل العلم وانتم من الشرق المتخلفين والثاني يقول انا من الرياض واللي يقول من الجنوب واللي يقول من الشمال والشرقية وكل جهة !! يجي ولد زعطان يلبس ثوب وحركات وجوال وسيارة كشخة وكل الدعوة من راسه لين رجوله أقساط x أقساط , وكلها عشان أمور كمالية , والثاني مثله والثالث وهلما جرا .. وبالأخير لو يبغى يشتري خبز لبيته وعياله مايلقى ريال واحد ويروح يتسلف من فلان وعلان ... صارت زواجاتنا نصب وتخلف على حساب أساسيات , يضرب الدين عليه وعلى أبوه اللي خلفه عشان بس يقولون والله عرس فلان كان شيييييييييييييي .. ويجلس لين يدخل ولده المتوسط وهو يسدد في هالديون اللي لايرضاها الله ولارسوله .. بس عشان ( الهياط ) .. حتى تعاملنا مع الناس صار هياط , صار الواحد لازم يثقل نبرة الصوت ويشد ظهره وياطويل العمر والله يسلمك وربي يحييك , وتاليها مثل أولها طلع اللي يتكلم مابيده لا حل ولاربط .. بس عشان ( الهياط ) .. أنا ودي اعرف ليش الانسان يحرم نفسه أجمل حاجة بالكون وهي التعامل مع الناس زي ماخلقه الله , ببساطة , وسعة صدر , ليش إحنا نتعامل بطريقة تخرجنا عن ذلك المخلوق الجميل ( الإنسان ) ... كلامي هذا للجميع للشباب والبنات , خلو حياتكم بسيطة , حيوية , اشراقه , مليئة بالحب , صدقني اللي بيستفيد بالاول والأخير هو ( أنت ) بيعود هذا عليك بالصحة والبعد عن الضغوطات النفسية وغيرها ... والله من محبتي لكل الناس أقول هالكلام وربي يسعدكم دنيا وآخره |
رد: دعوه للهيااط وقلـــــــــــة السنع ..!!
صدقني الشخص السوي اللي ما يعانيي من نقص يعيش حياته طبيعي وعلى قد لحافة بيمد رجوله
القناعة كنز لا يفنى الواحد مطلوب منه المنظر الحسن واظهار نعمة الله عليه ولكن بما لا يضر او بدون إسراف والنقطه الثانية نقطة التصنع والكبر في الكلام والتصرفات على ايش الواحد يتكبر كلنا عيال 9 ما فيه افضل من التواضع والتصرف بعفوية وإحترام وتقدير الغير في نظري راح يكون للشخص أكبر قبول من الاسلوب المصطنع دمتم بحفظ الله وشكرا على الموضوع |
رد: دعوه للهيااط وقلـــــــــــة السنع ..!!
يمقن مهايطي يمقن لا <<< يدور مشاكل :58545:
بس فعلا حياة البساطه مافيه احلى منها موضووعك فيها كم نقطه تحتاج موضوع مستقل اولا القبيله والعائله يحق للانسان ان يمتدحهم ويقوم بواجباتهم لاكن لايهظم حق احد ولايشغل الناس بمدحهم ثانيا اللي يحط كماليات من الاقساط هذا مالها علاج الا بتورا بورا ثالثا موضوع الزواج احس ان فيه تحسن اكثر من الماضي رابعا اللي يرز نفسه ويشد ظهره اتوقع طراق على صرصور الاذن يجعله اكثر الفه وواقعيه هههه شكرا سوسو على طرحك وان شالله نجد التفاعلات اكثر واقعيه من الاعضاء [/b] |
رد: دعوه للهيااط وقلـــــــــــة السنع ..!!
ياكثر ما قابلت من هالاصناف احس هالفئه من الناس مرضى نفسيين وانا اقصد اللي يهايطون بكثره وافراط ما ادري من يخدعون انفسهم ولا يخدعون الناس فعلا الواحد اللي يبي يعيش عشان يظهر للناس ويتفشخر معظمهم يعانون من عقده النقص وترى هي منتشره بكثره في المجتمع النسوي عايشه الوحده حياتها بكذب ونفاق وانها احسن الناس واخذت ولد شيخ الفلان وفي الحقيقه هي انسانه حياتها واقفه للظهور للناس فقط الله لايبلانا احلى شي الواحد يعيش حياته ببساطه بعيد عن التصنع والكذب والنفاق شكرا لك اختي على الطرح الراقي وانتظر جديدك... |
رد: دعوه للهيااط وقلـــــــــــة السنع ..!!
لايهمك اخر الشهر يعرف نتيجه هياطه:biggrin:
يوم لاينفع المهايط هياطه ويعريف ان راس ماله حسن تعامله وتصرفاته السويه واخلاقه بارك الله فيك |
رد: دعوه للهيااط وقلـــــــــــة السنع ..!!
وأنا ولد الشيخ زعطان وأن من القبيله اللي سوت وعلمت وأنا من العائلة الفلانية اللي حاربت ومادري ايش !!
هذا قمت التخلف والرجعيه ! والاسره والتربيه لها دور في ذلك ..فهي اما ان تخرج اجيال واعيه فاهمه تراعي شعور الاخرين اما ان تخرج اجيال متخلفه متعنصره ترى الاخرين على باطل وهي على حق دائما . فاذا صلحت الاسره ومحيطها صلح الفرد نفسه . موضوع جميل شكراً لك:rose:ـــــ |
رد: دعوه للهيااط وقلـــــــــــة السنع ..!!
ياااااكرهي للهيااااط والمهااايطين احس اني متحمل سووواليفهم ابداا ابداا
موضووووع حلووو :106::106: |
رد: دعوه للهيااط وقلـــــــــــة السنع ..!!
يعني هالفئه هذي لا تنجز شي انت ولد فلان ونعم فلان ما قصر سوا وعمل ويستحق المدح
انت شنو سويت ...؟ واللي يتعامل بفوقيه محد بيعبره وبيكون مكروه من الناس من جد هالفئه كثيره ربي يهديهم وكاتب الموضوع احس بقلبه حرقه على هالاشكال :biggrin: مشكوره على الموزوع اللزيز :rose: |
رد: دعوه للهيااط وقلـــــــــــة السنع ..!!
:Looking_anim:
عليكم السلـآم ورحمة آلله , كل المذكور أعلآه [ سطحيه ] وآعتنآء بالمظآهر + وبالأنجليزي SHOW AND APPEARANCE أنا بني آدميه خلقها ربي بين عآئله ينعتونهآ بالهيآط , رحنا ولا جينا دايم اسمع هياط ومهايطين :icon120: طيب أنا اكره هالأشيآء المذكوره وضدّها , شسوي آقتل نفسي !! :biggrin: مع العلم آني ماشوف عندنا هالعصبيه ولا السطحيه , عايشين على قدنا بس نحب الفخر والمدح , ونبرز عضلاتنا في الأشياء اللي بيدنا ومقدرتنا :58545: ولا اشوف ان هالشي غلط آو عيب أنو نثبت أهليتنا وكفائتنا لفعل الشي ! أكيد وَ أكيد أن تعريفكم لـ [ الهيآط ] مُختلف عن الحاصل عندنا لأن هجومكم يعني ذلك . . وُدّي :rose: |
رد: دعوه للهيااط وقلـــــــــــة السنع ..!!
و عليكم السلام و الرحمه ،، :rose: فعلاً يَ شين الهيآط أعتبر الهيآط بالأسلوب المبآآلغ فيــه ،، تكبر على النآس ،، وكلنآ بشر و مافيه فرق بينآ بس اذا كان يمدح بَ اهله و يذكر القصص اللي قآموآ فيهآ أهله => هذا مش هيآط مادام بالحد المعقول يعني مايمسك خط :biggrin: ويمغثك وطول القعده حنا وحنآ .. لا بس اذا جاء مجال وقال شئ وهو صحيح مش هيآط بالعكس مجال للثنآء وهيك يعني :cheese: و البآقي كله أتفق معك ،، :(204): وكل شئ بالقيمه حلو :(204)::004: شكريآت حبوبه :biggrin::004: |
| All times are GMT +3. الوقت الآن حسب توقيت السعودية: 11:04 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه