طلب شرح
 

مافي احد موجود يشرح الانجليزي عام محاضره محاضره علشان نفهم نفس شرح ام يزن مفهوم بليزز مافي وقت

رد: ندا فجررر بليزززز
 

بسم الله الرحمن الرحيم

شوفي غلاتي إن شاء الله بختصر لك قد ما أقدر لان القواعد لو فهمتيها خلاص...

المحاضره الأولى:

a هالحرف الحلو يسبق كل كلمه مفرده اي كلمه مفرده يسبقها هالحرف
بشرط الكلمه يكون أول حرف لها ((ساكن))
an هالحلوين يسبقون كل كلمه مفرده كمان بشرط يكون اول حرف للكلمه ((متحرك))

طيب كيف نعرف الحروف الساكنه والحروف المتحركه؟؟

الساكنه جميع احرف اللغه الإنجليزيه ماعدا ((a,e,i,o,u))
إذا نقول الحروف الخمسه ذي هي الاحرف المتحركه
لذا متى مانشوف الكلمه تبتدي بواحد من هالخمسه بدون اي تفكير نحط an
ولو نشوف الكلمه تبتدي يأي حرف غيرهم نحط على طول a
الكلمه نشوف وش عندها إذا كانت ممفرده او جمع لأن كل الجمع مانضيف له اي a , an

طيب نشوف مثال
a cat
ليه اخذنا الـ a لأن هالكلمه بدايتها ساكن.
طيب
an engineer
طيب اخذنا an لأن الكلمه بدايتها e والـe من الأحرف المتحركه أو احرف العله نفس المعني.

طيب لما نجي نقول مثلا:
cats
هالكلمه وش اللي فيها مختلف عن الكلمه الأولى؟؟
الــ s تمام.
وحنا قلنا كل كلمه مفرده تسبق بـ a , an
والــcats مومفرد لأن اخرها s الجمع لذا نقول cats على طول بدون أي إضافات .
ولما نبي نقول جمله كامله مثلا القطه هي حيوان.
كيف نقولها ؟
a cat is an animal
وش اللي حطيناه؟؟
حطينا is
طيب ليه ؟؟
لأننا نتكلم عن مفرد لذا نحط is
نفس الشيء ينطبق على الكلمات اللي بدايتها حرف ساكن مثلا...
a car is a machine
السياره هي آله .

إذا فهمتي على وكذا اكتبي امثله وكذا ..



نروح للثانيه
المحاضرة الثانيه:

في المحاضره الأولى تكلمنا عن الــ s صح؟؟
إذا لقينا الــ s في آخر الكلمه مانحط قبلها a , an
طيب..
خلينا نتعرف على الـs
ابي اقول إن إحنا طلاب أو طالبات . كيف أقولها؟؟

نقول we ليه اخذنا we لأني اتكلم عننا عن مجموعه عن كثير
طيب لما ابي اقول هم مدرسون مدرسين(اختاري وحده) كيف اقولها؟؟
اقول they تمام.
طيب ابي اقول أنتم أو انتو مدرسين.
اقول you
طيب هلحين عرفنا الكلمات اللي تدل إننا نتكلم عن جمع .
الكلمات اللي بعدها شلون نكتبها؟؟
نقول..
كل كلمه تدل على الجمع يجي معاها شيء مهم يدل عليه أو تعتبر الكلمه غلط.
اقول احنا او نحن طلاب.
we are
ليه حطينا are
لأنها تدل على الجمع تمام.
طيب الكلمه اللي توصفنا وشهي؟؟
طلاب صح ؟؟
نكتبها كذا student
ليه كتبناها كذا ؟؟
حنا نعرف إن معناها طالب او طالبه.
بس احنا نتكلم عن مجموعه وكل شيء نبي نجمعه لازم نحط له s آخر شيء يعني نحولها من
student
إلى students
اضفنا s
cat تصير cats
car تصير cars
طيب في كلمات اخرها اصلا الكلمه اصلها فيها s
وفي كلمات آخرها حرف مركب(التركيب المزجي حق العربي اتوقع بس حفظه كذا اسهل)
كلمات آخرها x او o أو sh او ch او s أو ss
(s,sh,ch,ss,x,o)
هالكلمات المنتهيه فيها وش نسوي لها؟؟
نحط لها es
مثلا box تصير boxes
مثلا beach تصير beaches

فهمتي علي:13:

طيب نجي هلحين نبي نعرف شلون نركب جمله مفيده؟؟

نقول مثلا أنا طالبه .
الشيء اللي يدل على المتكلم I
يعني لما نشوف هالحرف في البدايه نعرف إن هالشيء يدل على المتكلم.
I am
وش هالـ am هالحرفين ياقلبي ماتاخذ إلا I لحالها
تصير I am
طيب أنا وش؟؟
نكملها I am a student
شفتي الـ a لان طالبها بدايتها حرف ساكن بالإضافه أنا ماتكلمت إلا عن مفرد تكلمت عن نفسي وبس .
طيب ابي اقول هي طالبه , هو طالب
وشلون اقولها؟؟
البنوتات الحلوات ياخذون she لنا ثلاث حروف تدل على إننا بنات وحلوت ونهبل .

طيب المخلوقات الثانيه يعني الاولاد نقولهم he حرفين تذكريهم بكلمتين سروال وفنيله إخر حرف هاء على طول نقول he
يعني البنوتات الحلوات المميزات ياخذون ثلاث حروف she
والأولاد حرفين he مختصرين موفاضين لذا خذوا بس حرفين.
طيب بعدها نجي للشي اللي يجي بعد she , he
يجي فورا is
الـ is يكون مقام الفعل يكون
هي تكون طالبه , هو يكون طالب.
نقول
she is student
هي تكون طالبه.
طيب والولد لما ابي اتكلم عنه اقول
he is student
طيب انا تكلمت عن الطالب والطالبه لأن عندهم عقل:42:
لما ابي اتكلم عن حيوان مثلا او عن سياره او جهاز وهذي طبعا مو عاقله بدون عقل كيف نتكلم عنها؟؟
نقول : It طيب وش معناها??
It ياطويلة العمر تكون للدلاله لغير العاقل.
كمان نحط لها is
تصير It is a cat
طيب سبق وقلنا ثلاث حاجات تدلنا على الجمع.
we they you
وقلنا إنها تاخذ are
we are
they are
you are
وقلنا إنها لما تجي هالكلمات الثلاث واللي تتكلم عن مجموعه نحط s آخر الكلمه اللي نبي نجمعها
وقلنا لما تجي الكلمه آخرها (s,ss,sh,ch,x,o) على طول نحط آخرها es

إن شاء الله فهمتي علي:12:
الشرح لك عليه.

بكملها وكذا بس فيما اكتبها إذا تكتبين امثله إذا فهمتيها وكذا.