|
استفسارات بخصوص البلاك بورد
:sdfgdsf:السلام عليكم ورحمة الله وبركاته
أول شي أحب أهنئ كل الي التحقو بالجامعه والي ماحالفهم الحظ السنه الجايه بانتظارهم انشاء الله . ثاني شي أبغا أحد يساعدني ويجاوبني على كل اسئلتي الي ممكن تكون من وجهة نظر أشخاص انها نافهه أو سهله فبلييز تحملوني:000::bawling:. بصراحه أنا دخلت نظام البلاك بورد وانقلب راسي واحولت عيوني انا طبعا أول ترم لي علم *اجتماع شفت المقرارات الدراسيه الي نازله لي من ضمنها انجليزي عقيده اسلاميه انا طالبه فيها معادله كيف تنزل لي ؟ * احولت عيوني دخلت مثلا على التحرير العربي شفت موجود محاضرتين حملتهم الحين موجود واجبين فيه منتدى التواصل سؤالي كيف تنحسب لي الدرجات من تحميلي للمحاضره حتى لو كانت مسجله لاني ماادري متى حتكون مباشره وبيني وبينكم انا مايخلص دوامي الا عالخمسه ؟ * الواجبات اذا دخلت على نقس الواجب لازم على طول احله ولا عادي اطلع بدون مااحله يعني لين ادور الاجابه :biggrin:؟ *الحين كيف لازم كل يوم ادخل واشوف منزلين محاضره و واجب ومنتدى تواصل لازم اشارك عشان ينحسب لي درجات ؟ بليييييييييييز ابي احد يفهمني حبه حبه ويصبر علي والاهم ايش الاشياء الي لازم اعملها عشان اخذ الدرجات ؟؟ الف شكر وجزاكم الله ألف خير |
رد: سااااااااااعدوني أنا منهاره
ههههههههه شدعوة منهارة مرة وحدة
انا لمى كنت مستوى اول كان الامور تكت ايزي:oao: اصبري وبعدين م شوي شوي راح تفهمين الامور |
رد: سااااااااااعدوني أنا منهاره
بصراحه أنا دخلت نظام البلاك بورد وانقلب راسي واحولت عيوني انا طبعا أول ترم لي علم *اجتماع شفت المقرارات الدراسيه الي نازله لي من ضمنها انجليزي عقيده اسلاميه انا طالبه فيها معادله كيف تنزل لي ؟ وعليكم السلام ورحمة الله وبركاته.. مرحبا أختي: كيف طالبة فيها معادلة وانتِ مستجدة؟؟؟؟ احولت عيوني دخلت مثلا على التحرير العربي شفت موجود محاضرتين حملتهم الحين موجود واجبين فيه منتدى التواصل كل اسبوع راح تنزل في كل مادة محاضرة..والواجبات إلى الآن ماجاء وقتها ... بعد تقربياَ 5 محاضرات ينزل الدكتور الواجب الأول... سؤالي كيف تنحسب لي الدرجات من تحميلي للمحاضره حتى لو كانت مسجله لاني ماادري متى حتكون مباشره وبيني وبينكم انا مايخلص دوامي الا عالخمسه ؟ تنحسب لك الدرجات سواءَ سمعتي المحاضرة أو نزلتيها...المحاضرات المباشرة لها وقت محدد وجدول محدد...الجامعة تنزله لنا..وهم بعد بدري على المباشرة... الواجبات اذا دخلت على نقس الواجب لازم على طول احله ولا عادي اطلع بدون مااحله يعني لين ادور الاجابه :biggrin:؟ عادي تدخلين على الواجب بس أهم شي ما تحطين حفظ... وعلى حل الواجب ما شاء الله الموجودين بالملتقى الله يعطيهم العافية مايقصرون... كل الواجبات تلقينها بهذا الملتقى الرااااااااااائع.. الحين كيف لازم كل يوم ادخل واشوف منزلين محاضره و واجب ومنتدى تواصل لازم اشارك عشان ينحسب لي درجات ؟ لالالالالا..كل اسبوع ياقلبي ينزلون لك محاضرة....والواجبات تونا عليها... بليييييييييييز ابي احد يفهمني حبه حبه ويصبر علي والاهم ايش الاشياء الي لازم اعملها عشان اخذ الدرجات ؟؟ تنزيل المحاضرة المسجلة أو سماعها...المشاركة بمنتدى الحوار....مشاهدة أو تنزيل المحاضرات المباشرة... وبالتوفيق يالغالية... حل الواجبين في كل مادة... |
رد: سااااااااااعدوني أنا منهاره
بسم الله الرحمن الرحيم .. هلا وغلا بمحبة عبودي.. حياج الله ومبروك قبولج.. شوفي حبوبه .. انا بشرح لج الوضع بشكل عام .. وانتي اذا ظل في شي بخاطرج مو عارفه اجابته بلغيني وان شاء الله اني ماني مقصره عليج ولا الاعضاء بهالمنتدى الراقي..<<لا تخجلين اسألي عاااااااااتي.. من البدايه .. المحاضرات القديمه والواجبات اللي الحين موجوده بالبلاك بورد مالج شغل فيهم لانهم يخصون المستوى اللي قبلج .. ((قديمين)) اوكي .. انتي اللي عليج تشوفين اذا المحاضره تخص استاذج تنزلينها .. مع المحتوى .. وخطة المقرر ان وجدت .. اوكي.. المحاضرات المسجله ينزلون كل اسبوع محاضره لكل ماده .. مع محتواها.. نزليهم وشوفي من كل محاضره 2 او 3 تحسبا" عشان لاتضيع منج الدرجات ... المحاضرات المباشره راح يبلغونا بموعدهم قبل لا ينعرضون بفتره .. لا تشيلين همهم كل المستويات بنفس الفتره راح تكون محاضراتهم المباشره فالكل راح يعرف الموعد .. الواجبات مثل ما قلت اللي الحين موجودين قديمين .. والوضع المعروف للواجبات انهم ينزلون واجبين للكورس فقط .. يعني التحرير العربي لها واجبين فقط .. بالكورس كامل وكذلك بقية المواد .. وللحين ما نزل اول واجب.. وحل الواجب ننتظر التعليمات الجديده لان احتمال يكون في تغيير على نظام الكورس اللي فات .. اذا ثبتو نفس نظام العام ببلغج حبوبه:biggrin: منتدى الحوار مهم .. الوضع العام يقول ان يكون لك 14 مشاركه فعاله يعني مو شكرا ويسلمو ... وتنحسب عليهم 10 درجات .. ((ايضا ننتظر التعليمات لهالكورس اذا تغير هالنظام ام لا..)) .................................................. .................................................. ...... هذا اعتقد الوضع العام ... واذا في سؤال يقرقع بقليبج اسدحيه ولا يهمج .. دمتي ..:106: |
رد: سااااااااااعدوني أنا منهاره
فيه مواضيع تجاوب كل تسأولتك
عموما المحاضرات تشوفينها باي وقت حتى لو نزلتيها بستحسب لك الواجب افتحيه وافتح صفحه ثانيه وتلاقين الاجوبه في الملتقى لاتصكرينه لين تجاوبين ولا بتحسب عليك مره لك 5 مرات |
رد: سااااااااااعدوني أنا منهاره
وعليكم السلام والرحمه
عاادي حبيبتي خوذي راحتكـ بالأسئله أهم شيء تكونين على بينه :119: بالنسبه لسؤالكـ الأول <<< مواد المستوى الأول إجباريه <<< يعني تدرسيهم حتى لو قدمتي معادله << والمعادله راح تحسب لكـ من المستوى الجاي إن شاءالله :119: أحتساب الدرجات <<< يكون بشكل آلي <<< يعني مجرد ماتدخلين النظام أو تحملين المحتوى أو المحاضرات يحسبلكـ درجه :tongue: المحاضرات المباشره <<<< راح ينزل لها جدول يبين فيها أوقات المحاضرات وغالبا" تكون من الساعه 5 العصر إلى الساعه 10 بالليل <<< مدة كل محاضره ساعه وحده :cool: وحتى لو ماقدرتي تحضريها <<< فيه أيقونه بالبلاك بورد أسمها المحاضرات المباشره راح تنزل فيها تسجيل المحاضره بس تحملينها أو تستمعين لها تحسب لكـ درجه :(204): الواجبات <<< ماتدخلينه إلا وأنتي مجهزه الحل ,,بس تدخلينه على طول تحلين <<ماتقفلينه ثم تقولين أرجعله بعدين لا غلط :icon9:<<< عشان ماتطير عليكـ الدرجه :oao: المحاضرات المسجله<<<< تنزل كل أسبوع محاضره وعددهن 14 محاضره لكل ماده :119: وتقدرين تدخلين بأي وقت :tongue: * تقسيم الدرجات : *المحاضرات المسجله : 5 درجات + المحاضرات المباشره : 5 درجات <<<الثنتين 10 درجات *الواجبات : 5 درجات لكل واجب وعدد الواجبات 2 <<< يعني 10 درجات *مندى الحوار : 10 درجات <<< 14 مشاركه كافيه لحصولك على الدرجه الكامله .. إن شاءالله أكون أفدتكـ :106: |
رد: سااااااااااعدوني أنا منهاره
اقتباس:
لا تسوون مثلي حليتة فكرت جدد طلع قديم !!! سلام |
رد: استفسارات بخصوص البلاك بورد
هلا وغلا لا تنهارين ولا حاجه وألأخوان ماقصرو ردو عليك والله الله بالأجتهاد والله يوفقك أختي... |
رد: استفسارات بخصوص البلاك بورد
كفيتو ووفيتوا بصراحه تعاون رائع
بس ودي اسال باي منتدى نشارك 14 مشاركه :(269): |
رد: استفسارات بخصوص البلاك بورد
اقتباس:
<<< طبعا" لكل ماده منتدى حوار خاص فيها :wink: |
| All times are GMT +3. الوقت الآن حسب توقيت السعودية: 07:51 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه