ملتقى طلاب وطالبات جامعة الملك فيصل,جامعة الدمام - تجربتي ورأيي في طريقة اسئلة الأختبار لجميع المواد

السلام عليكم ياجيرانا :34:
حبيت اطمنكم على اسئلة المواد وكيف طريقتها

(العقيدة الإسلامية)
اساس انتم اختبرتوها (: !!!!

*

(النحو التطبيقي1)
يؤ قد ايش كنت متخوفه منه
بس جاء طبق الاصل من اسئلة العام مرره مافي فرق
بس هذا مايمنع تذاكرون كويس
قبل الإختبار بساعتين احفظوا الاسئلة
بس الحمدلله عدت لاتخافوا الاسئله جميله وبسيطه ان شاء الله
ذاااكروا تراها سهله بس يحتاج شوية تركيز بس

*

(الإنجليزي)
طريقة اسئلته
في كثير فقرات جابها من اسئلة العام << للأسف انا ماذاكرت الأسئلة
اغلب الأسئلة كانت قواعد
معاني الكلمات ماكانت كثيره مره
القطع ركزوا عليها والله هي تنجي من الرسوب بعد الله
على الأقل تضمنوا 10 درجات يعني
قطعه خارجيه وقطعه من نفس المنهج
مرره سهله الله يسهل لكم

*

(مبادئ الإداره)
مافهمت ولاشىء اقرا فقط عشان يرتاح ضميري
اقرو اسئلته بتكيز شوي شوي كرروا السؤال ألف مره اذا مافهمتوا
مع التكرار تفهموا !!
شوفوا الأسئله سابقه جاب منها فقرات كثيره

*

(مهارات التعلم والتفكير)
(الدكتور: النعيم << نسيت اسمه)
مرررررررررررررره تافه بمعنى الكلمه مررره سهل وبسيط
اذا كان باقي يدرسكم لان على حسب علمي انه مريض -الله يشفية-
ابد اسئلة العام بالضبط مافيه اختلاف ولا بنقطه

*

(الصحة واللياقة)
بعض المجهولين سألوا الدكتور نذاكر من اسئلة العام السابق
خخخخخخ عصب الدكتور وقال انا بغيرها
(ملاحظة)
ياليت محد يسأل اي دكتور هذا السؤال
وهذا موب في صالحنا ولا في صالح الي بيجي بعدكم
أسئلته
اغلب الأسئله جت من الأسئلة السابقه ماغير شيء كثيره
في اسئله معروف جوابها لانه من حياتكم اليوميه
الماده جميله ودكتورها بعد
بس انا ماذكرتها لان ماكان يمدي الوقت
وكان بيني وبين العيد 6 درجات واجيبه
لاني بجد مافتحتها يوم الاختبار ابد قعدت اذاكر مهارات التعلم والتفكير
اعتمدت على الأسئله مسوينها الطلاب وبس
لاتسون مثلي لازم تذاكرون بغيت احملها وهي سهله وتافهه ):

*

(التحرير العربي)
ركزوا زين الخيارات كانت تلخبط
ماكن فيه اسئلة اعوام سابقه لأن الدكتور جديد
مادري هو يكرر الأسئلة ولا لا
الماده ممتعه وسهله ان شاء اله
في اشياء اخذتوها في النحوالتطبيقي نفسها بالتحرير
هذا شىء يسهل عليكم

*

(مدخل إلى تقنية المعلومات)
تجنن سهله جميله بسيطه
الله يسعد ذاك الدكتور
نسخ لصق من الأسئلة السابقه مررره

اخيرا

هذه موضوع مهم لصاحبته أم عمر الله يسعدها
كانت جدا متعاونه معنا الله يعطيها العافيه
الموضوع مثبت
http://www.ckfu.org/vb/t369129.html

في النهاية
ذاكروا زين بعدين قبل الاختبار بكم ساعه احفظوا الأسئله السابقه حفظ
اغلب الداكاتره يجبون منها كثير فقرات هذا اذا ماكانت الاسئله نسخ لصق
انا هذا كانت تجربتي مع هذا المواد
مثل ماقلت لازم قبل تذاكرون
واهم شىء توكلوا على ربكم واحسنوا الظن والدعاء والدعاء ثم الدعاء بتتيسر
وربي مايرد أحد دعاه ابد
الله يسهل لكم ولنا ولجميع المسلمين
بتوفيق حبابي

لكم...:2: