بسم الله الرحمن الرحيم

السلام عليكم ورحمة الله وبركاتة



معادلة المواد بدات لهذا السمستر بتاريخ 1435/3/3هـ وراح تنتهي في تاريخ 1435/4/6هــ

يعني ركزو لحد يجي بعدين ويقول والله مادريت :41jg:وفاتتني معادلة المواد للفصل الأول لعام 1435هــ اخ يالقهر :bawling:

بلغو حبايبنا المفهين الى دايم يجيك اخر شي ويقول جد فتحو المعادلة :eek: :Looking_anim: والله مادريت :139:

--------------------------------------------------------------------------------------------

- لابد تخلص مستوى أول عشأن تستحق المعادلة ( يعني الجديد الى توه داخل الجامعة مايعادل )

- الحد الاقصى لمعادلة المواد 15 ساعه فقط

- المعادلة تتم لمرة واحده فقط

- لابد تكون درجتك في المادة ( تقديرك ) C ومافوق لموادك السابقة الى درستها خارج الجامعة طبعاً

- وصف المواد ( المقررات ) لابد يكون نفس بعض

- لابد يكون عندك وصف المواد ( ألمقررات ) السابقة الى درستها خارج الجامعة

- لابد يكون عندك صورة لبيانات الدرجات ( شهادة رصد الدرجات للمواد )

.
--------------------------------------------------------------------------------------------

شنو المطلوب منك لمعادلة المواد

1

اول شي تشوف الكلية , المعهد , المخبز الى درسة فيه سابقاً وخذت منه شهادتك

تروح لهذا المخبز وتأخذ منهم وصف للمواد جميعها الى درستها عندهم

ادخل على المدير وقوله خبز تميس ,, قولهم ابي وصف للمواد ( المقررات ) الى درستها عندكم

راح يعطونك ايه ولاتنسون خلوهم يختمونه

-----------------------------

برضو خلوهم يعطونكم صور لرصد الدرجات لكل المواد ومختومة

( اتوقع الكل عنده صورة موضح فيها بيانات الدرجات لكل مادة )

-----------------------------

--------------------------------------------------------------------------------------------

2

بعدها تشوفون المواد الى تطابق المسمى ,, او قريبه من اسم المادة ,, او وصفها نفس وصف هذي المادة الى موجوده هنا في جامعة فيصل الى راح تدرسها

-----------------------------

كيف تعرف تطابق المسمى او الاسم القريب او الوصف من هذي المادة

تدخل على رابط الخدمات الطلابية

http://del.kfu.edu.sa/entisab_app/index.asp

وبعدها تدخل على رابط الخطة الدراسية

http://del.kfu.edu.sa/entisab_app/images/44ov.jpg

هذا رابطها

http://www.kfu.edu.sa/ar/Deans/e-lea...ervices-2.aspx


وبعدها تدخل على تخصصك وتحمل وصف المواد ( المقررات )


بعدها تجلس مع نفسك كأنك نفسية وتمسك وصف المقرر لموادك من المخبز
و وصف المواد من الجامعة وتقارن وتدور الى مثل بعض

سواء بالاسم

او بوصف المادة نفسها


لمن تطلع ( تستخرج ) المواد الى مثل بعض
تروح بعدها تشوف كم الدرجة الى خذتها في هذي المادة من دراستك السابقة

اذا شفتها C وفوق راح تتم لك المعادلة اذا شفتها تحت ماراح تتم المعادلة

--------------------------------------------------------------------------------------------

اذا جهزت المواد الى راح تعادلهم وكتبتهم

تدخل على الخدمات الطلابية

http://del.kfu.edu.sa/entisab_app/index.asp


بعدها تروح لايقونة طلب معادلة مقررات

http://del.kfu.edu.sa/entisab_app/images/09ov.jpg


وبس ترفع طلب المعادلة مثل ماهو واضح لك من شروط

--------------------------------------------------------------------------------------------

ملاحظة قبل ماترفع الطلب


تروحون المكتبة وتصورون وصف المقررارت لموادكم السابقة الى مختومة تصورونها بسكنر ,, عشأن يبأن الختم

ونفس الشي لبيانات الدرجات ( شهادة رصد الدرجات ) لموادكم السابقة الى درستوها قبل الجامعة


بعدها تحطونهم في فلاش وتجون البيت وتجمعون وصف المقررات + شهادة بيانات الدرجات ( شهادة رصد الدرجات )

تجمعونهم في ملف PDF

الى مايعرف يجمعهم في PDF يقول للعامل الى في المكتبه يصورهم له سكنر ويجمعهم له في ملف PDF ويحطهم لكم في فلاش


وبس تجون البيت وترفعون الطلب مثل ماشرحت سابقاً

--------------------------------------------------------------------------------------------

ملاحظات اخرى


في بعض الطلاب رفعو طلب معادلة بدون مايجيبون وصف للمقررات من دراستهم السابقة

فقط رفعو بيانات الدرجات ( شهادة رصد الدرجات ) وتمت لهم المعادلة

وفي نأس عملو نفس الطريقة وماتمت لهم المعادلة



يعني الله أعلم

أنت وحضك - هل لابد يطلبون منك وصف المقررات او لا مايحتاج

بس الى كتبتة لكم هذي شروط المعادلة من الجامعة يعني ماجبت شي من رأسي


بالتوفيق ياحلوين ......

المشاركة الأصلية كتبت بواسطة noon1990 (المشاركة 10284575) سوري على السؤال ؟ بس شنوو يعني معادلة ؟؟ وليش يسوون معادله ؟؟

المشاركة الأصلية كتبت بواسطة Noooralgamar (المشاركة 10284587) شكرا لك جاك الله خير ماقصرت شرح كافي و وافي عندي سؤال فيه ناس يقولون المواد اللي بعادلها ماراح تدخل في المعدل الشي هذا ماياثر على المعدل العام نهاية المستوى.؟؟

المشاركة الأصلية كتبت بواسطة هن ريتك (المشاركة 10284637) والله مافهمت شي ممكن تفهوني ايش نسوي الحين وايش هي المعادله

المشاركة الأصلية كتبت بواسطة امسيه (المشاركة 10284660) الان انا خلصت مستوى اول اعادل للمواد اللي راح اختبؤهم المستوى الثاني؟؟؟