|
مقر الرس ، وَ قمة الإستفزاز !!
.. السلام عليكم وَ رحمة الله من أمس بأفتح موضوع لعل الموقع صآر فيه عله وَ أجلت كلامي يمكن تطفى نآري شوي وَ اتعوذ من ابليس بأفهم بس يامقر الرس ، أنتم مغصوبين على الإشراف ؟!!! قولوا لنا إذا مغصوبين نحول اتجآهنا نروح عنيزه نروح بريده ندور لنا مكان نختبر فيه أوما إنكم تتعاملون بهالطريقه !! لا والله مآنرضاها أولاً / مقر الإختبار ، انتم مآتقرون بمكآن !!!!! حددت لنا الجامعة مقر وَ من زود الحرص حاطة احدآثيته بعد ، وَ آخرتها نروح وَ هو مقفل !! وش هالشغل هذا ؟!! تقول مسوين لكم إعلان بمنتدى النقاش !!!!! منتدى النقاش متهآلك مااحد يدخل له إلا من رحم ، وش ذنب البقيه !!! وَ ليت المكان تغير للأفضل ، من سيء لأسوأ ، قلة الأمآكن :017: وَ فوق هذا !! اختبارنا يبدأ 6:30 وَ ينتهي 8:30 مثل ماحددته لنا الجامعه تدخلوننا القاعات الساعه 6 ليه !! وَ بأي حق ؟! تربشوننا وَ تسوون ضجه وَ تمشون الوقت قبل توزيع الأسئلة أبدا مو من حقكم !! قمة الإستفزاز اللي تلقيته منكم أمس ، هو أشوف إختباري الزفت ولا معاملتكم الخايسه !! وَ أول ماطلعت من القاعه الواحد يتنفس شوي ياخذ له تنهيده عَ الأقل ماأدري إلا المستخدمة جايه وراي ، يالله يالله اطلعي كني جآلسه فوق راسها !!!!! :017: ماتمت الساعة 8:15 وَ هي فوق راسي يالله الله يعافيكم بسرعه بسرعه أنتي هنا جايه برضاك مآجيتي مغصوبه أعتقد !!!!! تقعدين بحلوقنا اطلعوا اطلعوا مالك أي أحقيه !!! قال ايش خايفين عليكم موب قصدنا اختبارنا يقضي 8:30 / قبل هالوقت هذا مآترفعين لسانك تتكلمين جاية تراقبين ، تنتظرين لين آخر وحده تطلع !!! وَ ماضربت على يدك قلت اشرفي علي لين أطلع أعتقد !! وَ بكل بجآجه جايه تقول لي الله يعافيك قولي لأهلك لايتأخرون يجون بدري هذا وهي ماجت 8:30 تتكلم !!! وَ اقسم بالله لولا إني محترمه سنها وَ إلا والله تشوف الرد صح ! بس إني بنت صالح :icon9: ياجيبوا لنا ناس تفتح النفس ، ولا قفلوا مقركم كل أبوه خلونا نتصرف وَ عشان لاأظلم بس !! مشرفات المآدة ماقصروا معنا وَ نفوسهن يارب لك الحمد عتبي بس على المستخدمة وَ أسلوبها وَ ماهي أول مره تسويها من العآم وهذي طريقتها يارب إني محتده عليكم ولا والله مآتشوفون رقعة وجهي :bawling: لااحد يقول لي روحي للخدمآت الطلابية وَ اشتكي !! عسآهم يسمعون صوتنا بالمقررات بيسمعونها بمقر الإختبار !!! تيقآ :mad: |
رد: مقر الرس ، وَ قمة الإستفزاز !!
هههه ديرة حسد اختبرت وتوبة اختبر بمقر الرس تعاملهم سئئئ للغايةواذكر وعطيتهم تقييم بالموقع سئئ يتعاملون معي كني طفل عمري 7 سنين داخل الروضه الله يعنيكم على ناسها والديره
|
رد: مقر الرس ، وَ قمة الإستفزاز !!
ي ماما :Looking_anim:
مشكلة اللي ينحد عليهم :(62): الحمدلله عندنا قمة الأخلاق و متساهلين معنا حييل تنفتح نفس الواحد .. الله يكون بعونتس خيتي ~ |
رد: مقر الرس ، وَ قمة الإستفزاز !!
-- الله يعينك على كذا مالك الا المديره او وحده من المشرفات |
رد: مقر الرس ، وَ قمة الإستفزاز !!
اقتباس:
.. ياعزي لي حتى أنتم يالطلاب !! :icon9: مدري وش يضره الوآحد يتسنع ويغدي آدمي مالله حده قسم بالله إنه يشرف :icon9: مآله خلق يعطي مكآنه أحد يستآهل كل أبوهن لا المشرفين ولا المشرفات :41jg: |
رد: مقر الرس ، وَ قمة الإستفزاز !!
اقتباس:
يآليت من يجرني لكم ولا هالمرض ذولا :icon9: من الغبينه صارت لآجت لمي نزلت راسي للجوال وخليتها تهرج على عمرها وقسم بالله إذا هي جت عندي سبع مرات تطردني فهي شويه ا..... استغفر الله بس مآودي أقول شي :icon9: يآحلالاة ياعنيزه :bawling::004: |
رد: مقر الرس ، وَ قمة الإستفزاز !!
صادقه دانيه في مراكز الحمدلله والشكر :sm1:
انا اختبرت مره بالمدينه فرق بينها وبين الخبر الله يشرف المدينه من النفسيات اللي جابوهم لنا :sm5: وسعي صدرك ياحبيبتي ولاتتضايقي :004: وترا الشعيبي متعاون بتويتر ارسلت له مره عن مراقبه بالمدينه وقام باللازم بس احفظي رقمها انتي واعطيه :S_45: لان ماحطولهم ارقام الاعشان الشكاوي :(204): |
رد: مقر الرس ، وَ قمة الإستفزاز !!
اقتباس:
من ردي لـ أردى خليني سآكته بس :icon9::004: |
رد: مقر الرس ، وَ قمة الإستفزاز !!
الله يعينكم بينك و بينهم الساعة والجدول اطبعي جدولك وخليه على الماصة بعض المراكز تبدأ قبل وقت الاختبار ب10 او 15 دقيقة وكذلك ينتهون يعني الطالب اللي يجي في الوقت المحدد بيضيع عليه بعض الوقت معليه منهم ولايسلمهم الورقة الا 5.30 او 8.30 هذ اللي بينا وبينهم والله يوفق الجميع |
رد: مقر الرس ، وَ قمة الإستفزاز !!
اقتباس:
آميره ياجنتي لو هي على المشرفات اللي بالقآعه جبت راسها وَ لا علي منها لكن المصيبة بالمستخدمة نفسها مش بالمشرفات !! والله إن المشرفات اللي وآجهتهن (عن نفسي أتكلم ) إنهن عسل لابد تطلع وحده ثنتين مش ولا بد ، بس مآبي أظلم اللي أشرفن علي لكن تجي المستخدمه وَ تطردني !! عشآن هي تكمل شغلتها !! لا آوكي / مدري عن ظرفها ولا أدري عن هوآ دآرها بس مآهي محتده تجي تشرف ورآنا !! فيها نفس ، تصبر لين أطلع ولا ............... استغفر الله بس الله يخزيك يابليس :icon9: أنا بأنتظر منها الزله مره ثانيه ، ولا مآلي إلا الشعيبي مآحناب قطيع عندهم يسيروننا على مآيبون !!!! |
| All times are GMT +3. الوقت الآن حسب توقيت السعودية: 11:52 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه