|
مساعده الله يخليكم ضروري ؟؟
السلام عليكم ورحمه الله وبركاته ،،
مساء الخير على الجميع ،، أنا أبي مساعدتكم وأبي الحل لآن لي كم يوم وأنا نفسيتي تعبانه من هاالموضوع وماأنام بس أفكر فيه ؟؟ أنا سجلت لواحد من الأهل عن طريق التسجيل اليدوي وقبلوه ولله الحمد وأرسلوا له الرقم الأكاديمي وسدد المبلغ وأرسل الأوراق وله كم يوم مرسلين له مبروك القبول وأرسلوا له رابط ليستخرج الرقم السري ولما حاولت أطلع الرقم السري سجلت الرقم الأكاديمي والسجل المدني وبعدها طلبني أرسل صوره من الهوية الوطنية وأسجل رقم الجوال وسويتها أول شي أرسلتها عن طريق ملف الورود وبعدين دخلت مره ثانيه وأرسلتها عن طريق ملف pdf بس إلا هنا وبعدها مايقبل شي بس كان يطلع لي كتابه باالأحمر يبغاء الملف يكون عن طريق ( مكتوب يسمح فقط jpg , gif , أو ملفات png ) هل يعني هاالكلام لازم أضعها على واحد من هاالملفات بصراحه أنا ماأعرف كثير في الكمبيوتر ولا الملفات وأيضا أرسلت للجامعه ومافيه فايده ،، الحين وش تنصحوني به أنا أبي أطلع الرقم السري لأني أبي أسوي معادله المواد وأختار منطقه الإختبار قبل تقفل الأيقونات ،، ساعدوني الله يوفقكم ،، |
رد: مساعده الله يخليكم ضروري ؟؟
هلا اختي
اهدي اختي طيب انتي ارسلتي الهويه وبعدين ايش طلع لك |
رد: مساعده الله يخليكم ضروري ؟؟
هلا والله فيك ،،
بعد ماأرسلت الهويه وكتبت الرقم الجوال يطلع لي الكتابه إلي باالأحمر إلي كتبتها فوق وبعدها أكتب حفظ وخلاص إلى هنا مايطلع لي شي ،، |
رد: مساعده الله يخليكم ضروري ؟؟
الحين لو تدخلين لازم ترسلين الهويه مره ثانيه او لا
|
رد: مساعده الله يخليكم ضروري ؟؟
تفضلي أخت ِ نسخت لك ِ رد الأخ / ماشي صح بارك الله فيه بالنسبه لصورة الهوية لابد ماتروحين لمكتبه ينسخها لك على أحد الملفات أو فيه برامج تغيير صيغ الملفات حل مشكلة كلمة المرور~وتحديث رقم الجوال والمطالبه برفع صورة من بطاقة الهويه تدخل هالرابط .. http://www.kfu.edu.sa/ar/pages/newupdate.aspx اولا / تدخل اسم المستخدم الخاص بك ثانيا / بيرجع يطلب منك / رقم السجل المدني بيجيك انو تم ارسال رساله على رقم جوالك بكلمة المرور الجديده وبيطلع لك خيارين تعديل او تأكيد اذا رقمك تمام اختار تاكيد وراح تجيك كلمه المرور الجديده اذا رقمك قديم مثلا تبي تغيره اختار تعديل بيطلع لك صفحه فيها شروط واحكام مطلوب منك عشان تغير رقم الجوال انك توافق على الشروط اولا شيء بوضع علامة صح في المربع المخصص بعدين بيجيك ( متابعه ) بعدين الصفحه التاليه فيها مكان لـ ارفاق صورة الهويه او بطاقة الاحوال او بطاقة العائله حسب وش سجلت فيه بالجامعه ، تطبعها سكنر وترفعها بالمكان المخصص وتكتب رقم جوالك الجديد بيقول لك الرد بيجي خلال 72 ساعه يعني بعد ثلاث ايام ماعليك اليوم الثاني افتح نفس الرابط اتبع الخطوات بيطلع لك رقم جوالك الجديد اضغط تأكيد راح يقول لك انه بيرسل رقم تحقق على رقمك واذا ارسل لك حطه في الفراغ عندك في نفس الصفحه بعدها بيجيك انو ممكن تعدل كلمة المرور عدلها براحتك وضروري تنتبه انها يجب ان تتضمن حروف كبيره وصغيره وارقام و رموز زي ماهم شارحين لك مثال على كلمة مرور ناجحه ( Mash@666 ) وبكذا مبروك عليكم كلمة مرور جديده الشرح هذا بناء على تجربه مني خاصه ان مشكلتي كانت برقم جوالي القديم وتم تعديله لي الحمدلله وسجلت موادي وخلصت :42: |
رد: مساعده الله يخليكم ضروري ؟؟
أيوه كل ماأدخل يطلب مني أرسل الهويه ؟؟
|
رد: مساعده الله يخليكم ضروري ؟؟
اذا عندك الورد حولي الي صيغة ثانية كلك يمين يطلع لك البرامج الي تكون عندك في الكمبيوتر .....بالتوفيق
|
رد: مساعده الله يخليكم ضروري ؟؟
ياأخ شتات الأصيل أنا لما أسجل الرقم الأكاديمي والسجل المدني مايجي أي رساله على الجوال يطلب صوره الهويه وبعدها يوقف عندها مايرسل ولاشي ؟؟
|
رد: مساعده الله يخليكم ضروري ؟؟
جربي مثل ما قال لك اخوي محمد
|
رد: مساعده الله يخليكم ضروري ؟؟
أوكيه بجرب وأرجع أقولكم وش صار معايه ،،
|
| All times are GMT +3. الوقت الآن حسب توقيت السعودية: 08:42 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه