ملتقى طلاب وطالبات جامعة الملك فيصل,جامعة الدمام - الشاعر / مشعي بن بريكان والليبرالية

اشد خلق الله عذاب وبهاذيل
أهل الخنا واهل النفوس الذليلة
اللي تبجل كاسب الذل تبجيل
وتحرص على نشر الفسق والرذيلة
وتفعل فعايل تستره ظلمة الليل
من بعد ستر اللي منجي دخيله
وعند الضحى تلقاه غنى مواويل
مايدري انه فاعلٍ له فشيله
ويحارب الهيئة بكذب او اباطيل
وهاذي سواة أهل القلوب الهبيلة
اعلام واقزامٍ تزيد الدهاويل
وصحافة(ن) تعكس قلوب(ن) غليلة
الدين بإذن منزل الحق تنزيل
يبقى على مر السنين الطويلة
مادام يحمى من زحول الرجاجيل
بقيادة اللي له مواقف جليلة
نايف ولاغيره كثير التهاليل
للحق قلبه يشهد الله دليله
وأنا اشهد انه يا هل الخير حلحيل
وهاذي فعول اهل اليدين الطويلة
له حكمة(ن) تلجم كثير الطهابيل
وله وقفة(ن) ضد الأمور الدخيلة
يامحارب الهيئة احذرك بالحيل
احذر دروب اهل العقول العميلة
اللي مثل شقراء تراكض مع الخيل
وخسران من يسرج مع الذل خيله
الهيئة اللي فعلها كنه سهيل
ماضاع من درب الصحابة دليله
تأمر بفعل الخير رغم الأقاويل
والله فوضها بحرس الفضيلة
وتنهى عن المنكر قلوبٍ مضاليل
افضالها واجد ولاهي قليلة
يامحتسب اصبر ولو زود الشيل
الله يعينك واحتمل للثقيلة
ياراس تكرم ماتشبه مع الذيل
شانيك والله مافرق عنه ذيله
عند الغيور يزيد مقداركم حيل
ياكاسبين العز ويا النفيلة