تكفون رايكم يهمني يا تاج راسي
 

يسعد لي صباحكم / مساكم اينما كنتم :love080:


اولا شكر وتحيه وحب وعرفان لكل شخص كتب موضوع او اسئلة اختبارات او شارك معنا في جميع المواد


في هذا المنتدى الغالي وفي كل المستويات


وخاصة المستوى الرابع :love080::love080::love080::love080::love080::love 080: بعد قلبي انتم اخوياي




المهم ما طول عليكم يالغالي


عندي مشكلة من يوم كنت بالمستوى الاول واستمرت معاي للمستوى الثاني


والحمدلله زالت بالمستوى الثالث والرابع وهي درجة اعمال المشاركة:(177)::icon9::bawling:




بصراحة


قسم برب الكعبة افكر الحين اسحبي شهادتي واروح لجامعة ثانية وابداء من الصفر صحيح اني كملت اكثر من نصف المشوار خصوصا اني منزل مواد من مستوى خامس وماشي 100% حسب الخطة المرسومة


لكن انا عندي طموح بعيد ولا ودي اتوقف عند هذا الحد


قمة الظلم والقهر انه تسلب منك درجات وانت تاعب فيها ولا ترصد لك كاملة


ورغم اتفاق الجميع ذاك الوقت انه فيه مشاكل وكنا مثل المجانين مرة نعتمد علةى البلاك بورد ومرة على الافتراض:007:


لين خلاص بديت احمل كل شي عن طريق البرنامجين كلهم وهذا اللي سويته بالمستوى الثالث والرابع


رغم ان الثالث فيه مشاكل بسيطة بس ممكن انها تنبلع ونمشيها شوي :sm12::sm12:






قمة القهر لما يكون معدلك الفصلي 4:50 تقريبا رغم انه في علامات اكثر من استفهام وتعجب حول بعض الدرجات المرصودة مثل مادة الحاضر الاسلامي :sdfgdsf:




ويكون معدلك الفصلي 4:5- تقريبا والتراكمي يكون 3 :sm1::hhheeeart4::hhheeeart4::hhheeeart4:




بصراحة افكر اسحب شهادتي والسبب المعدل التراكمي خصوصا اني شخصيا عندي قاعدة يا اجيب درجات مثل الناس يا انسحب والمشكلة كم مرة ارفع تظلم وشكوى بس للاسف لا جديد


رغم ان بعد المسافة بيني وبين الجامعة كبير جدا وهذا ما يمنعني الذهاب هناك




ابي رايكم هل انسحب واروح لجامعة ثانية خصوصا طلعت تخصصات كثيرة في جامعات ثانية لكن لحرمة ومكانة ومحبة جامعة الملك فيصل لن اذكر شي منها




او تعرفون احد مر مثل هالتجربة وعدلوها له ؟؟؟ او الانسحاب طيب :53::53::(107)::(107):




اعتذر للاطالة يا تاج راسي




وصح نسيت ابارك للناجحين الف الف الف مليون مبروووك للناجحين :d5::d5:


عقبال الشهادة الكبيرة اللي ترفعون فيها روسكم ووالديكم وبلدكم :d5::53:




اخوكم


الممرض : ماجد :004:

رد: تكفون رايكم يهمني يا تاج راسي
 

جامعات الانتساب تخصصاتها متشابهه , تعليمات من وزارة التعليم حسب علمي .

التراكمي هو متوسط حصيلتك من بدايه دخولك الجامعه حتى تخرجك يمكن معدلك بالترم الاول و الثاني كانت منخفضه عشان كذا التراكمي عندك منخفض .

دامك بالبداية لو تستمر على معدلات فصليه مرتفعه التراكمي راح يتعدل . لكن من بعد الترم الخامس تبدأ كأنك تمشي على طين يالله يتحرك المعدل التراكمي [ تجربتي ] .

ما انصحك تغير خصوصاً انك لو حاب تكمل ماجستير تقريباً المعدل المطلوب لتكملة الماجستير هو 3.75 او 3.5 ناسي و انت غير بعيد عن ذلك.

بخصوص اختلاف رصد درجات المشاركة و الواجبات و غيرها [ ال30 درجه ] انا من دخلت الجامعه و جالس احل بشكل منطقي و غير متتابع و الحمد لله ما قد نقصت درجاتي ابداً ] فلذلك نصيحتي لك و للجميع عدم حل الواجبات و المناقشات بالتتابع لنفس الماده .

رد: تكفون رايكم يهمني يا تاج راسي
 

رد: تكفون رايكم يهمني يا تاج راسي
 

والله يا أخي ما أنصحك تنسحب من الجامعة

أنت خلاص عديت نص المشوار


والله يتمم لك فرحت التخرج بمعدل يرضيك


إعزم أمرك ولا تترك لنفسك فرصة للتردد


اما بالنسبة للدرجات الفصلية إرفع تظلم وإن شاء الله مايكون إلا خير


أكثر من شخص رفعوا تظلم وتم تعديل درجة مشاركاتهم


والله يوفقك وييسر أمرك

رد: تكفون رايكم يهمني يا تاج راسي
 

السلام عليكم ورحمة الله وبركاته
الاخ ماجد

اسمع نصيحتي وانا اخوك ... اعتمادي دايم على الافتراضي والبلاك بورد ماعمري طبيته إلا المستوى السادس علشان محاضرة مباشرة وحدة مانزلت في الافتراضي


رأيي لك تنزل المحاضرات على فترات متفاوته ولا تضغط نفسك قبل الاختبارات لان الموقع يصير عليه ضغط

وتسوي لك جدول متابعة .. وبعد ماتخلص من تنزيل كل شئ ترجع تشيك على الواجبات والمناقشات ونتزل المحاضرات المسجلة والمباشرة مرة ثانية ماتاخذ منك وقت

بالنسبة للمناقشات خل فيه وقت بين المناقشات لانه يطلع عندهم الوقت والتاريخ .. اما بالنسبة للمباشرة نزلها وشغلها كاملة ومو لازم تكون عندها .. انا اشغلها واكتم الصوت واتفرج على التلفزيون وإذا عندي شغل طلعت وهي تشتغل .. واذا جيت انام شغلت محاضرة ورحت انام

وبعدها انا اضمن لك الدرجة الكاملة وبالتوفيق ان شاء الله

رد: تكفون رايكم يهمني يا تاج راسي
 

رد: تكفون رايكم يهمني يا تاج راسي
 

والله حرام بعد هالتعب تسحب ملفك انا استخدم نظام الافتراضي والبلاك بورد ما احبه ولا اخش عليه
نصيحه لك
خلك ع الافتراضي وحدد لك يوم في الاسبوع تحمل فيه محاضراتك
عشان ما يتراكمون عليك وعشان الموقع بعد مايعلق بسب الازدحام
عندكم اوقات معينه مافيه زحمه ع الموقع بعد الفجر الصبح الساعه 6
واحيانا الساعه وحده يكون فاضي الموقع
اختار وقت مايكون فيه ضغط ع الجامعه عشان مايعلق
لانه اذا علق مراح تحسب لك الدرجه
بالتوفيق
واسفه ع الاطاله

رد: تكفون رايكم يهمني يا تاج راسي
 

نفس مشكلتك انا كانت تنقصني درجات بالاعمال الفصليه لما ارسل تظلم يردون انها بسبب المحاضرات مع اني احملها كلها والمباشرة احضرها السيستم الي راح وهذا نزلت كامله لاني صرت انزلها كلها حتى المباشره الي حضرتها وافتحها عشر دقايق انا استعمل نظام البلاك بورد ( اسهل شيء عشان المناقشات نسخ ولصق بس خل كم دقيقه بين كل مناقشه والثانيه ) ونفس نصيحة الاخوان لا تحمل كل شيء بوقت واحد حمل كل يوم محاضرتين او ثلاث من كل مقرر وكم مناقشه

بخصوص تغيير الجامعه ما انصحك انت مشيت بمشوار كمله وان شاء الله بيرتفع معدلك التراكمي وحاول تقدم تظلم ع درجتك بالاعمال الفصلية ما راح تخسر شيء يمكن فيه غلط من جهتهم والله يوفقك

رد: تكفون رايكم يهمني يا تاج راسي
 

لاتنسحب وسو لك جدول ولحل المناقشات وتحميل المحاضرات المباشرة والمسجلة وامورك في السليم ان شاءالله

هانت مابقى شيء وتخلص وبالنسبه للمعدل بيرتفع ان شاءالله اذا جبت درجات قوية خلال الاربع سمسترات الجاية
وبالتوفيق يارب لاتيأس ولاتخلي شيء يوقف طموحك

رد: تكفون رايكم يهمني يا تاج راسي