|
استفسارات مهمه.!!
السلام عليكم
انا طالب مستجد بالكلية وعندي استفسارات ياشباب اتمنى الرد عليها اولاً الدوام الرسمي اي يوم او من الاسبوع القادم.!! ثانياً الجدول استلامته يوم الاحد .! ابغى ابدل حصص مثل يوم السبت مادة واحده فقط والاربعاء كذلك وانا ساكن خارج الاحساء وصعبة اجي يوم كامل عشان ماده فكيف اعدل مواعيد الحصص هاذي واخليها مع الاحد والاثنين والثلاثاء ويصير السبت والاربعاء فاضي وانا تخصص محاسبة ابغى اعرف المواد كامله استلمت الجدول فيه 1- رياضيات عامه 2-لغه انجليزية عامه 3-ثقافة اسلامية 4-لغه عربية 5- مبادىء ادارة الاعمال 6-التوجيه المهني والتميز وكم مادة متبقية واسماء المواد ان امكن.! وآسف على الاطالة :(164): |
رد: استفسارات مهمه.!!
معقولة ياشباب مافيه ولا رد :(154):
|
رد: استفسارات مهمه.!!
هلا اخوووي ...
شوف بالنسبة لبداية الدراسة ... أغلب شيء تبدأ من السبت الجاي ... هذا الاسبوع فقط لتعديل الجداول وغيرها ... وبالنسبة لتبديل المحاضرات ... بإمكانك إخبار مدرسين هذهـ المواد اللي تكون يوم السبت والأربعاء ... تقدر تصير مع شعبة ثانية في إحدى الأيام الثلاثة .... بس بالأول تكلم مدرس المادة إذا كان عندهـ مجال يخليك في إحدى الشعب الثانية ... أما عن المواد الباقية فأعذرني لا علم بها .... أنا تخصص إدارة مكتبية :(164): |
رد: استفسارات مهمه.!!
يعطيك الف عافيه اخوي ع الرد على الاستفسارات
وهل اقدر احول من تخصص محاسبة الى تخصص ادارة مكتبية او لا |
رد: استفسارات مهمه.!!
شوووف ...
اللي اعرفه عن التحويل من تخصص إلى آخر ... هو إنه لازم تجيب معدل اكثر من 3 ونص تقريبا ... وتقدر تغير الفصل الجاي .... يعني يبدأ التقديم على تغيير التخصص قبل نهاية الفصل .. ومن الفصل الجديد تكون في التخصص الجديد ... بس بشرط انه معدلك يكون اكثر من 3 ونص ... تقريبا 4 ... بس شووف .. انت الحين باقي ما بعد تدخل في التخصص ... هالمواد اللي تدرسها كلها عامة ... ما فيها ولا مادة داخله في تخصصك ... بس مدري إذا كنت تقدر تغير تخصصك من السنة الاولى او لأ ... يفيدوووك الأعضاء الأخبر مني بهذا الشأن :(204): وتقدر تسأل مرشدكـ في الكلية ... أو حتى شؤوون المتدربين ... أتمنى إني افدتكـ |
رد: استفسارات مهمه.!!
آلف شكر لك ياغالي ماقصرت ,, وآسف اتعبتك معي :mh318:
|
رد: استفسارات مهمه.!!
لا عادي لا تعب ولا حاجة
كلنا هنا نفيد ونستفيد من بعض ... :(204): اليوم افيدكـ ... بكرة ما تدري ممكن استفيد منكـ :) ... لذلك كلنا هنا محتاجين لبعض :(164): حياك اخووووي بين اخوانك واهلك |
رد: استفسارات مهمه.!!
[align=center]
تقدر تغير تخصصك بعد هذا السمستر اذا جبت معدل 3.75 وما فوق وعلى فكرة مو صعب تجيب هذا المعدل بس يبيله اشوي مذاكرة قبل نهاية هذا السمستر بتشوف اعلانات عند شؤون المتدربين للي يبي يغير تخصصة وتقدم على تحويل واذا تبي تفاصيل اكثر اسئل شؤون المتدربين وهم بيعطونك كل التفاصيل بالتوفيق [/align] |
| All times are GMT +3. الوقت الآن حسب توقيت السعودية: 06:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام