إفـآدهـ للفحص الطبي ~
 

السـلام عليكم ،،

بالنسبة للي طلع لهم القبول في الدفع الأخيـرهـ

وش سووا ع الفحص الطبي

رحنآ للقبول والتسجيل وقالوا لازم تطلع بالموقع طيب وين اشوفها بالضبط

ماني عارفه

افيدونـآآ بليييييز

ويعطيكم العافيه

رد: إفـآدهـ للفحص الطبي ~
 

وعليكم السلام ورحمة الله وبركاته
انا ماسويت فحص في البداية الادارة قالوا لي اخذ ورقة الكشف الطبي من قسم الرجال
وفعلا اخوي اخذها من عندهم ولما راح لهم مرة ثانية يكمل الاجراءات قالوا له خلاص هالورقة
الغوها وقالوا انه هم بيكلمونا وبس وسالت طلع في بنات غيرنا ماسوا بعد وهذا احنا ننتظر
اما بالنسبة للموقع مدري والله انا عني ماحد قال لي بس اذا في بنات طلعوها من الموقع ان شاء الله يفيدونا
بالتوفيق ان شاء الله

رد: إفـآدهـ للفحص الطبي ~
 

الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

اختي هذا النموذج موجود في نتائج القبول في صفحة البداية بس هذا الزر مقفول يعني ما تقدر تفتحه لان التسجيل انتهى

لذا يجب عليك تأخذين النموذج من عمادة القبول والتسجيل وكل شي سهل في الفحص
اول شي تأخذين النموذج لمستوصف الجامعة ويعطونك نموذج الاشعة ونموذج الدم وبعدين
يكون في اللجنة الطبية تاأخذين فجص الدم من عندهم والاشعة من من مستشفى الملك فهد

و باقي الفحوصات من مستوصف الجامعة

وبالتوفيق يا اختي اتمنى اني ساعدتك

سلام

رد: إفـآدهـ للفحص الطبي ~
 

وهذا الي فيه النموذج بس مغلق الرابط
http://www.kfu.edu.sa/AR/DEANS/ADMIS...ages/main.aspx

رد: إفـآدهـ للفحص الطبي ~
 

انا رحت لمكتب وحده فووق بمبنى الطب وقالت لي لازم ولي امرك يروح مكتب القبول

والتسجيل ويجيب لك الورقة وخليت ابوي يروح بنفس اليوم قالوا له لا اول شي

تطلعها من الموقع

وكل واحد يقوول كـلآم من عندهـ

بس تكفين اذا صآر اي شي وجيتي بتسوين الفحص بلغيني بلييزز

سلمت ع الرد

رد: إفـآدهـ للفحص الطبي ~
 

إي قلت لكم رآح ولي امري العمـآده وقالوا له هالكـلآلآم

يآربي شالعمل معاهم ذيلي اجل ليش يقولون تطلعها من الموقع والموقع مقفلينه

يعطيك العآفية وسلمت ع الرد

رد: إفـآدهـ للفحص الطبي ~
 

أختي قولي حق والدك يقول لهم انه الموقع مقفل يعني ما تقدر بنت تطبع النموذج وكذا خلاص يقدر

وقولي له لا تروح حق موظف عادي قولي له رح حق العميد او النائب تبعه عشان يظبطكم يعني عميد القبول والتسجيل

ولا تتعبي حالك يعني الكلية ما راح تفيدك روحي لعمادة القبول والتسجيل موفقة بإذن الله ... لك مني أجمل تحية .

رد: إفـآدهـ للفحص الطبي ~
 

ولا يهمك ان شاء الله اي تطور بيصير ببلغك
الله يسهل امونا وامورك

رد: إفـآدهـ للفحص الطبي ~
 

رد: إفـآدهـ للفحص الطبي ~
 

الله يكون بعونكم .... انا من بعد الشوته اللي اخذناها انا وكم بنت ... غسلت ايدي منهم هههههههههههههههههه