و المستوى الاول
 

فيه اقتراح يا اخوان ويا اخوات ونبي التصويت عليه من الجميع

اشرايكم نرسل على فاكس الجامعه من قبل جميع الطلبه والطالبات مناشده لتخفيض الرسوم

انتوا عارفين كم عدد طلاب المستوى الثاني بالسمستر اللي طاف ؟؟

11000 طالب وطالبه بالتمام والكمال

هذا وما كان منتشر موضوع الجامعه وان فيها دراسه انتساب

فكم تتوقعون عدد طلاب وطالبات المستوى الاول هذا السمستر

اتوقع والله العالم اصبح عدد المنتسبين 25000 اذا مو أكثر

تعالوا نحسبها

كم كانت رسوم السمستر الاول ؟؟

11000 ضرب 2470 = 27 مليون ريال

ولو قلنا هالسمستر بعد 27 مليون ريال

يطلع دخل الجامعه من موضوع الانتساب لدفعه وحده فقط حول الـ 54 مليون ريال

تبون نحسب الدفعه الجديده اللي هم مستوى اول ولا خلاص اتضحت الفكره ؟؟

ياجماعه احنا قاعدين نتكلم عن مبلغ يتجاوز الـ 100 مليون ريال في السنه الوحده

عليهم بالعافيه بس ما سئلتوا انفسكم سؤال عن ( رسالة الجامعه ) في توجهها نحو التعليم

المطور والانتساب ؟؟

الاخوان يقولون رسالتنا تثقيف الشعب وتعليم اكبر شريحهه ممكنه وتسليحهم بالشهاده

الجامعيه ( يعني الهدف نبيل لأقصى حد )

طيب الكثير وراهم بيوت واطفال ومصاريف ما ودكم تخفضون الرسوم وتقنعون بأرباح أقل

لتصل رسالتكم للمجتمع بمصداقيه أكبر ؟؟

اتمنى عدم حذف الموضوع ففيه مصلحه كبرى للجميع وأتمنى التصويت والنقاش عن الطريقه

المثلى لرفع الطلب لإدارة الجامعه

رد: و المستوى الاول
 

كلام سليم 100% :(204):
بس بالنهاية الحاجه لنـآ ..

رد: و المستوى الاول
 

قسم بالله يا اختي عندي المقدره ادفع الرسوم

وكاش للأربع سنوات

بس أعرف ناس مادفعوا الا على اخر يوم وبغى يفوتهم التسجيل بسبب الضائقه الماليه

مو حرام يحرمونهم من الدراسه علشانهم يادوب يلحقون مصاريف بيوتهم ؟

صحيح احنا محتاجين الشهاده

وبندفع

بس ليتهم يقنعون بالربح القليل والاجر الكبير عند رب العالمين

ولا انتي اشرايك ؟

رد: و المستوى الاول
 

:(164): الله يعين صراااحه اناا معاااكم مره مرتفعه الاسعااار واكثر الناس ماسجلووا الا يوم جاء الرااتب
الصرفيه لهاااااا دوووورها الحين

رد: و المستوى الاول
 

ايه صحيح ..

اذا انا وآنت وغيرنا عندهم القدره على الدفع ..
غيرنا حتى الكتب مو قادر يشتريهم فما بالك دفع الرسوم !

من جد شي يحزن ..

تتضارب رغبة الانسان في حب التعلم والتطوير من نفسه مع عدم قدرته على تنفيذ هذي الرغبة والسبب القدرة المالية الضعيفه اللي تعرقل مسيرته !

للاسف مافيه نظرة من قِبل الجامعه لهالفئة أبداً
:(154):

رد: و المستوى الاول
 

كلام منطقي بس تبقى اقل رسوم من غيرها ونطمح الي تخفيض الرسوم

رد: و المستوى الاول
 

اعتقد ان موضوع الرسوم محدد ولا راح يتخفض

ولو اخذنها بلمنطق تكاد تكون اقل دراسة بكالريوس بلعالم كله

يعني قيمة الساعة الواحدة 165 ريال مبلغ حلو

بس الله يسمع منكم وتصير الساعة 100ريال بس

على الأقل الكل يقدر يدفع

رد: و المستوى الاول
 

من جد وفعلا كلامك صحيح احنا عن انفسنا نقدر ندفع الرسوم لكن في غيرنا يتمنى يكمل دراسته لكن الرسوم منعته من ذلك وفي كثير تراجعوا من البرنامج البرنامج مرة حلو بس ياليت يخفضون الرسوم علشان الكل يقدر
يستفيد

رد: و المستوى الاول
 

معاك يالغالي تعتبر اقل رسوم بين الجامعات

بس انا بنيت كلامي من منطلق رسالة الجامعه المعلنه بالموقع

إن هدفهم غير مادي بل تثقيفي بحت

رد: و المستوى الاول
 

والله اعرف ناس كانو بيسجلون معاي

لكن يوم عرفو بالرسوم تراجعو

2700 نص الراتب ههههههههه