متى الفرج
 

والله هالكليه حاله يعني حنا من الدفعه الأولى ولا ملاقيين لنا وظايف عالأقل يطلقون سراحنا ويعطونا شهايدنا ولايستون تنتهي الوظايف الحكومية وبعدين يحلون مشكلتهم والله ميه حاله

ماقول الا حسبي الله على كل ظااااااااااااااااااااااالم :Cry111:

رد: متى الفرج
 

:s12: لاتندم على مافات :s12:

هاذي من قرادتنا والله

ولا لو اني كملت بكلية الهندسة كان هالحين باش مهندس بوحده من هالشركات...

لكن مااقول الا ياشين الفهاوه...:bngo12:

رد: متى الفرج
 

الله يعوض علينا وعليك يا جذاب
والله ان حالنا تكسر الخاطر
بس وش نسوي نتكلم لعل احد يسمعنا ويداوي جرحنا

رد: متى الفرج
 

راح اعطيكم الحل...

وان شا ء الله تنجح معاكم هالخطة

رد: متى الفرج
 

ياربي انا خلاص كرهت شي اسمه كليه سلطان ودي اسحب ملفي:Cry111:

الله يوفقكم ويوفق الجميع يارب

رد: متى الفرج
 

اسعفنا بالحل ياجذاب ترانا رايحين فيها من التحطم:bngo12:
واليوم ادق من مسئول لمسئول وماحد معطينا وجه كاني رايحه اطر من عندهم ماكاني ماخده شهاده وداك المعدل الي في العلالي وفرحانه بنفسي واخر شي اقعد بالبيت ومطنشيني بعد :Cry111:
حسبي الله عليهم:praying:
مطنشه الله ييسر لك واقول انشاء الله حالك ماتكون من حالنا:s11:
بس انا ابغى اعرف الدفعه الثانيه بالكليه وش سوت؟؟ ولا وش بتسوي :mh19:

رد: متى الفرج
 

حظ عاثر
انتي مين يا اختي :D
ممكن تعلميني :D
على الاقل قولي لي اول حرف في اسمك يمكن اعرفك :mh19:

رد: متى الفرج
 

انتو يابنات الكليه وبالنسبه للاسنان وربي انكم رحتوا فيها تدرون ليش؟ الخدمات بالرياض يقولون المستشفيات مكتفيه منكم وماهم دارين ليش باقي فيه قسم اسمه أسنان :d5:

رد: متى الفرج
 

وشلون مكتفيه يا حنون :000:

المستشفيات مافيها فيمييييييييييل

يعني هايجنست فيميل مافيه
كلهم رجال

ولا بعد ليتهم يشتغلون
كلهم متكين وشوف عيني فيه بعضهم ما يداوم ساعتين على بعض!!

ما صار فيه فيميل الا من بعد ما جينا احنا وطبقنا
اصلا انقذناهم وحزتها بس صار القسم يشتغل
اقصد سكيلنغ وبلشنغ :d


والقاعده كان فيها يمكن 5 ميل و2فيميل


والعسكري 4 ميل ومافيه ولا فيميل :000:



وين معه مكتفين؟؟؟؟

رد: متى الفرج
 

والله مدري وش أقول لكن شوفوا الأرقام اللي نزلت واشتغلوا وراهم ونشفوا ريقهم لن الظاهر التوظيف صار بالدس ومن تحت لتحت لكن ما أقول ألا الله لايردها كليه ولا يرد اليوم الي سلمتهم ملفي ولا يرد اليوم اللي درست فيه بكليه زي كليتنا


وربي ماهي الا تضييع وقت والنفسيه من جد زفففففففففففففففففففت



وكل ماقلت هانت جد علم جديد



ان حكينا مااسمعونا ون سكتنا قهــــــــــــــــــــــــــــــــــــــــــــــــ ــــــــر








:s12: