ملتقى طلاب وطالبات جامعة الملك فيصل,جامعة الدمام - طريقه المحاضرات المسجله ومنتدى الحوار في البلاك بورد .... قد تم توضيحها لكم بالصور {للطلاب والطالبات مستوى اول جميع التخصصات}

السلام عليكم ورحمه الله وبركاااته

اتمنى الجميع بصحه جيده يااااااااارب

انا بصراحه لاحظت كثير من الطلاب والطالبات {المستجدين}

دائما يسالون عن طريقه تحميل المحاضرات وكيف تحسب لنا الدرجات وكيف النظام و...........الخ

انا حبيت اوضح لكم الطريقه بالصوره كيفتحضرون المحاضرات ومن خلالها تستطيعون الحصول ع الدرجه الكامله باذن الله سوا حضرتم المحاضرات او حملتوها

الطريقه الاولى:
تفتحون البلاك بورد تطلع عندك موادكم كلها وهذي مثال لكم....

http://dc17.arabsh.com/i/02700/g62cfemycgjv.png
بعد ماتفتحون الماده راح تطلع عندكم هذي الصوره....

http://dc17.arabsh.com/i/02700/1rgp3bzc02dk.png

انا وضحت بالصوره ايقونه المحاضرات المسجله والمباشره
*المباشره بس يجي وقتها راح اشرح لكم كيف الطريقه ....اوك

المهم بعد ماتفتحون ايقونه المحاضرات المسجله بتطلع عندكم هذي الصوره..!!
http://dc16.arabsh.com/i/02700/a14zspja6ote.png
انا ع حسب المثال اخترت المحاضره التمهيديه اووك بس انتو طبعا هذي الطريقه تطبقونها ع جميع المواد وجميع المحاضرات انا بس اعطيتكم مثال

http://dc16.arabsh.com/i/02700/2sjvq2ycutjc.png

زي ماتشوفون قدامكم ثلاث اسهم عندك ثلاث خيارات للحصول ع الدرجه الكامله
اما عن طريق المشاهده
او تحميل المحاضره
او تحميل المحاضره بالصوت فقط
{نصيحه انا افضل التحميل عشان لو احتجتوها بيوم من الايام تلاقونها عندكم لان احيانا البلاك بوورد يعلق وممكن تتوهقون عشان كذا يفضل التحميل}

خلصنا من طريقه المحاضرات المسجله كيف طريقتها اوووك

الحين بنروح لطريقه منتدى الحوار كيف تشاركون فيه بعدين............

الطريقه الاولى: برضو تختارون الماده الي حابين تشاركون فيها حاليا
المثال عندكم ماده استماع واستيعاب اضغطو عليها
http://dc16.arabsh.com/i/02700/5r77pkji5u6u.png

بتطلع عندكم هذي الصوره الحين ع جهة اليمين في ايقونات
معلومات الدكتور
محاضرات المسجله
المحاضرات المباشره
منتدى الحوار<< صح
http://dc16.arabsh.com/i/02700/cykt28fklxwm.png

طبعا تختارون منتدى الحوار وبتطلع عندكم هذي الصوره؟

http://dc16.arabsh.com/i/02700/q1eyuej9fqou.png

عندكم الحين ثلاث ايقونات اختارو وحده فقط وشاركو فيها اكتبو المشاركه وارسلوها
وزي ماقلت 20 مرة في كل ماده وتحسب لكم الدرجه الكاامله
هي اقل من 20 مشاركه تاخذون الدرجه كامله بس انا نسيت كم طلبو منا
ولكن للاحتياط خلوها 20 مشاركه

ملاحطه/ بخصوص الواجبات والمباشره بس تطلع الايقونات راح اصورها لكم واشرحها لكم بنفس هذي الطريقه ان شاء الله اوووك..........

اما بخصوص الدرجات الـ30

توزيع الدرجات بتكون كالتالي:
10 درجات منتدى النقاش الي هو موجود في البلاك بورد بتلاقون 3 ايقونات وحده للماده وحده للاختبارات ووجده للواجبات {اختارو وحده وشاركو فيها ومجرد ماترسلون المشاركه تحب لكم نقطه لازم ترسلون تقريبا 14 مشاركه} ممكن تتغير الانظمه عشان كذا استنو شوي لا تستعجلون
5 درجات ع المحاضرات المباشره الاولى والثانيه {متى المحاضرات المباشره } بس تنزل بنخبرك بينزلون اعلان في الجامعه ع البلاك بورد جدول المحاضرات المباشره {كيف طريقه الدرجه تقدرون تدخلون واول مايسجل دخولكم تحسب لكم الدرجه
والـ5 درجات الثانيه حطوها للمحاضرات المسجله الي هي المنهج الي تدرسونه{بس تفتحون الفيديو او تحملونه تحسب لكم الدرجه}
والـ10 درجات الاخيره ع الواجبات عندنا واجبين طول الترم الاول عليه 5 والثاني عليه 5 طبعا الواجبات عندك ثلاث محاولات فقط
وفي الاخير تصير 30 درجه

ملاحظه/ في حاله ماقدرتو تدخلون المحاضرات المباشره وهذي اكثر المشاكل كانت تصير عااادي لا تخافون بعد ماتنتهى مدة المحاضرات المباشره الجامعه بتنزلها ع البلاك بوورد مسجله فيكم ترجعون تسمعونها مرة ثانيه وتحسب لكم الدرجه الكاامله باذن الله

اتمنى اني افدتك بشكل واضح واي سؤال او اي استفسار كلنا بالخدمممه
واتمنى التوفيق والنجـــــــــــــــــــــــــآح للجميع ياااااااااااااااارب
:106: