|
كشتات جبارة للشباب السعودي
بسم الله الرحمن الرحيم والصلاة والسلام على اشرف خلقه سيدنا وحبيبنا محمد اما بعد ولله الحمد لي عاده شبه سنوية اثناء الكشتات يكون فيه توزيع كسوة ومؤنة للرعاة اثناء التجوال لعلها تكون سبب في مغفرة الله جل في علاه .. وكانت الوالده (ام يوسف )رحمها الله اكثر من اعانني في الاستمرار على هذا العمل وتطويره ولله الحمد..و كان لها اثر في التوزيع الاخير قبل وفاتها بشهر من بذل بالمال والجهد وابشركم انتقلت لرحمة ربي جل في علاه وهي صائمة كعادتها في الاثنين والخميس وايام البيض وتعتبر السنة هذي من اقوى الاعمال ولله الحمد والمنه بفضل مساعدة الوالده رحمها الله والاخوة والاقارب والاصدقاء فلهم الدعاء والشكر ندخل بالموضوع طبعاً الفئه المستهدفه في هذا المشروع هم الرعاة هي رحلتين يفصل بينهم عشرة ايام فقط وكانت الرحله الاولى في نهاية شهر ذي الحجة1431هـ والثانية في بداية محرم 1432هـ وكان العدد في مجموع الكسوة والمؤنة تقريباً 125كسوة فالشكر موصول لكل من ساهم . طبعاً لكل راعي شنطة وفراش والشنطة نبي نوريكم وش فيها من مكونات نبدأ بالصور فازلين / فقس / صابون / فرشة ومعجون / ولاعة / مقص اظافر / امواس حلاقة http://up.albrari.com/uploads/12940071657.jpg طبعاً هذي الكركبة في بيت الوالده رحمها الله http://up.albrari.com/uploads/12983105184.jpg كرتون فوط http://up.albrari.com/uploads/12983105185.jpg هذي السيارة مزودة بتانكي ماء سعة 550 لتر ومليانه تحليه عشان يكون سقية برضه نعبي لرعاة http://up.albrari.com/uploads/129831051812.jpg الانطلاقة من عنيزة الحبيبه وكان خط السير تقريباً عنيزة .. قبه .. البعيثه .. الزبيرة.. سامودة .. لينه .. رفحا .. سكاكا .. الجوف .. حايل ثم العودة .. وهذه بعض الصور الي قدرنا نصورها لكم لأن صراحه كان الوضع لايسمح في الغالب http://up.albrari.com/uploads/12979816807.jpg قصدي ان فيه بعض الاحيان يكون الراعي في وضع مأساوي يستحي ناخذله صورة http://up.albrari.com/uploads/12940622753.jpg اما اذا كان مبسوط مثل الحبيب يكون الوضع عادي http://up.albrari.com/uploads/129406227611.jpg مالقينا له الا هذا المكان ركب معنا حتى يدلنا على احد اقاربه راعي بالجوار http://up.albrari.com/uploads/12983107582.jpg طبعاً ابو عبدالله موشط (مغرز بقوة) الموتر ومسمينه قش المصري لأنه يشابه احبابنا من مصر اثناء السفر هههههههه http://up.albrari.com/uploads/12940622754.jpg http://up.albrari.com/uploads/12940622755.jpg بعض الرعاة يحسبنا نبيع فنجلس نفهم http://up.albrari.com/uploads/129798168113.jpg وفي كل ذات كبد رطبة اجر ولله الحمد كان معنا كتب لغير المسلمين http://up.albrari.com/uploads/129798168115.jpg http://up.albrari.com/uploads/12979816808.jpg تعبير مؤثر http://up.albrari.com/uploads/129798168116.jpg وكتب للمسلمين ايضاً http://up.albrari.com/uploads/12979823561.jpg بعض مساكن الرعاة http://up.albrari.com/uploads/12979823562.jpg طبعاً بعضهم والله ثم والله في الشمال ولا معه الا بطنية مثل فراش المسكين وعادي يموت من البرد http://up.albrari.com/uploads/129798235610.jpg يتوسد الحجر الله لا يقسي قلوبنا http://up.albrari.com/uploads/129798235611.jpg انتبهوا للفراش http://up.albrari.com/uploads/12979816806.jpg حزن http://up.albrari.com/uploads/129798235612.jpg ثم فرحه http://up.albrari.com/uploads/129798235613.jpg الهدف من الكشته انت تبي تاصل ناس ..الديرة عنهم بعيده والظروف اجبرتهم فلا تبخل عليهم من ماعندك http://up.albrari.com/uploads/129798235614.jpg http://up.albrari.com/uploads/129798235616.jpg اذكر احد القصص اثناء التوزيع شفت اخ من احد الدول العربية راعي المهم سلمت عليه وسألته عن اوضاعة فلقيت رجليه متجرحة من ظاهر رجله ولبسه رث وعطيته الفراش والشنطة فمشيت من عنده فلمحت الرجال كأنه يبكي فرجعت لمه فسألته وش فيك ماقدر يتكلم فصراحه خميته رحمته فقال ابكي عشان مادري كيف اشكركم قلت ياخي حنا بشر وربي رزقك اشكر الرزاق الي ينعم علينا وله الفضل والمنه صراحه موقف ما انساه http://up.albrari.com/uploads/12979827011.jpg ومن ضمن المواقف لقيت رعاة اثنين من النيبال واحد مسلم له يمكن شهر والثاني كافر وكان يدور كتاب عشان يدعو زميله للاسلام فكان موقف حلو جداً فتأثر النيبالي المسلم والكافر وكانت دفعه قوية عشان يدعوه http://up.albrari.com/uploads/12979827012.jpg http://up.albrari.com/uploads/12979827013.jpg لوتعطس يمكن يشمتك عراقي بالعراق من القرب هههههههههه http://up.albrari.com/uploads/12979827014.jpg http://up.albrari.com/uploads/129831051811.jpg الديزلية مستبسله بدروب لوهي طويله http://up.albrari.com/uploads/12979827019.jpg نستودعكم الله ولاتنسونا من صالح دعائكم لكل من شارك في هذا العمل واخص بالذكر الوالدة ام يوسف رحمها الله مع تحيات بندر الخالدي (ابو وتو) ليتنا نتأمل هذا العمل الجليل العظيم الذي قام به هؤلاء ، وقد يستصغر أحدنا العمل لكنه عند الله جليل . |
رد: كشتات جبارة للشباب السعودي
:d5::d5:
واو موضوعك خطير ومميز مروقه..ئ خاصتن انها بالبر واهل البر.وافعالهم الزينه..~ لاعدمناك يالغلا ..:106: والله يجزاهم خير ..~ |
رد: كشتات جبارة للشباب السعودي
:love080:
ماشاء الله كشته روعه تمشيه + دعوه للاسلام + صدقه على العمال الله يجزاهم خير والف شكر على النقل |
رد: كشتات جبارة للشباب السعودي
الموضوع بـصراحه مؤثر بشكل كبير ,
والله يجزاهم كل خير هالشباب اللي سافروا وتعنوا علشان يوزعون الكسوة على هالمساكين , الشباب تاركين أهلهم ومشاغلهم وينتقلون من مدينة لي مدينة علشان يوزعون أشياء على الرعيان اللي كفلاء الرعيان ما وفروها لهم , ومن أبسطها كسوة وبطانية ينام فيها ويدفي نفسه من البرد تالي الـليل !! فيه صور في الموضوع تكسر الخاطر وتعور القلب , خصوصا صورة اللي مخلي الحصاة مخده له !! حنا يالله لك الحمد فراش طبي ومخدة طبية وديباجات وبطانيات ولمبات للنوم وحركات مدري شقول عنها , لا ومرات من زود الفسقه بعضنا يروح نغير الفراش والمخدة وإضاءة الغرفة وديكورات الغرفة وخرابيط الغرفة :017: !!!!!!!! وهذولا ينامون بـ الخلا , بين العقارب والديبان والذيابة , وبعضهم ينام في مكان ما يصلح أصلا إنك تقعد فيه !! ولكن لقمـة العيش صعبة , وإلا البنغالي والنيبالي لو يحصل له وظيفة في ديرته , ما ترك أهله وتغرب وتبهدل , حنا في نعمه محتاجة شكر وحمد علشان تدوم :119: , لا نبطر ونفسق على نعمة الله . رايقـة .. تسلمين عـ الموضوع , ولو الله ثم موضوع ما عرفت عن هالفعل الكبير اللي قام فيه الشباب , ومعلش .. إسترسلت بالكلام , السموووحه :smile: . :106: |
رد: كشتات جبارة للشباب السعودي
اقتباس:
اطلقتي موضوعي حياك الله :53: |
رد: كشتات جبارة للشباب السعودي
اقتباس:
والله يجزاهم بالخير ويجزاك اسعدني مرورك :119: وتوقيعك:(204): |
رد: كشتات جبارة للشباب السعودي
اقتباس:
كثير من الناس الحمد لله يتصدقون دائما لاكن ماجا في بال اي احد يتصدق على ( الرعاة) <<<<<<مع ان كفيلهم المسؤل عنهم بس مثل ماقلت الحاجه تذل :icon9: وماصدقت الى درجه ان كفيلهم مو موفرلهم هاذي الاشياء :mad: وانا الي عور قلبي شلون ينام ببطانيه وحدة ولا بالشمال<الشمال بررررررد وبطانيه وحدة حنى بالشرقيه واسنانا تتصافق و ننام على 3 بطانيات لو نبي والحمد لله على النعمه الي عايشينها:smile: والله يرحم ام يوسف << صاحبه الفكرة و ميخالف عادي اخذ راحتك بموضوعي عشان اخذ راحتي بمواضيعك :53: حياك تعال كل يوم <<<<<<<<<لاتصدق:mh12: |
رد: كشتات جبارة للشباب السعودي
يالله تووي أشوف هالمناضر إلي تقطع القلب
أنا سمعت عنهم وشفت أعظم بس منظر نومه في البر وبطانيه وخذته حجر ألمني وألمني كثير أكيد في حالات أسو من هالحالات رحم الله من أظهر الحق ... لك الحمد والشكر واخوي ساد هارت حتى في ناس سعودين تغربوا علشان العمل وفيه ناس مستعدين ومتمنين يحصلوا على عمل ربنا اغفر لنا وارحمنا برحمتك الشكر موصل لصاحبه الموضوع |
رد: كشتات جبارة للشباب السعودي
اقتباس:
حياك الله طال الوعد ومثل ماقلت رحم الله من اظهر الحق اسعدني مرورك :119: |
رد: كشتات جبارة للشباب السعودي
:d5::d5::d5::d5::d5::d5::d5::d5:
|
| All times are GMT +3. الوقت الآن حسب توقيت السعودية: 12:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام