خاص لطلاب الرياض فقط ،،بخصوص مواقع الإختبارات !!!
لاحظت كما لاحظ الجميع ان جميع مواقع الإختبارات في مدينة الرياض تقع فقط في شرق الرياض !!! هل مدينة الرياض المترامية الأطراف والتي تبلغ مساحتها تقريباً 50 * 50 كيلو لايوجد فيها مناطق غير شرق الرياض !!! مو معقول ، لكن يبدو ان مندوب الجامعة أول مايصل الى الرياض من الأحساء يفرمل في شرق الرياض ويبدأ في البحث عن مواقع للإختبارات !!
أنا من سكان غرب الرياض في ظهرة البديعة والكثير من معارفي والذين يختبرون مثلي في نفس منطقتي تقريباً ، ومع ذلك نقطع مسافة طويلة جداً الى شرق الرياض في حي النسيم من أجل الإختبار يعني أقطع حوالي 40 كيلو روحة ومثلها رجعة !! لذلك نطالب المسؤلين في الجامعة بتوزيع أماكن الإختبارات في جميع جهات الرياض ( الشرق والغرب والشمال والجنوب ) وياليت يكون هذا في موقع الخدمات الطلابية أماكن الإختبارات ، وكل طالب يختار المنطقة المتواجد فيها حتى يتم تحديد أماكن الإختبارات حسب طلب كل طالب وبالله التوفيق ،،، |
رد: خاص لطلاب الرياض فقط ،،بخصوص مواقع الإختبارات !!!
اخوي ابراهيم الله ييسر امرك حاول انك تطرح ذا الموضوع في منتدى النقاش لعلك تجد من يطلع عليه من اعضاء الجامعة وخاصة الدكتور عبدالله النجار وتجد النتيجة المرجوهـ دمت بخير عزيزي
|
رد: خاص لطلاب الرياض فقط ،،بخصوص مواقع الإختبارات !!!
اخوي وين لقيت مواقع الاختبارات ؟
دخلت الخدمات الطلابيه حاطين لي المدينه اللي اخترتها فقط مافيه اماكن اختبارات ويعطيك العافيه |
رد: خاص لطلاب الرياض فقط ،،بخصوص مواقع الإختبارات !!!
اذا انتم يا الشباب اربع مركز اختبارات
احنا يابنات مركز واحد وبالشمال من جد والله معاناه بس نقول يسرها تيسر ان شاء الله |
رد: خاص لطلاب الرياض فقط ،،بخصوص مواقع الإختبارات !!!
اقتباس:
اختي يعطيك العافيه وين لقيتو عناوين المراكز مافيه عندي شي :(107): مكتوب بس الرياض وفي الخدمات الطلابيه عناوين مراكز الاختبارات ما تفعلت من وين جبتو ها الاشياء |
رد: خاص لطلاب الرياض فقط ،،بخصوص مواقع الإختبارات !!!
مساء الخير ,,,,,
أخوي إبراهيم انا من الرياض ولكن ماحصلت أسماء المراكز بحثت في الموقع ولم اجد شي سواء المدينة ياليت توضحلنا كيف طلعت مراكز الاختبار |
رد: خاص لطلاب الرياض فقط ،،بخصوص مواقع الإختبارات !!!
الاخ ابراهيم
يتكلم عن الوضع في الترم السابق لانه كل مراكز الاختبارات بشرق الرياض انا اول يوم المركز عن بيتي وللاسف حذف اسمى الى مركز ابعد بالنسبة لمواقع المراكز داخل المدينة ما تعرفها الا قبل الاختبارات بيومين بايقونة مراكز الاختبارات |
رد: خاص لطلاب الرياض فقط ،،بخصوص مواقع الإختبارات !!!
صحيح حسب ماسمعت من الترم السابق ان المراكز كلها في شرق الرياض وهاذا فيه صعوبه
الرياض كبيره وزحمه بشكل لا يوصف لكن ان شاء الله المسئولين مايقصرون من هالناحيه وبالتوفيق |
رد: خاص لطلاب الرياض فقط ،،بخصوص مواقع الإختبارات !!!
هذه عناوين مراكز الاختبارات لجميع مناطق المملكة ! بس حق الترم الماضي ! يعني فيه تحديث ! ! http://upload.7ozn.com/do.php?id=143201 بالتوفيق !! |
رد: خاص لطلاب الرياض فقط ،،بخصوص مواقع الإختبارات !!!
اقتباس:
|
All times are GMT +3. الوقت الآن حسب توقيت السعودية: 11:06 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه