|
الى الفيزيائية
ممكن تعلميني انتي في أي كلية
لأن عندي أسئلة كثيرة اتمنى تفيديني |
رد: الى الفيزيائية
السلام عليكم ورحمة الله وبركاته أهلا وسهلا بك أختي ( حنون ) أنا أدرس في كلية العلوم بالدمام وأنا حاضرة لأي للإجابة على أسئلتك وإن شاء الله أقدر أفيدك وأكون عند حسن ظنّك وفّقك الله لكل خير |
رد: الى الفيزيائية
وعليكم السلام اختي فيزيائية
انا اقبلوني كلية العلوم تخصص فيزياء وكانت هي الرغبة الأولى........... علما بان هذا التخصص اكرهه لكن اخوي هو اللي اقنعني وقالي ان الفيزياء مررررررررررررة حلوو......... هو تخصصه هندسة واغلب دراسته فيزياء ورياضيات.......... ويوم عرفت ان انتي تخصصك فيزياء حبيت آخذ رأيك.......... وانشاء الله ماتقصرين |
رد: الى الفيزيائية
في البداية أهنّؤك على القبول أختي ( حنون) بالنسبة للفيزياء هو تخصص جدا رائع وجميل لأنه يفسر الظواهر الطبيعية وكل شيء يتعلق بالطبيعة ومن خلال دراسته نستشعر عظمة الله سبحانه وتعالى في هذا الكون لأن فيه تفكر في خلقة وكثير من آيات من آيات القرآن الكريم تشير إلى شيء من هذا العلم في بنت تدرس معاي قالت إنها كانت في الثانوي ماتحب الفيزياء وأقل علامة جايبتها في الفيزياء لأن المدرسة اللي درستهم ماتشرح عدل فما كانت فاهمة الفيزياء عدل ولما درسته في الكلية صارت تحبه لأن الدكتورة اللي درستنا الفيزياء شرحها ماشاء الله رائع وشدّي حيلك وذاكري أول بأول والله يوفّقك وفّقك الله لكلّ خير |
رد: الى الفيزيائية
مشكووووورة اختي فيزيائية على ردك.......... طيب ممكن تعطيني فكرة عن معلماتكم
وكيف تعاملهم معاكم ......... وهل دراستكم تحتاج جهد كبير؟؟؟:g2: |
رد: الى الفيزيائية
الفيزياء تخصص رائع جداً
الدراسة فيه ممتعة .. ودكاترة قسم الفيزياء أغلبهم متعاونات وحبوبات وجميع معامل الفيزياء بصراحة جداً جداً ممتعة .. ومافيها أي صعوبة إذا كان في القسم مشكلة فهي ليست من القسم نفسه ولا في مواد التخصص يمكن تلاقين صعوبة في مواد التخصص الثانية ( رياضيات مثلاً ) هذا هو الواقع والله يوفقك يارب |
رد: الى الفيزيائية
مشكوووو رة اختي الكتروليتية ........ انتي تخصصك فيزياء؟؟ واذا كان تخصصك فيزياء... هل انتي دخلتيه
برغبتك؟؟ |
رد: الى الفيزيائية
نعم تخصصي فيزياء ودخلته برغبتي عن محبة وإقتناع :119:
|
رد: الى الفيزيائية
طيب عندك فكرة عن الوظايف بعد هذا التخصص.... لاني سمعت ان مافي غير التدريس
وانا ماابغى اصير مدرسة:011:....... والله يوفقك في دراستك:praying: |
رد: الى الفيزيائية
ماقصرتي أختي (الإلكترونية ) جزاك الله خير . وأنا أضم صوتي لصوت أختي (الإلكترونية ) صحيح أنا توني مخلصة سنة أولى بس سمعت أن أغلب المدرسات في قسم الفيزياء شرحهم زين ومتعاونات واللي درسوني كلهم ما عدا وحدة من المعيدات لأن احنا هالسنه درسونا سته معيدات منهم للتماري ومنهم للعملي ماشفت منهم إلى كل خير سواء من ناحية الشرح أو الأخلاق وبالنسبة للدراسة إذا كنت تذاكرين أول بأول بإذن الله ماراح تلاقين أي صعوبة وأنا عن نفسي كانت أسهل وأمتع مادة في المذاكرة هي الفيزياء وإذا كان اللي يدرسكم دكتور سواء في أي مادة شدي حليلك في مادته لأن احنا كان معانا بنات كانوا يطلعون من المحاضرات ويسوون إزعاج وحتى اللعب يلعبون وقت المحاضرة لأنه مايدري عنهم فبس تطلع المراقبة اللي تأخذ الحضور والغياب على طول يطلعون وراها وفي بنات يقولون إن ماعندهم دفاتر وإذا قرب الإمتحان صوروا من البنات اللي يكتبون فها الشيء أكبر سبب لحمل المادة نصيحتي لك ذاكري أول بأول سواء اللي يدرسكم دكتور أودكتورة وبالنسبة للوظايف ماسمعت إن للفيزياء وظيفة غير التدريس وإن شاء الله أختي ( الإكترونية ) تفيدك أكثر في هذا الموضوع وفّقك الله لكلّ خير |
| All times are GMT +3. الوقت الآن حسب توقيت السعودية: 02:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام