|
بخصوص قطعة الينا لاتظلمون الدكتور غسان هو موطفل على شان يخلف بوعده
السلام عليكم ورحمة الله وبركاته
الي كل زملائي وزميلاتي بجامعة الملك فيصل وكل اللي اختبرو اختبار اللغه الانقليزيه صحيح ان الدكتور حذفها لكن وربي فيه لبس بالموضوع لاتظلمون الدكتور غسان وربي انه افضل دكتور يكفيكم انه فاتح جواله 24/24 تقول طواري النجده وهو مو ملزوم انه يفتحه على العموم انا متاكد انه فيه لبس بالموضوع وراح ينزل بيان من الدكتور بخصوص هذا الموضوع وبعدين قطعة الينا سهله وربي ماناظرتها ولا قريتها لكن الاختبار كله استنتاج حتى لو ماجابها الاختبار استنتاج يعني وقفت على قطعة الينا وبعدين لنفرض انه جابها وانتم مذاكرين القطعه صم بس غير بالاسئله راح تقولون ليه يغير هو دكتور حر ويحط الاسئله على كيفه مو شرط يجيب زي الاسئله اللي بالشرائح على العموم الاختبار عد وفات والكلام بالماضي نقصان بالعقل ماراح يزيد او ينقص شي بالتوفيق للجميع وانتظرو البيان من الدكتور غسان اخوكم منصور التميمي ابو تميم |
رد: بخصوص قطعة الينا لاتظلمون الدكتور غسان هو موطفل على شان يخلف بوعده
وأخيراا واحد تكلم بخير ... وهذا اللي كنت أقوله والله ..
لافض فووك :(204): |
رد: بخصوص قطعة الينا لاتظلمون الدكتور غسان هو موطفل على شان يخلف بوعده
لوسي وربي شي يقهر الدكتور ذابح نفسه روحي شوفي باقي الدكاتره وربي مايعطينا وجه وان رد على الايميل تجمل والدكتور غسان ذابح نفسه وبالنهايه شوفي النتيجه انا ما اقول شي انا اقول انظرو بيان من الدكتور غسان لاتظلمونه وبس
|
رد: بخصوص قطعة الينا لاتظلمون الدكتور غسان هو موطفل على شان يخلف بوعده
وانا أشهد أنه دكتور والنعم فيه :119:.. يكفي أنه عطانا أسئلة الاختبار على طبق من ذهب يعني حتى القطعة أساسا ما هي صعبة وموجودة في المحاضرات وفي النماذج اللي عملها لنا للمراجعة يعني اللي ذاكر منها يجيب درجة عالية ,,
|
رد: بخصوص قطعة الينا لاتظلمون الدكتور غسان هو موطفل على شان يخلف بوعده
بصراحه انا ماعمري ذاكرت قطعه ..احد يذاكر قطعه ؟؟؟ الاجوبه موجوده بالقطعه يعني مافي شي راح نخترعه :biggrin:
كبرتوا الموضوع من لا شي ..وحتى لو يصير الاختبار كله قطع عادي وين المشكله الاجوبة موجوده في القطعه في احسن من كذا :cheese: الله يعطيه العافيه الدكتور غسان |
رد: بخصوص قطعة الينا لاتظلمون الدكتور غسان هو موطفل على شان يخلف بوعده
ليت كل الدكاتره مثلك يا دكتور غسان:love080:
|
رد: بخصوص قطعة الينا لاتظلمون الدكتور غسان هو موطفل على شان يخلف بوعده
اشكر الجميع على المرور لاهنتو
|
رد: بخصوص قطعة الينا لاتظلمون الدكتور غسان هو موطفل على شان يخلف بوعده
السلام عليكم انا استغرب من الي يقولون يحفظون القطعه وسوو ازمه يوم الامتحان وجاب لنا شي محذوف وسوو قلق وربكه في القاعه زي اخت مدري وش تحس فيه من وقت شافت القطعه لين راحت البيت شكلها وهي تزيد وتعيد في موضوعها شوشت على العالم وانا احل شكيت انها تتكلم عن شي ثاني غير الي احله !! وربي قطعه جدا سهله والقطع بشكل عام اسخف من اني اضيع وقتي في مذاكرتها وانا دخلت الامتحان بدون ما اشوف ولا قطعه ولا ادري وش القطعه المقرره وش الي محذوفه !! اسئله واجاباتها قدامك نسخ ولصق وش الصعوبه في الموضوع !! بذمتكم القطعه شي يحفظ ؟؟!!!!!!!!!!!!!!!!!!!!!!!!!!! والي يقولون قدراتنا تختلف ومدري وشو وربي اعرف بنات مستواهم ضعيف في الانجليزي ويقولون سهله وعرفو يحلونها ولا بعد هو السؤال الي ضامنين درجاته كامله واسمحولي الي مايقدر يحل سؤال بهالمستوى مكانه ابدا مو ادارة اعمال يرجع المدرسه يتعلم abcd احسن له هذا فاهم القطعه غلط ولا يدري كيف يتعاملون معاها المأخذ الوحيد الي ناخذه عالدكتور انه قال محذوفه وجابها (هذا اذا كان مثل مايقول البعض انه قال محذوفه) اما من ناحية صعبه ولا سهله وربي ولا اسهل يعني لو انه شي ثاني صعب فعلا وتوهقنا ذيك الساعه نشتكي وخذوها درس تذاكرون كل شي بلا محذوف بلاهم وهذا الي يتخوف منه اكثر الدكاتره ويخليهم مايحددون شي او يحذفون شي |
رد: بخصوص قطعة الينا لاتظلمون الدكتور غسان هو موطفل على شان يخلف بوعده
عزيزي الاستاذ منصور اشكرك على حماسك للدكتور وهو اصلا يستاهل كل خير لانه غير الدكاتره الاخرين ودائما ندعي له بالخير ولاخته انعام ان الله يشفيها .... وعلى راي العديد من الطلاب هي كلها قطعه وممكن انك تجاوب عليها بسهوله ولو كنت اول مره تشوفها مع الاختلاف في مستويات الطلاب اكيد بيكون فيه فرق ... لكن اللي يحز في الخاطر والنفس ان الدكتور ماهو مغصوب او مجبر انه يحذف لنا اي قطعة ولا اي سؤال ما دام انه ممكن يجي بأي لحظه وينزلها بالاختبار ؟؟؟؟؟ لان بهذه الطريقه مايكون هناك مصداقية للدكتور ولغيره من زملائه الدكاتر فاصبحنا نتررد في مذاكرة اي مادة واالمحذوف منها ....
هذا رايي المتواضع وارجو اني ما اكون اخطيت على احد فيه .... دمتم بود |
رد: بخصوص قطعة الينا لاتظلمون الدكتور غسان هو موطفل على شان يخلف بوعده
اقتباس:
|
| All times are GMT +3. الوقت الآن حسب توقيت السعودية: 04:13 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه