عاااااااااااااااااجل جداً نبي مساعدتكم في وصف طريق الجامعة
 

مرحبا بالجميع
ضروري جدا وقبل يوم السبت
ممكن الوصف الدقيق لطريق الجامعة؟؟

لا أحد يحط الرسم الكروكي الموجود بالموقع
لأن صديقتي من القطيف امتحانها يوم السبت و شاف اخوها الرسم الكروكي ما فهم شي؟؟؟


يا ريت تقولون الوصف الدقيق ؟؟يعني جنب ايش وكذا؟؟؟


يا الله لا تخيبوني

رد: عاااااااااااااااااجل جداً نبي مساعدتكم في وصف طريق الجامعة
 

انا مااعرف .. وابوي نايم الحين

لي باااك

وان شاء الله الباقيين يفيدونك بالوصف

:g8:

رد: عاااااااااااااااااجل جداً نبي مساعدتكم في وصف طريق الجامعة
 

الله يوفقك يا رب

رد: عاااااااااااااااااجل جداً نبي مساعدتكم في وصف طريق الجامعة
 

هلا حبيبتي
ننتظر وصف أبوكي الله يحفظة

رد: عاااااااااااااااااجل جداً نبي مساعدتكم في وصف طريق الجامعة
 

رد: عاااااااااااااااااجل جداً نبي مساعدتكم في وصف طريق الجامعة
 

هي مو جنب شي أبد .. كأنها بالصحراا ..

المهم انا بوصف لك وانشالله اللي بيوديها يفهم عالطريق .. لأن هذا الطريق سهل ومختصر وبابا علمني عليه وصرت اروح عليه وما اضيع ..

انتوا من القطيف صح ؟

انا اجي من صفوى عن طريق الهاي واي ..

شوفي انتي اطلعي على الهاي واي اللي عليه مستشفى القطيف المركزي وامشي لما تجيك مدينة الأمير نايف الرياضيه .. وبعدين بتشوفي لوحه مكتوب عليها البحرين الرياض رايحه عاليمين روحي عليها .. انتبهي لما تكوني عند مدينة الأمير نايف لأن المخرج يجي بعدها على طول ..

المهم هذا بيوديك على طريق ثاني ظلي امشي سيييييييييييييييييده سييييييييييييده لا يمين ولا يسار ولا شي ..

لما يجيك عاليمين شاحنات وااااجد مصفوفين .. انا الحين اقولك شاحنات لأن فيه لوحه تدل على الجامعه بس الشاحنات مغطينها .. وهالشاحنات صار لهم شهر واقفين

المهم انتي اما تشوفي اللوحه اللي مكتوب عليها جامعة الأمير (يمين) او الشاحنات ..

انتي روحي يمين ..

بعدين امشي سيييييييده وبتشوفي الجامعه ..


انشالله عرفتي الطريق .. يعني هي صحيح بعيده .. بس سهله كلها سيده في سيده ماعدا الطلعه من هاي واي القطيف الى مدري اللي يسمونه طريق ابو حدريه .. :cheese:

رد: عاااااااااااااااااجل جداً نبي مساعدتكم في وصف طريق الجامعة
 

حركااات والله تشوكلت كيك :hahaha_2008: مايمديني ع الوصف لالاصراحه انتي المفروض نطلع لك رخصه ونخليك تودينا للجامعه:hahaha_2008:

انا بغيت اشرح لها من دوار العزيزيه مدري ليه احسب ان كل الناس يعرفون يروحون له :lllolll: وهو بعده كله سيده لين تطلع لك الجامعه ع اليمين

رد: عاااااااااااااااااجل جداً نبي مساعدتكم في وصف طريق الجامعة
 

ههههههههههههههههههه ياليت يسمعونك اللي فوق ويطلعوا لنا كلنا رخص ..

وإلا خساره انا كملت 18 سنه الحين .. لو ببلد ثانيه كان عندي هذيك السياره الكشششخه :lllolll:

وين دوار العزيزيه ؟؟ انتي تجي من الخبر .. هذي الظاهر بتجي من القطيف .. يعني على طريقي ..

رد: عاااااااااااااااااجل جداً نبي مساعدتكم في وصف طريق الجامعة
 

شدعوه احد مايعرف دوار العزيزيه؟:g2:

هذا اللي اول لفه توديك للجامعه والهافمون وثاني لفه توديك عند المجمع لسكني حق التحليه والشبيلي.. اللي وانتي رايحه للدوارفيه بحر العزيزيه يبيعون ذره وبليله :lllolll:

انا اجي من الخبر بس غريبه احسب كل الناس لازم يمرون عليه:g2:

رد: عاااااااااااااااااجل جداً نبي مساعدتكم في وصف طريق الجامعة
 

لا لا احنا ما نمر عليه .. احنا جايين من الشمال خخخخخخ يعني اللي جايين من الجبيل والقطيف