السلام عليكم و رحمة الله و بركاته

انا طبعاً صارت عندي حالة اكتئاب من قولهم ما نقبل الا 75 و طالع

بخصوص ان نسبتي 74.63

رحت للأكاديميه و ضربت مشوار من الجبيل لدمام [ ساعه تعور القلب ]

و رحت لهم و قالو لي ماراح نقبلك الا ان سمحو لنا الهيئة الصحيه و جاك استثناء

و رجعت كما جيت !

اعطوني رقم الهيئة الصحيه و صرت حول 3 ايام اتصل عليهم و [ محد يمك ]

اليوم و بحمدلله و الشكر له قدرت اوصل لموظف و اعطاني تحويلة للمعاهد الصحيه بالشرقيه

اخذت التحويله و دقيت من ثاني كلمتني موظفه

و قلت لها سالفتي و اني ابي الأكاديميه

تخيلو تقولي ليه تتعبين نفسك و تدفعين على دبلوم وانتي كذا و كذا راح تظطرين تكملين

و الوظيفه موش مضمونه و مدري ايش

قلت لها طيب و الحل

قالت سجلي بالكليات الحكوميه !

طيب اذا انا سجلت بالحكوميه و الحكوميه رفضت طلبي بالتخصص اللي رغبت له وهو دبلوم و برسوم

و قلعوني الخفجي و قبلها قلعوني الأحساء وانا من سكان الجبيل !

اعطتني الموظفه تحويلة السكرتير أ. عادل الشهراني

و طبعاً حضرة السكرتير موش موجود ..

اظطريت ادق على الراس الكبير الدكتور فهيد بن محمد الهدياني

و تخيلو مع انه مدير الأداره ما يدري عن القرارات اللي تصدر من قبلهم !

بعد ما اعطيته النسب حقتي يقولي ليه ما تروحين الكليات الأهليه دام القدرات عندك بالثمنين وماشاء الله

قلت له استاذي نسبتي 74 وانتم محددين 75 و فوق

ماعرف يرد الله يصلحه

قلت له رحت كلية الغد و قالو لي حتى على حسابي يرفضون يدخلوني

قالي ارسلي اوراقك على التحويلة الفلانيه و الله يجزيه الف خير اعطاني رقم فاكس السكرتير

و قالي بأرسل لك استثناء

و على الله و الله يجزيه الف خير